Yeremiya 22:12 - BIBELE Mahungu Lamanene

¹² Ú ta ya fela etikweni leri a yisiweke evukhumbini eka rona. Tiko ra ka vona a nge he tlheli a ri vona.”

Xitsonga (Bibele)

¹² Hikuva u ta fela endhawini yeleyo va n'wi tekeleke kona eku bohiweni, a nga ha tlheli a ta vona tiko leri.”

Yeremiya 22:12 Referans Kwoze

2 TIHOSI 23:34

Kutani Faro Neko a veka Eliyakimi n'wana Yosiyasi evuhosini bya tata wa yena; a hundzuluxa vito ra yena, a n'wi thya ra Yoyakimi. Kutani a teka Yowahazi, a n'wi yisa etikweni ra Egipta, laha a nga ya fela kona.

Yeremiya 22:18

Hikokwalaho HOSI Xikwembu xi vurisa sweswo ehenhla ka Yoyakimi n'wana Yosiyasi, hosi ya Yuda, xi ri: “Loko a fa, a va nga n'wi rili, a ku nga twali xirilo lexi nge: ‘Yo n'wana manana! Yo makwerhu!’ Naswona ku nge twali xirilo lexi nge: ‘Yo n'wini wa hina! Yo hosi ya hina!’

Levhitika 26:38

Mi ta fa mi hela ematikweni ya valala va n'wina.

2 TIHOSI 23:29

Enkarhini wa Yosiyasi, Faro Neko, hosi ya le Egipta, a huma nyimpi ku ya pfuna hosi ya le Asiriya le nambyeni wa Yufrata. Hosi Yosiyasi a ringeta ku ya n'wi sivela, kambe kan'we-kan'we loko Faro Neko a n'wi vona, a n'wi tlhava, kutani Yosiyasi a fela eMigido;

Yeremiya 22:27

Mi ta navela ku vuya karikwenu, kambe swi nga ka swi nga endleki.”

Yeremiya 42:18

Mina HOSI ya matimba hinkwawo, Xikwembu xa Israele, ndzi vurisa sweswo ndzi ri: Loko mo ya etikweni ra Egipta, vukari bya mina ni ku hlundzuka ka mina swi ta mi wela, tani hilaha swi weleke vanhu va Yerusalema. Vanhu va ta mi rhuketela va mi nyenya, va ta mi sandza va mi hlekula, kutani tiko leri ra n'wina, mi nga ka mi nga ha ri voni!’ ”