Yeremiya 21:6 - BIBELE Mahungu Lamanene

⁶ Lava akeke emutini lowu ndzi ta va dlaya hi ntungu lowukulu, ndzi dlaya ni swifuwo swa vona.

Xitsonga (Bibele)

⁶ Ndzi ta ba vaaki va muti lowo, vanhu ni tihomu, va ko va fa hi ntungu lowukulu.

Yeremiya 21:6 Referans Kwoze

Sofoniya 1:3

Ndzi ta herisa vanhu ni swiharhi, ndzi herisa tinyanyana ni tinhlampfi. Vanhu lavo homboloka, ndzi ta va wisela hansi; ndzi ta dlayetela vanhu hinkwavo laha misaveni; ndzi vurisa sweswo, mina HOSI.

Hosiya 4:3

Hikokwalaho, tiko ra rila, vaaki va rona hinkwavo va hela ntamu; swiharhi swa nhova ni tinyanyana swi tsanile, hambi ti ri tinhlampfi ta lwandle ta nyamalala.

Ezekiele 14:21

HOSI N'wini wa hinkwaswo ú vurisa sweswo ú ri: “Hakunene ndzi ta ba muti wa Yerusalema hi swilo swa mune, ku nga matlhari ni tindlala ni swiharhi ni mintungu; swilo leswi swi ta dlaya vanhu ni swifuwo.

Ezekiele 14:19

Loko ndzi nga vanga mintungu etikweni rero, ndzi chululela vukari bya mina ehenhla ka rona byi dlaya vanhu ni swifuwo,

Ezekiele 14:17

Loko ndzi nga vanga tinyimpi ti hlasela tiko rero, ku dlayiwa vanhu ni swifuwo ematlhelweni hinkwawo ya rona,

Ezekiele 14:13

“Swi tive we Ezekiele, loko tiko rin'wana ri nga tshuka ri ndzi dyohela hi ku ka ri nga tshembeki, kutani ndzi tlakusa voko ra mina ndzi ba tiko rero, ndzi herisa swakudya swa rona, ndzi ri vangela tindlala ni ku fa ka vanhu ni swifuwo,

Yeremiya 33:12

“Mina HOSI ya matimba hinkwawo, ndzi vurisa sweswo ndzi ri: Exivandleni lexi hundzukeke mananga ku nga ha tshami munhu kumbe xifuwo, ni le mitini ya kona hinkwayo, ndzi ta nyika varisi madyelo ya swifuwo leswitsongo, va swi risela kona.

Yeremiya 32:24

Valala va le ku fumbeteleni ka misava yo khandziya ha yona erirhangwini ra muti; va le Yerusalema va le kusuhi ni ku tinyiketa eka Vakalediya lava, hikuva va hluriwa hi matlhari ni tindlala ni mintungu. Leswi u nga tshama u swi vula, swi le ku humeleleni, na wena wa swi vona.

Esaya 6:11

Kutani ndzi vutisa ndzi ku: “We N'wini wanga, swi ta va tano ku fika rini xana?” A hlamula a ku: “Ku kondza miti yi va marhumbi, ku nga ha tshami munhu eka yona, ni tindlu ti sala ti nga ha ri na vanhu, ni tiko ri hundzuka mananga.

Luka 21:24

Va ta dlawa hi fumu, va ta yisiwa va ri mahlonga ematikweni hinkwawo; kutani muti wa Yerusalema wu ta kandziyeriwa hi vamatiko ku kondza loko minkarhi ya vona yi ta va yi herile.

Mikiya 3:12

Kasi, hikwalaho ka vona, muti wa Siyoni wu ta rimiwa kukota nsimu. Yerusalema ú ta hundzuka rhumbi, exintshabyanini xa Tempele, ku ta va swihlahla ntsena.

Ezekiele 33:29

Siku ndzi nga ta hundzula tiko ri va mananga layo chavisa, hikwalaho ka swilo hinkwaswo swa manyala leswi va swi endleke, hi kona va nga ta tiva leswaku HOSI Xikwembu, hi mina!

Ezekiele 33:27

Naswona va byele leswaku mina HOSI N'wini wa hinkwaswo ndzi tiyisa hi ku hlambanya ndzi ri: Lava seleke emarhumbini va ta dlawa hi matlhari; lava nga nhoveni ndzi ta va tshika va dyiwa hi swiharhi; lava nga makocokocweni ni le mabakweni ya tintshava va ta dlawa hi mintungu.

Ezekiele 12:16

Kambe ndzi ta ponisa va nga ri vangani exikarhi ka vona; a va nga dlayiwi hi matlhari ni tindlala ni mintungu; kutani loko va yisiwile ematikweni, va ta tisola hikwalaho ka manyala hinkwawo lawa va ma endleke, naswona vamatiko va ta tiva leswaku HOSI Xikwembu hi mina!”

Ezekiele 7:15

HOSI Xikwembu xi engeta xi ku: “Enhoveni, ku ta lwiwa, mintungu ni tindlala swi ta wela Yerusalema; lava lwaka nyimpi ehandle va ta dlawa hi valala, ni lava nga sala emutini, va ta herisiwa hi tindlala ni mintungu.

Yeremiya 42:22

Hikokwalaho swi tiveni namuntlha leswaku mi ta dlawa hi matlhari ni tindlala ni mintungu, mi fela endhawini leyi mi navelaka ku ya tshama eka yona.”

Yeremiya 36:29

Kutani u byela yena Yoyakimi leswaku mina HOSI ndzi ni rito eka yena, hikuva ú hisile buku leyo sungula a ri karhi a vilela a ku: ‘Hikwalaho ka yini va tsarile eka yona leswaku hosi ya Babilona yi ta ta yi ta hlasela tiko leri, yi yisa vanhu ni swifuwo swa vona evukhumbini, xana?’

Yeremiya 34:17

Hikokwalaho mina HOSI ndzi ri, a mi ndzi yingisanga, hikuva a mi ntshunxanga varikwenu, a mi humesanga vamakwenu evuhlongeni. Kutani yingisani, mina HOSI ndzi ta mi nyiketa ku dlawa hi matlhari ni mintungu ni tindlala. Vanhu va matiko hinkwawo va ta vona khombo ra n'wina lero chavisa.

Yeremiya 14:12

Hambi va nga titsona swakudya, a ndzi nga yingisi swikhongelo swa vona. Loko va ndzi hisela magandzelo ya nyama kumbe ya mapa, a ndzi nga va amukeli, ndzi ta va herisa hi matlhari, ni tindlala, ni mintungu.”

Yeremiya 7:20

Hikokwalaho mina HOSI N'wini wa hinkwaswo ndzi vurisa sweswo ndzi ri: Ndzi ta chululela vukari bya mina lebyi pfurhaka ehenhla ka xivandla lexi, ni le henhla ka vanhu ni swifuwo, ni le henhla ka swihlahla ni masimu ni leswi milaka eka wona. Hinkwaswo swi ta tshwa, ndzilo wa kona wu nga timeki!”

Genesa 6:7

kutani xi ku: “Ndzi ta herisa vanhu lava ndzi va tumbuluxeke laha misaveni, ni swiharhi, ni swikokovi, ni tinyanyana. Ndza tilaya, leswi ndzi vumbeke swilo leswi.”

Yeremiya 16:4

Va ta dlawa hi mintungu, ku ri hava la rilaka nkosi wa vona. A va nga lahliwi esirheni, kambe va ta fana ni vulongo lebyi cheriweke emasin'wini. Va ta dlawa hi matlhari ni tindlala, mintsumbu ya vona yi dyiwa hi makoti ni swiharhi swa nhova.

Yeremiya 20:4

HOSI Xikwembu xi ri: ‘Ndzi ta ku endla Muchavisi, u tichavisa wena n'wini, u chavisa ni vanghana va wena hinkwavo. Valala va ta va dlaya hi matlhari emahlweni ka wena. Vanhu hinkwavo va tiko ra Yuda, ndzi ta va nyiketa emavokweni ya hosi ya Babilona, kutani yona yi ta va yisa evukhumbini eBabilona, yi va herisa hi matlhari.