Yeremiya 20:12 - BIBELE Mahungu Lamanene

¹² We HOSI ya matimba hinkwawo, u kambisisa munhu wo tshembeka, u tiva miehleketo ni mbilu ya yena: Rihiseta valala va mina ndzi ri karhi ndzi swi vona, hikuva timhaka ta mina, ndzi ku tivisile tona.

Xitsonga (Bibele)

¹² Yehovha wa tinyimpi u ringa la lulameke, u languta swisuti ni timbilu; ndzi ta vona ku tirihisela ka wena eka vona, hikuva ndzi ku tivisile timhaka ta mina.

Yeremiya 20:12 Referans Kwoze

Yeremiya 11:20

Kutani ndzi khongele ndzi ku: “We HOSI ya matimba hinkwawo, wena u avanyisaka timhaka hi ku lulama, wena u kambelaka ripfalo ra munhu ni mianakanyo ya yena, tikombe eka mina hi ku rihiseta vanhu lava, hikuva timhaka ta mina, ndzi ku byerile tona hinkwato.”

Pisalema 62:8

N'wina vanhu, tshembani Xikwembu minkarhi hinkwayo, xi tiviseni leswi nga timbilwini ta n'wina, hikuva hi xona ribye ra vutumbelo bya hina.

Pisalema 54:7

U ndzi lamulerile emakhombyeni hinkwawo, a ndza ha chavi loko ndzi vona valala va mina.

Yeremiya 17:10

loko ku nga ri hi mina HOSI, hikuva ndzi kambisisa miehleketo, ndzi ringeta ni timbilu ta vanhu, kutani ndzi hakela un'wana ni un'wana hi ku ya hi mahanyelo ya yena ni leswi a swi endlaka.”

Pisalema 59:10

Xikwembu xa mina xa tshembeka, xi ta ta laha ndzi nga kona, xi ta ndzi komba ku hluriwa ka valala va mina.

Pisalema 139:23

Ndzi kambisise we HOSI, u vona leswi nga mbilwini yanga. Ndzi kambele, kutani u ta tiva leswaku ndzi anakanya yini.

Pisalema 7:9

Herisa ku biha ka lavo homboloka, u tiyisa lavo lulama, hikuva u Xikwembu xo lulama, wena u kambelaka timbilu ni miehleketo.

Yeremiya 17:18

Lava va ndzi xanisaka a va khome hi tingana, kambe mina u nga ndzi nyumisi; chavisa vanhu lava, mina ndzi nga chavisiwi hi nchumu; va tisele nkarhi wa makhombo, u va heta matimba u vuyelela!

Esaya 37:14

Hezekiya a nyikiwa papila ra timhaka leti hi varhumiwa, a ri hlaya, kutani a tlhandlukela endlwini ya HOSI Xikwembu, a fika a ri phurumula emahlweni ka xona,

Pisalema 17:3

U ndzi endzerile nivusiku, ku ta xiya mbilu ya mina, ni ku ndzi kambisisa, kambe a wu kumanga nchumu xa tingana;

Pisalema 11:5

HOSI yi kambela lavo lulama ni lavo homboloka; lava tsakelaka mintirho ya tihanyi yi va nyenya ngopfu.

Nhlavutelo 18:20

Tsaka hi mhaka ya wona, wena tilo; na n'wina vahlawuriwa va Xikwembu, ni vaapostola, ni vaprofeta, tsakani, hikuva Xikwembu xi wu avanyisile, xi mi rihisetela.”

Nhlavutelo 6:10

A va huwelela hi rito leri tlakukeke va ku: “We Hosi ya matimba hinkwawo, wena wo kwetsima, wa ntiyiso, swa ha ta teka nkarhi muni ku fikela loko u ta avanyisa vaaki va misava ni ku va ba, leswi va hi dlayeke?”

Nhlavutelo 2:23

Ndzi ta dlaya vana va yena, kutani tikereke hinkwato ti ta tiva leswaku hi mina loyi a kambisisaka mianakanyo ni timbilu. Kutani ndzi ta avanyisa un'wana ni un'wana wa n'wina hi ku ya hi mintirho ya n'wina.

1 Petro 4:19

Hikokwalaho, lava twisiwaka ku vava hilaha Xikwembu xi rhandzaka hakona, a va endle leswo lulama, kutani va veka mimoya ya vona emavokweni ya Muvumbi loyi a tshembekaka.

1 Petro 2:23

Loko a rhuketeriwa, a nga tlheriselanga hi ku rhuketela; loko va n'wi twisa ku vava, a nga vulanga leswaku ú ta tirihisela, kambe ú swi tshikile emavokweni ya loyi a avanyisaka hi ku lulama.

Yeremiya 12:8

Vahlawuriwa va mina va ndzi tela kukota tinghala, va ndzi mpfhumpfhela, hikokwalaho a ndza ha va rhandzi.

Esaya 38:14

“A ndzi rila kukota mbewulani, ndzi gomela ku fana ni tuva, mahlo ya mina ma karhala hi ku languta etilweni. We n'wini wanga, ndzi biyelele ekhombyeni leri ndzi nga ka rona.

Pisalema 86:4

We N'wini wanga, ndzi tsakise, hikuva ndzi nandza wa wena, ndzi tlakusa mahlo ndzi languta eka wena.

2 TIKRONIKA 24:22

Siku hosi Yowasi a dlayaka Zakariya, a a rivarile tintswalo leti Yoyada tata wa Zakariya a n'wi endleleke tona. Kambe loko Zakariya a ri karhi a hlala, a huwelela a ku: “We HOSI, languta leswi endliwaka, u rihiseta!”

1 SAMIELE 1:15

Kambe Hana a hlamula a ku: “E-e, n'wini wanga, ntsena ndzo va wansati loyi a karhatekaka ngopfu. A ndzi nwanga vhinyo kumbe byalwa, kambe ndzi tile ku ta phofula swa mbilu ya mina eka HOSI Xikwembu.

Pisalema 58:10

Munhu wo lulama ú ta tsaka loko a vona ku biwa ka lavo homboloka, ú ta hlamba milenge engatini ya vona.