Yeremiya 2:9 - BIBELE Mahungu Lamanene

⁹ Hikokwalaho ndza ha lava ku tengisana na n'wina, na vona vatukulu va n'wina ndzi ta tengisana na vona. Ndzi vula sweswo mina HOSI!

Xitsonga (Bibele)

⁹ “Hikwalaho ndza ha ta mi tengisa,” ku vula Yehovha; “kambe ndzi ta tengisa ni vatukulu va n'wina.

Yeremiya 2:9 Referans Kwoze

Yeremiya 2:35

wa ha vula u ku: ‘A ndzi dyohanga nchumu, hikokwalaho Xikwembu xi nga ka xi nga ndzi hlundzukeli!’ Yingisa! Ndzi ta ku ba hi mhaka ya leswi u nge: ‘A ndzi dyohanga nchumu!’

Mikiya 6:2

N'wina tintshava, twanani milandzu leyi HOSI Xikwembu xi lavaka ku yi boxa, ndzi vula n'wina masungulo ya misava lama nga kona hilaha ku nga heriki. HOSI Xikwembu xi ni mhaka leyi xi lavaka ku yi kanela ni vanhu va xona, xi lava ku tengisana ni Vaisraele.

Eksoda 20:5

u nga tshuki u swi nkhinsamela, kumbe ku swi tirhela, hikuva mina HOSI Xikwembu xa wena, ndzi Xikwembu xa rilaveta: Ndzi ba lava va ndzi vengaka kun'we ni vana va vona, ku fika eka rixaka ra vona ra vunharhu ni ra vumune.

Hosiya 2:2

“Khongotelani mana wa n'wina, hikuva a nga ha ri nsati wa mina, na mina a ndza ha ri nuna wa yena; n'wi khongoteleni leswaku a hambana ni vunghwavava, a tshika ni timhaka ta vugangu;

Yeremiya 2:29

HOSI Xikwembu xi vula sweswo xi ri: “Hikwalaho ka yini mi ndzi veka nandzu xana? Hinkwenu mi tiarisile, mi lwa na mina.

Esaya 43:26

A hi yeni ehubyeni, hi ya kanela, boxani mhaka ya n'wina, hi ta vona loko mi vulavula ntiyiso.

Esaya 3:13

HOSI Xikwembu xi lava ku tengisa vanhu milandzu, xi tilulamisela ku avanyisa vanhu va xona.

Levhitika 20:5

mina hi xiviri ndzi ta ba munhu yoloyi ndzi ba ni ndyangu wa yena, swin'we ni hinkwavo lava endlaka na yena vunghwavava hi ku tirhela Moloko; ndzi ta va hlongola va suka exikarhi ka va ka vona.

Pisalema 50:4

Xi vitana matilo ni misava leswaku swi ta va timbhoni ta xona, loko xi avanyisa vanhu va xona;

Hosiya 4:1

Yingisani rito ra HOSI Xikwembu, n'wina vanhu va tiko ra Israele: HOSI Xikwembu xi lava ku boxa milandzu ya vaaki va tiko, hikuva etikweni ku hava ku tshembeka kumbe tintswalo, naswona vanhu a va ha vuli nchumu hi Xikwembu.

Hosiya 12:3

Yakobo ú lwetanile ni makwavo va ha ri ekhwirini ra mana wa vona, loko a kurile, ú sungule ku kamana na Xikwembu.