Yeremiya 2:36 - BIBELE Mahungu Lamanene

³⁶ U hatlisa ngopfu ku hundzuluxa mikhuva ya wena. Tiva leswaku Vaegipta va ta ku khomisa tingana, ku fana ni leswi Vaasiriya va ku endleke swona.

Xitsonga (Bibele)

³⁶ U phikelela hikwalaho ka yini ku hambuka ndlela ya wena? U ta khomisiwa tingana hi Egipta, kukota loko wa ha khomisiwile tingana i Vaaxuru.

Yeremiya 2:36 Referans Kwoze

Yeremiya 31:22

N'wina vanhu vo ka va nga tshembeki, tshikani ku kanakana, hikuva HOSI Xikwembu xi tumbuluxile leswintshwa etikweni: Wansati ú ta tilavela wanuna!

Hosiya 5:13

Va ka Efrayimi va vonile vuvabyi bya vona, na vona va ka Yuda va vona timbanga ta vona, kutani va ka Efrayimi va rhuma vanhu va ya eAsiriya, va ya kombela ku pfuniwa eka hosi leyikulu. Kambe hosi leyi a yi swi koti ku mi horisa, ni timbanga ta n'wina, a yi ti koti,

Hosiya 12:1

Va ka Efrayimi va hlongorisa moya, loko ri xile va landzelela moya wa le vuxeni; vuxisi ni tihanyi swa andza exikarhi ka vona; va endla xinakulobye ni tiko ra Asiriya, va rhwala ni mafurha va ma yisa etikweni ra Egipta.

Yeremiya 2:23

“Mi nga vuli mi ku: ‘A hi tinyamisanga, a hi khongelanga swikwembu swa Baali!’ Tsundzukani hilaha mi dyoheke hakona eminkoveni, anakanyani leswi mi swi endleke: A mi tsutsuma mi ya hala ni hala ku fana ni kamela ya ntswele leyi lavaka nkuzi.

2 TIKRONIKA 28:16

Enkarhini wolowo, Akazi a rhumela vanhu eka tihosi ta le Asiriya, a kombela leswaku ti n'wi pfuna.

Hosiya 14:3

Hakunene, tiko ra Asiriya ri nga ka ri nga hi ponisi, ni tihanci ta nyimpi ti nga ka ti nga hi sirheleli; ni xilo lexi hi xi endleke hi mavoko ya hina, hi nge he engeti hi ku ka xona: ‘U xikwembu xa hina!’ Eka wena, hambi a ri n'wana wo pfumala vatswari ú kuma ku hlayiseka.”

Hosiya 10:6

Rhole ra kona ri ta rhwariwa ri ya le Asiriya, ri ta ya va ndzuvo eka hosi leyikulu. Va ka Efrayimi va ta khomisiwa tingana, vanhu va tiko ra Israele va ta nyuma hikwalaho ka xifaniso lexi xa vona.

Hosiya 7:11

Va ka Efrayimi va fana ni phuphula ra tuva leri hahaka ri ya hala ni hala: Va kombela va le Egipta ku va pfuna, va hundza va ya fika ni le Asiriya.

Ezekiele 29:7

va lo na ku khoma hi voko, wo tshoveka, u va tlhava makhehele; loko va xongotela hi wena, u petsekile, kutani va wa va suleka tinyonga.

Swirilo 5:6

Hi tinyiketile eka Vaegipta ni Vaasiriya, leswaku va ta hi pfuna hi swakudya swo ringana.

Swirilo 4:17

Mahlo ya hina ma tshamela ku fehla hi ku langutela ku pfuniwa, kambe mupfuni ku hava! Hi tshamile eswihondzweni swa varindzi, hi ri karhi hi langutela ku ponisiwa hi tiko leri nga pfuniki nchumu.

Yeremiya 37:7

“Hlamula hosi ya Yuda, ni vanhu lava yi va rhumeke ku vutisa ku rhandza ka mina, u va byela leswaku mina HOSI Xikwembu xa Israele ndzi ni rito eka vona leri nge: ‘Yingisani! Mavuthu ya hosi Faro lawa a ma ta ku ta mi pfuna, sweswi ma le ku mukeni ma tlhelela le Egipta etikweni ra wona.

Yeremiya 2:33

“Wena Israele, ndlela yo tilavela swigangu, u yi tiva ngopfu! Hikokwalaho, ku endla xidyoho i mhaka leyi u yi toloveleke ngopfu,

Yeremiya 2:18

Kutani sweswi swi mi pfuna yini ku tsutsumela le Egipta, mi ya nwa mati enambyeni wa Nilo xana? Ni ku ya le Asiriya mi ya nwa mati enambyeni wa Yufrata, swi mi pfuna yini xana?

Esaya 20:5

Hikokwalaho, vanhu lava a va tshemba Vaetiyopiya, lava a va tinyungubyisa hi Vaegipta, va ta tshuka ngopfu, va hlangana nhloko.

Yeremiya 46:12

Vanhu va matiko mambe va twile hilaha u tsongahatiweke hakona; nkalanga wa ku rila ka wena wu tatile misava. Nhenha ya wena yi phijiwile hi nhenha-kulobye, ti wile hi vumbirhi bya tona.

Ezekiele 16:28

Kambe a wu nga si kolwa! U endlile vunghwavava ni vavanuna va le Asiriya, kutani na vona a va ku korwisanga.

Yeremiya 22:20

HOSI Xikwembu xi ri: “We Yerusalema, khandziya ntshava ya Lebanoni u ba nkalanga, yana etikweni ra Baxani u ri karhi u huwelela; rila u ri etintshaveni ta Abarimi, hikuva vanghana va wena hinkwavo va herisiwile.

Yeremiya 22:22

Hikokwalaho xihuhuri xi ta hangalasa varhangeri va wena hinkwavo, vanghana va wena va ta yisiwa evukhumbini. U ta tsongahatiwa ni ku rhuketeriwa hi mhaka ya mintirho ya wena hinkwayo leyo biha.