Yeremiya 2:34 - BIBELE Mahungu Lamanene

³⁴ ni ngati leyi tlhambukeleke eswiambalweni swa wena, i ya swisiwana leswi nga riki na nandzu, ku nga ri ya vanhu lava u va kumeke va ri karhi va yiva! Kambe ehandle ka leswo hinkwaswo,

Xitsonga (Bibele)

³⁴ Kasi ni le madziveni ya nguvu ya wena, ku kumiwa ngati ya swisiwana leswi nga riki na nandzu, lava u nga va khomangiki va boxa yindlu ya wena, kambe u va dlayile hikwalaho ka mikhuva ya wena hinkwayo.

Yeremiya 2:34 Referans Kwoze

2 TIHOSI 21:16

Manase ú dlayile vanhu lavo tala ngopfu, lava a va nga ri na nandzu, muti wa Yerusalema wu ko wu tala hi ngati ya vona, matlhelo hinkwawo. Xidyoho lexi, ú xi engeterile eka swidyoho swin'wana leswi a nga dyohisa vanhu va Yuda ha swona, loko a va kucetela ku endla leswo biha emahlweni ka HOSI Xikwembu.

Yeremiya 19:4

Mhaka ya kona hileswaku vanhu va mina va ndzi tshikile, va nyamisa xivandla lexi hi ku hisa mirhi ya risuna eka xona, va hisela swikwembu swimbe leswi vatata wa vona va nga swi tivangiki, hambi ti ri tihosi ta Yuda a ti swi tivanga. Naswona exivandleni lexi, va dlayile vanhu lavo tala lava a va nga ri na nandzu.

2 TIHOSI 24:4

Manase a a dlayile vanhu lava a va nga ri na nandzu, a tata Yerusalema hi ngati ya vona, kutani HOSI Xikwembu a xa ha swi lavanga ku n'wi rivalela.

Eksoda 22:2

“Loko khamba ri kumiwa ri ri karhi ri tshova yindlu nivusiku, kutani ri biwa ri fela kwalaho, rifu ra rona a ri rihiwi.

Ezekiele 24:7

Naswona ngati leyi vanhu va muti lowu va yi halateke, ya ha vonaka, hikuva yi halateriwile eribyeni, laha ku nga riki na misava yo yi seletela.

Ezekiele 20:31

Hakunene loko mi ri karhi mi humesa magandzelo ya n'wina ni loko mi dlaya vana va n'wina, mi va hisa emahlweni ka swikwembu swa n'wina hinkwaswo leswa hava, mi le ku tinyamiseni! Hikokwalaho swi tiveni n'wina Vaisraele: Ndzi tiyisa hi ku hlambanya leswaku ndzi nga ka ndzi nga pfumeri ku vutisiwa timhaka hi n'wina.

Yeremiya 8:12

Xana ku endla swa manyala leswi, swi va khomisile tingana xana? E-e, a va nyumanga ha swona niswitsanana, a swi va twisanga ku vava. Hikokwalaho na vona va ta hluriwa ku fana na van'wana esikwini leri ndzi nga ta va avanyisa, va ta wela hansi va nga ha pfuki. Ndzi vula sweswo mina HOSI.”

Yeremiya 7:31

Va akile ndhawu yo gandzela eka yona le Tofete enkoveni wa va ka Hinomu, va dlaya vana va vona va xinuna ni va xisati, va humesa ha vona magandzelo lama hisiwaka. Mhaka leyi, a va lerisiwanga hi mina, a ndzi yi ehleketanga ni siku ni rin'we!

Yeremiya 6:15

Xana ku endla swa manyala leswi swi va khomisile tingana xana? E-e, a va twanga ku vava ha swona, a va nyumanga niswitsanana. Hikokwalaho va ta wa ku fana na van'wana, esikwini leri ndzi nga ta va avanyisa, va ta wela hansi va nga ha pfuki. Ndzi vula sweswo mina HOSI.”

Esaya 59:7

A mi hlweli ku endla leswo biha, mi hatla ku halata ngati ya lava nga riki na nandzu. Lomu mi yaka kona, mo yela ntsena ku herisa ni ku fayetela.

Esaya 57:5

Mi gandzela swikwembu swa hava hi ku famba mi etlelana ehansi ka minkuhlu, ni le hansi ka mirhi hinkwayo leyo tlhuma, mi dlaya ni vana va n'wina eminkoveni, ni le mabakweni ya maribye.

Esaya 59:3

Mavoko ya n'wina ni tintiho ta n'wina swi lo pyì, hi ngati ni leswo homboloka; loko mi pfula nomo mi vulavula, ku huma vuxisi ni ku kanganyisa ntsena.

Yeremiya 2:33

“Wena Israele, ndlela yo tilavela swigangu, u yi tiva ngopfu! Hikokwalaho, ku endla xidyoho i mhaka leyi u yi toloveleke ngopfu,

Yeremiya 7:6

Mi nga xanisi valuveri, ni lava feriweke hi vatswari, ni tinoni. Exivandleni lexi mi nga tshuki mi dlaya vanhu lava nga riki na nandzu. Naswona tshikani ku landzelela swikwembu swa hava leswi swi mi vangelaka makhombo.

Swirilo 1:9

Thyaka ra yena a ri ri etingubyeni, kambe a nga anakanyanga leswaku ú ta avanyisiwa; hikokwalaho ku wa ka yena ka chavisa, ú pfumala ni loyi a n'wi tiyisaka. Yerusalema ú ri: “We HOSI, vona nhlomulo wa mina, hikuva nala wa khana, ú hlurile.”

Swirilo 4:14

Varhangeri lava, a va gugurhuteka onge va lo fa mahlo, a va lo pyì, hi ngati, lero a swi yila hambi ku ri ku khumba swiambalo swa vona.

Ezekiele 9:9

Xikwembu xi ndzi hlamula xi ku: “Vaisraele ni va ka Yuda va dyohile ngopfu; tiko ra vona ri tele vadlayi, ni kwala Yerusalema va le ku xanisaneni. Va vula leswaku mina HOSI ndzi tshikile tiko ra vona, ni leswaku a ndzi voni leswi va swi endlaka.

Ezekiele 22:25

Varhangeri va tiko leri va fana ni nghala leyi vombaka loko yi dlayile xiharhi: Va heta vanhu, va teka rifuwo ra tiko ni swilo swa nkoka; vavasati lavo tala va hundzuka tinoni etikweni.

Eksoda 22:1

“Loko munhu a yiva homu kumbe nyimpfu, kutani a yi dlaya kumbe a yi xavisa, homu ya kona ú ta yi riha hi ntlhanu wa tihomu, kasi nyimpfu yona ú ta yi riha hi mune wa tinyimpfu.

Ezekiele 23:45

Kambe vanhu lavo lulama va ta avanyisa Ohola na Oholiba, va va vona nandzu wa ku endla vuoswi ni wa ku halata ngati; hakunene vavasati lava i vaoswi, mavoko ya vona ma lo pyì, hi ngati.”