Yeremiya 2:32 - BIBELE Mahungu Lamanene

³² Nhwanyana a nga ka a nga rivali vuhlalu bya yena, na rona hlomisa ri nge rivali swiambalo swa rona swa nkhuvo. Kambe n'wina vanhu va mina, i khale swinene mi ndzi rivarile.

Xitsonga (Bibele)

³² Xana wanhwana a nga rivala vubombi bya yena, kumbe mutekiwa mavamba ya yena xana? Kambe tiko ra mina ri ndzi rivarile hi masiku lama nga heriki.

Yeremiya 2:32 Referans Kwoze

Pisalema 106:21

Va rivarile Xikwembu lexi xi va poniseke, xona lexi endleke swilo leswikulu le Egipta,

Yeremiya 13:25

Lexi hi xona xiphemu xa wena, we Yerusalema, lexi mina HOSI ndzi nga ku avela xona, hikuva u ndzi rivarile, u tshemba swikwembu swa mavunwa.

Yeremiya 3:21

Ku twakala xirilo eswitsungeni; i xa Vaisraele lava tisolaka hi mihloti, hikuva va hambukile endleleni ya ntiyiso, va rivala HOSI Xikwembu xa vona.

Yeremiya 2:11

Xana vamatiko va tshama va tshika swikwembu swa vona xana? E-e! (Kasi swikwembu swa kona a hi swa ntiyiso!) Kambe vanhu va mina va ndzi tshikile, mina Xikwembu xa vona lexi dzunekaka, va tilavela leswi nga pfuniki nchumu.

Esaya 17:10

N'wina Vaisraele, mi rivarile Xikwembu lexi xi mi ponisaka, Ribye leri mi tumbelaka eka rona, a mi ri tsundzukanga; hikuva mi tsakela ku endla mintanga, mi simeka ni swirhabyana eka yona, mi simekela swikwembu swimbe.

Hosiya 8:14

Vanhu va tiko ra Israele va rivala Muvumbi wa vona. Va tiakela miti leyikulu; vanhu va tiko ra Yuda vona va aka miti leyi sirheleriweke; kambe mina ndzi ta hoxa ndzilo emitini leyi, wu ta herisa ni makhokholo ya kona.

Esaya 61:10

Ndzi ta titsakela swinene eka HOSI Xikwembu xanga, moya wanga wu ta xi tlangela, hikuva matimba ya xona ya ku ndzi ponisa i xiambalo xa mina, ni ntirho wa xona wa ku ndzi lwela i nceka lowu ndzi tifunengetaka ha wona. Ndzi tsaka kukota muteki la tikhavisaka hi swiluva, kukota mutekiwa la tibombisaka hi vuhlalu bya nkoka.

Pisalema 9:17

Lavo homboloka va kongoma exivandleni xa vafi, va nga vamatiko hinkwavo lava nga riki na mhaka na Xikwembu.

Yeremiya 18:15

Kambe vanhu va mina vona va ndzi rivele, kutani va hisela swikwembu swa hava emirhi ya risuna. Swikwembu leswi swi va khugula va wa, va tshika ndlela ya vona ya khale, kutani va sungula ku chochovela hi nhova ematshan'wini yo famba hi gondzo leri lulamisiweke.

Yeremiya 13:10

Vanhu lava vo homboloka va ala ku yingisa marito ya mina; va tiomisa tinhloko, kutani va endla leswi timbilu ta vona ti va byelaka swona: Va tinyiketa eka swikwembu swin'wana, va swi khongela ni ku swi tirhela. Hikokwalaho, va ta fana ni vamba leri, leri ri nga ha pfuniki nchumu.

Nhlavutelo 21:2

Kutani ndzi vona muti lowo hlawuleka, Yerusalema lowuntshwa, wu xika hi le tilweni wu huma eka Xikwembu, wu tilulamisile tanihi mutekiwa loko a tibombisele nuna wa yena.

Ezekiele 22:12

Exikarhi ka vanhu va wena, ku ni lava nyikiwaka mali leswaku va ya dlaya warikwavo. Loko u lombisa mali, u lava ntswalo wa yona, u bindzula ha yona; u kanganyisa varikwenu, u va tekela swa vona, kambe mina wa ndzi rivala! Ndzi vula sweswo mina HOSI.

Genesa 24:22

Loko tikamela ti hetile ku nwa mati, lowa nandza a humesa xingwavila xa nsuku xo tika 6 g, ni masindza mambirhi ya nsuku yo tika 120 g lawa Rhaveka a nga ta bela emavokweni.

2 SAMIELE 1:24

N'wina vanhwana va Israele, rilani Sawulo! A a mi bombisa hi tinguvu to vangama ta swivunguvungu, a tlhoma swisasekiso swa nsuku etingubyini ta n'wina.

Genesa 24:53

Kutani a humesa swo bomba ha swona swa silivhere ni swa nsuku ni swiambalo, a nyika Rhaveka. A nyika ni makwavo wa yena ni mana wa yena swilo swa nkoka swinene.

Esaya 57:11

“Loko mi kala mi vulavula mavunwa, i ncini lexi a xi mi chavisa ni ku mi rhurhumerisa xana? Mina mi ndzi rivarile, a ma ha ri na mhaka na mina. Xana leswi ku nga khale ndzi miyerile, mi to tshika ku ndzi chava xana?

Yeremiya 2:33

“Wena Israele, ndlela yo tilavela swigangu, u yi tiva ngopfu! Hikokwalaho, ku endla xidyoho i mhaka leyi u yi toloveleke ngopfu,

Duteronoma 32:15

“Va ka Yakobo va dyile va xurha, va ka Yexuruni va nyuhele ngopfu kutani va sungula ku tiarisa, va kukumukile hi mafurha, va tlhela va phatima, kambe va tshikile Xikwembu, xona Muvumbi wa vona, va xi sandza, xona Ribye leri ri va poniseke.

Vaavanyisi 8:34

Vaisraele va rivala HOSI Xikwembu lexi a xi va lamulerile emavokweni ya valala va vona hinkwavo, hi matlhelo hinkwawo.

Yeremiya 23:27

Va ehleketa leswaku milorho leyi va byelanaka yona, yi ta rivata vanhu va mina va nga ha ndzi anakanyi, kukota leswi vatata wa vona va ndzi rivaleke va ya tirhela Baali.