Yeremiya 2:24 - BIBELE Mahungu Lamanene

²⁴ A mi fana ni mangwa leyi toloveleke emananga, mi fana ni kamela ya ntswele leyi hefemutekaka, yi nga ha tikoti hi ku navela nkuzi. Tinkuzi ta kona leti ti yi lavaka, ti nge karhateki hi ku yi hlongorisa; loko nkarhi wa yona wu fikile, ti ta yi kuma hi ku olova.

Xitsonga (Bibele)

²⁴ U mangwa leyi toloveleke mananga, yi nun'hwetela moya hi ku navela ka yona; eku tsutsumeni ka yona yi nga kota hi mani xana? Leti ti yi lavaka ti nga ka ti nga tikarhati, ti ta yi kuma hi n'hweti ya yona.

Yeremiya 2:24 Referans Kwoze

Yeremiya 14:6

Timangwa ta nhova ti yima eswitsungeni leswi omeke, ti nun'hwetela moya kukota timhungubye, mahlo ya tona ma fa, hikuva a ta ha kumi swakudya swa rihlaza.”

Hosiya 5:15

Ndzi ta suka ndzi famba ndzi tlhelela laha ndzi tshamaka kona, va ta kondza va tivona nandzu, kutani va famba va ndzi lava; va ta ndzi lava loko va ri ekhombyeni.

Yeremiya 2:27

Vanhu lava, va teka nsinya va ku i tata wa vona, ni ribye va ku i mana wa vona. Va ndzi fularhela ematshan'wini ya ku ndzi langutisa, kambe loko va ri ekhombyeni, va huwelela eka mina, va ku: ‘Pfuka u hi lamulela!’

Ntirho 11:12

Xiphukuphuku xi ta tlhariha, siku mangwa yi nga ta mila timhondzo.

Hosiya 8:9

Va tlhandlukile va ya etikweni ra Asiriya, va fana ni timangwa ta nhova leti hanyaka ti ri toxe; va ka Efrayimi va tixavele xinakulobye hi tinyiko.

Ntirho 39:2

Tin'hweti ta ku tika ka yona, u ti hlayile ke, ni siku ra yona ro veleka, wa ri tiva xana,

Ezekiele 16:33

Tinghwavava hinkwato ta hakeriwa, kambe wena u tixaverile vavanuna hinkwavo lava u rhandzaneke na vona, u va kokela ka wena hi tinyiko, va huma ematlhelweni hinkwawo ku ta etlela na wena.