Yeremiya 2:21 - BIBELE Mahungu Lamanene

²¹ A ndzi mi hlawurile kukota ximilana xo saseka xa vhinya, ndzi mi simeka emisaveni leyinene. Kambe mi hundzuke nsinya lowu nga tswaliki nchumu, lowu timilelaka enhoveni.

Xitsonga (Bibele)

²¹ Kasi mina, a ndzi ku simekile, u ri vhinya leyi hundzisaka hi ku saseka, wa rixaka lerinene; u tihundzurise ku yini leswaku u va vhinya ya rixaka rimbe eka mina-ke?

Yeremiya 2:21 Referans Kwoze

Esaya 5:4

Xana a ka ha sele yini, eka leswi a ndzi fanele ku swi endlela nsimu ya mina xana? A ndzi languterile mihandzu leyo nandziha, kutani hikwalaho ka yini yi humesile leyo bava xana?

Eksoda 15:17

Wena u ta va nghenisa etikweni, u va simeka entshaveni leyi nga ya wena, exivandleni lexi u tiendleleke xona leswaku u ta tshama eka xona, we HOSI, xi nga xivandla xo hlawuleka, lexi wena N'wini wanga u xi tumbuluxeke hi mavoko ya wena.

Yohane 15:1

“Hi mina nsinya wa xiviri wa vhinya; murimi i Tata wa mina.

Pisalema 44:2

Hi wena hi xiviri xa wena u hlongoleke vamatiko, kambe vanhu va wena, u va nyikile vutshamo; u bile vamatiko, kambe vanhu va wena, u va katekisile.

Pisalema 80:8

U tsuvurile murhi wa vhinya etikweni ra Egipta, u ya wu byala etikweni leri u hlongoleke vamatiko va suka eka rona.

Duteronoma 4:37

HOSI Xikwembu xi rhandzile vatata wa n'wina, kutani xi mi hlawurile n'wina vana va vona, xi mi humesa hi xoxe etikweni ra Egipta, hi matimba ya xona lamakulu.

Luka 20:9

Kutani a byela vanhu xifaniso lexi, a ku: “Munhu un'wana a a byarile mirhi ya vhinya ensin'wini ya yena, kutani a yi veka emavokweni ya vatirhi, yena a teka riendzo ra nkarhi wo leha.

Marka 12:1

Yesu a vulavula na vona hi swifaniso, a ku: “Munhu un'wana a a byarile mirhi ya vhinya ensin'wini ya yena, a yi biyela hi rihlampfu, a cela xikamelo xo pyanyela kona mihandzu, a aka ni xihondzo; kutani a lerisa vatirhi ku sala va swi vona, yena a teka riendzo a famba.

Duteronoma 32:32

Vhinya ya vona yi huma eSodoma, ni le masin'wini ya le Gomora; mihandzu ya vona ya vhinya ya dlaya, swichocho swa kona hinkwaswo swa bava.

Matewu 21:33

“Yingisani xifaniso xin'wana: A ku ri ni nkulukumba un'wana loyi a a byarile mirhi ya vhinya ensin'wini ya yena; a biyela hi rihlampfu, a cela xikamelo xo pyanyela kona mihandzu, a aka ni xihondzo; kutani a lerisa vatirhi ku sala va swi vona, yena a teka riendzo a famba.

Esaya 61:3

Xi ndzi rhumile ku ya miyeta lava rilaka eSiyoni, ndzi va nyika harhi ya swiluva ematshan'wini ya nkuma, ni mafurha ya ntsako leswaku va nga ha rili, ndzi va ambexa ku dzuneka ematshan'wini ya moya lowu tsaneke. Kutani va ta vuriwa “Minkuhlu-ya-ku-lulama”, leyi byariweke hi HOSI Xikwembu leswaku xi ta dzunisiwa.

Esaya 60:21

Vanhu va wena va ta va lava lulameke hinkwavo, tiko ri ta va ra vona hilaha ku nga heriki. Va ta va hluke ra ximilana xa mina, wu nga ntirho wa mavoko ya mina lowu ndzi nga ta dzunisiwa ha wona.

Esaya 41:8

“Loko mi ri n'wina Vaisraele, malandza ya mina, ndzi vula n'wina va ka Yakobo, vatukulu va munghana wa mina Abrahama, ndzi mi hlawurile.

Esaya 1:21

Muti wo tshembeka, wo lulama ngopfu, sweswi wu hundzuke nghwavava! Muti lowu a wu tshama lavo lulama sweswi i kaya ra vadlayi!

Pisalema 105:6

Ndzi vula n'wina vatukulu va Abrahama nandza wa HOSI, n'wina va ka Yakobo mi hlawuriweke hi yona.

Yoxuwa 24:31

Vaisraele va tirherile HOSI Xikwembu enkarhini wa Yoxuwa ni le nkarhini wa vakulukumba lava hanyeke ku tlula Yoxuwa, lava a va tiva mintirho hinkwayo leyi HOSI Xikwembu xi yi endleleke Vaisraele.

Swirilo 4:1

Yóò! Vonani hilaha nsuku wu kurheke hakona, wu lahlekeriwa hi ku tenga ka wona! Maribye layo hlawuleka ma hangalasiwile emahandzeni ya magondzo hinkwawo.

Genesa 32:28

Kutani a ku: “Vito ra wena a ri nga ha vi Yakobo, kambe u ta va Israele, hikuva u pfinyanile ni Xikwembu ni vanhu, kambe u hlurile.”

Genesa 18:19

Ndzi n'wi hlawurile leswaku a letela vana va yena ni va ka vona hinkwavo lava nga ta velekiwa leswaku va famba etindleleni ta mina HOSI, va endla leswinene, swo lulama, kutani mina HOSI ndzi ta endlela Abrahama hinkwaswo leswi ndzi n'wi tshembiseke swona.”

Esaya 27:2

Enkarhini wolowo, HOSI Xikwembu xi ta ku: “Ndzi ni nsimu leyinene ya vhinya, yimbelelani, mi yi dzunisa!

Yeremiya 11:17

N'wina Vaisraele na n'wina va ka Yuda, mi simekiwile hi mina, kambe sweswi ndzi ta mi vangela khombo mina HOSI, hikuva mi ndzi karihisile hi ku hisela swikwembu swa Baali emirhi ya risuna.”

Pisalema 80:9

U khulerile xivandla u wu byala eka xona, kutani wu mila timitsu, wu kula wu funengeta tiko hinkwaro.

Yeremiya 5:10

“Nghenani ensin'wini ya vhinya mi tsemelela mirhi ya kona, kambe mi nga yi dlayeli makumu; khutulelani marhavi ya yona hikuva a ma humi eka mina HOSI.

Yeremiya 11:16

Khale mina HOSI a ndzi ku, mi fana ni murhi wa mutlhwari lowu nga ni matluka ya rihlaza ni mihandzu yo nandziha; kambe sweswi ndzi ta ba murhi wa kona hi xihuhuri lexikulu, ndzi wu hisa, kutani marhavi ya wona ma ta tshoveleleka.

Ezekiele 15:2

“Ndzi byele we Ezekiele, xana murhi wa vhinya ni marhavi ya wona wu nga pfuna ku tlula mirhi yin'wana hinkwayo ya le xihlahleni xana?