Yeremiya 2:19 - BIBELE Mahungu Lamanene

¹⁹ Vubihi bya n'wina ni ku tiarisa ka n'wina, swi ta mi vangela ku biwa mi twa ku vava, kutani mi ta swi tiva ni ku swi vona leswaku ku tshika HOSI Xikwembu xa n'wina i mhaka leyo biha leyi dyisaka mbitsi. Ni ku ndzi chava, a ma ha ndzi chavi! Yi vula sweswo HOSI ya matimba hinkwawo, N'wini wa n'wina.

Xitsonga (Bibele)

¹⁹ U ta holoveriwa hi ku biha ka wena, u ta biwa hi ku hundzuka ka wena; u ta tiva, u va u vona leswaku ku tshika Yehovha, Xikwembu xa wena, ni ku ka u nga n'wi chavi, i mhaka leyo biha,” ku vula Hosi, Yehovha wa tinyimpi.

Yeremiya 2:19 Referans Kwoze

Esaya 3:9

Tinghohe ta vona ta va mangalela, swidyoho swa vona va swi paluxa ku fana ni va le Sodoma, a va swi tumbeti. Va le khombyeni! va lo tivangela rona hi voxe.

Yeremiya 4:18

Swilo leswi mi lo tivangela hi swiendlo swa n'wina ni mahanyelo ya n'wina. Hi kona ku hela ka n'wina. Swa bava hakunene! Maxangu ya n'wina ma hlomula mbilu.”

Yeremiya 2:17

N'wina Vaisraele, makhombo lawa mi lo tivangela; mi tshikile HOSI Xikwembu xa n'wina, enkarhini lowu a xi mi komba ndlela.

Pisalema 36:1

Marito layo biha ya munhu wo homboloka a ma suki embilwini ya mina: Hi ku vona ka yena, a swi pfuni nchumu ku chava Xikwembu.

Hosiya 5:5

Ku tikurisa ka vanhu va tiko ra Israele ka va mangalela, milandzu ya va ka Efrayimi yi ta va khugula va wa, va tiko ra Yuda na vona va ta wa swin'we ni va ka Efrayimi.

Amosi 8:10

Ndzi ta hundzula minkhuvo ya n'wina yi va minkosi, ni tinsimu ta n'wina hinkwato ti va ta swirilo; ndzi ta mi ambexa leswo khwaxa hinkwenu, ndzi mi byewula ni tinhloko. Siku ra kona, ndzi ta ri endla ri fana ni ra ku rila n'wana un'we wa xinuna; eku heteleleni, ku ta sala mbitsi ntsena.”

Hosiya 11:7

Vanhu va mina va ni ntolovelo wa ku ndzi fularhela, hikokwalaho va rhwexiwile mpingu, ku hava loyi a nga ta va rhula wona.

Yeremiya 5:6

Hikokwalaho ku ta huma nghala exihlahleni yi va dlaya, hlolwa ro ta hi le mananga ri ta va herisa; yingwe leyi tumbeleke kusuhi ni miti ya vona yi ta khoma hinkwavo lava humaka kona, yi va handzulela. Va tivangele sweswo hi ku dyohela HOSI Xikwembu, va xi fularhela minkarhi leyo tala.

Varhoma 3:18

Emahlweni ka vona, ku chava Xikwembu a swi kona!”

Zakariya 7:11

Kambe vanhu va arile ku yingisa switsundzuxo leswi: Va swi be hi makatla, va tisiva tindleve leswaku va nga swi twi,

Hosiya 14:1

N'wina vanhu va tiko ra Israele, tlhelelani eka HOSI, Xikwembu xa n'wina, hikuva milandzu ya n'wina yi mi khugurile mi wa.

Yeremiya 8:5

Vanhu lava va Yerusalema va tiarisela yini, hikwalaho ka yini va tshamela ku tinonon'whisa ke? Va namarhela swikwembu swa hava, va ala ku hundzuka!

Hosiya 4:16

Hakunene vanhu va Israele va tinonon'hwisa, va fana ni thokazi ro karhata; xana HOSI Xikwembu xi nga va yisa emadyelweni lamanene wonge hiloko va ri swinyimpfana, ke?

Yeremiya 5:22

Mina HOSI ndzi ri, hikwalaho ka yini mi nga ndzi chavi, hikwalaho ka yini mi nga rhurhumeli emahlweni ka mina xana? Mati ya lwandle ndzi ma bele ndzilekana hi sava rinene, a ma nga wu tluli ni siku ni rin'we; hambiloko magandlati ma nga tlakuka, kumbe lwandle ri pfuma, ndzilekana wolowo wu nge tluriwi.

Yeremiya 3:22

Xona xa va khongotela, xi ri: “Ndzi vulavula na n'wina vanhu vo ka va nga tshembeki, ndzi ri, vuyelani eka mina, ndzi ta mi horisa evuvabyini bya n'wina bya ku tiarisa.” Vanhu va hlamula va ku: “Hi hina lava, hi ta ka wena, we HOSI, hikuva hi wena ntsena u nga Xikwembu xa hina.

Esaya 50:1

HOSI Xikwembu xi vurisa sweswo xi ri: “Mi ehleketa leswaku ndzi mi tshikile, n'wina Vaisraele, ku fana ni wanuna la hlongolaka nsati wa yena; loko swi ri tano, ri kwihi papila leri tiyisaka mhaka ya kona, xana? Mi anakanya leswaku ndzi mi yisile evuhlongeni, ku fana ni munhu la rihaka swikweleti hi vana va yena; xana ndzi mi nyikete eka mani? Swidyoho swa n'wina, hi swona swi nga mi yisa evuhlongeni, mi tshikiwile hi mhaka ya milandzu ya n'wina kukota wansati la hlongoriweke evukatini.

Esaya 5:5

“Hikokwalaho, yingisani ndzi mi byela leswi ndzi nga ta swi endla ehenhla ka nsimu ya mina ya vhinya: Ndzi ta ntlhantlha rihlampfu ra yona, ndzi ri hahlulela kule, leswaku swifuwo swi nghena swi dya, swi tlhela swi etlela kona.

Swivuriso 5:22

Milandzu ya munhu wo biha yi dlayisa yena n'winyi, ú phasiwa hi ntlhamu wa swidyoho swakwe,

Swivuriso 1:31

hikokwalaho, swiendlo swa vona swi ta va xanisa, mano ya vona ma ta va dlayisa.

Swivuriso 1:32

Lava pfumalaka vutivi va tivangela rifu loko va ala ku dyondzisiwa, swiphunta swi ticelela masirha hi ku ka swi nga tikarhateli nchumu.

Yeremiya 5:24

A mi ehleketanga ku vula mi ku: ‘A hi chaveni HOSI Xikwembu xa hina, hikuva hi xona xi nisaka mpfula hi minkarhi ya yona, mpfula ya xirimo ni leyo tsema nguva, xi vekile ni masiku ya ku tshovela swa le masin'wini.’

Ezekiele 39:24

Ndzi va bile hi ndlela leyi ndzi va fularhela, hikuva a va tinyamisile va ndzi dyohela.

Hosiya 7:2

Kambe vona a va swi ehleketi leswaku mintirho ya vona leyo biha, ndza yi tsundzuka hinkwayo. Sweswi mintirho leyi ya vona yi va rhendzerile, yi lo tlàngàndlà, emahlweni ka mina.

Hosiya 13:9

N'wina vanhu va tiko ra Israele, ndzi ta mi herisa mi ku bi! Mi ta lamuleriwa hi mani xana?

Mikiya 1:5

Hinkwaswo leswi swi vangiwa hi ku tiarisa ka va ka Yakobo, swi tisiwa hi ku dyoha ka Vaisraele. Xana la endlaka leswaku va ka Yakobo va tiarisa i mani? I muti wa Samariya! I mani la dyohisaka va le Yuda? I muti wa Yerusalema!

Eksoda 33:6

Kutani Vaisraele va hluvula swo tibombisa ha swona; a va ha swi ambalanga, ku sukela entshaveni ya Horebe, ni ku ya emahlweni.

Vaavanyisi 10:13

Hambiswiritano, mi ndzi tshikile, mi ya tirhela swikwembu swin'wana; hikokwalaho, ndzi nga ka ndzi nga ha mi ponisi.

1 TIHOSI 18:18

Eliya a hlamula a ku: “A hi mina la pfilunganyaka tiko ra Israele, kambe hi wena swin'we ni va ndyangu wa tata wa wena, hikuva mi tshikile swileriso swa HOSI Xikwembu, mi ya gandzela swifaniso swa Baali.

2 TIKRONIKA 12:5

Kavaloko muprofeta Xemaya a ta eka Rhobuwamu, a n'wi kuma a ri ni tindhuna hinkwato ta tiko ra Yuda, hikuva a ti tsutsumele eYerusalema hi ku chava Xixaka; kutani muprofeta a ku ka vona: “HOSI Xikwembu xi ri, mi xi tshikile, hikokwalaho na xona xi ta mi tshika.”

2 TIKRONIKA 21:10

Ku sukela siku rero, Vaedomu a va ha fumiwanga hi tiko ra Yuda, ku fikela ninamuntlha. Enkarhini wolowo, muti wa Libina na wona wu hundzukela tiko ra Yuda, hikuva Yehoramu a a tshikile tindlela ta HOSI, Xikwembu xa vatata wa yena.

2 TIKRONIKA 25:16

Loko muprofeta a ha vulavula, Amasiya a n'wi tsema nomo, a ku: “Xana u lo vekiwa ku va mutsundzuxi laha ntsindza xana? Miyela, loko u nga lavi ku pulukanyiwa!” Muprofeta a miyelanyana, kambe a engeta a ku: “Loko ndzi vona maendlele ya wena lawa, ni leswaku u ndzi sivela ku ku komba ndlela, ndza swi vona leswaku hakunene Xikwembu xi tiyimiserile ku ku herisa!”

Yeremiya 1:16

Vaaki va miti leyi, ndzi ta va ba hikuva va ndzi tshikile, va endla swilo swo tala leswi biheke: Va hiserile swikwembu swin'wana emirhi ya risuna, va gandzela leswi va nga tiendlela swona vona vinyi.

Yeremiya 7:19

Kambe a va vavisi mina, vo tivavisa vona vinyi, kutani va tivangela tingana letikulu.

Yeremiya 13:22

Loko u tivutisa u ku: “Xana makhombo lawa ndzi vangeriwa hi yini xana?” tiva leswaku valala va ku hluvula swiambalo va ku pfinya hikwalaho ka ku tala ka swidyoho swa wena!

Ezekiele 23:30

hi swona leswi swi ku vangeleke makhombo lawa, hikuva u rhandzanile ni vamatiko, u tinyamisa hi swikwembu swa vona swa hava.

Hosiya 9:1

N'wina vanhu va tiko ra Israele, mi nga tshuki mi tsaka, mi nga bi minkulungwana ku fana ni vamatiko, hikuva mi tihambanisile ni Xikwembu xa n'wina, mi tinyiketa eka va Baali kukota tinghwavava, mi tsakisiwa hi mavele ya le swivuyeni hinkwaswo, yi nga hakelo ya vunghwavava bya n'wina.