Yeremiya 2:17 - BIBELE Mahungu Lamanene

¹⁷ N'wina Vaisraele, makhombo lawa mi lo tivangela; mi tshikile HOSI Xikwembu xa n'wina, enkarhini lowu a xi mi komba ndlela.

Xitsonga (Bibele)

¹⁷ “A ndzi ku, u humeleriwa hi sweswo hi leswi u tshikeke Yehovha, Xikwembu xa wena; siku a ku fambiseke endleleni.

Yeremiya 2:17 Referans Kwoze

Yeremiya 4:18

Swilo leswi mi lo tivangela hi swiendlo swa n'wina ni mahanyelo ya n'wina. Hi kona ku hela ka n'wina. Swa bava hakunene! Maxangu ya n'wina ma hlomula mbilu.”

Yeremiya 2:19

Vubihi bya n'wina ni ku tiarisa ka n'wina, swi ta mi vangela ku biwa mi twa ku vava, kutani mi ta swi tiva ni ku swi vona leswaku ku tshika HOSI Xikwembu xa n'wina i mhaka leyo biha leyi dyisaka mbitsi. Ni ku ndzi chava, a ma ha ndzi chavi! Yi vula sweswo HOSI ya matimba hinkwawo, N'wini wa n'wina.

Yeremiya 2:13

hikuva vanhu va mina va ndzi dyoherile kambirhi: Va ndzi tshikile mina ndzi nga xihlovo xa mati lama khulukaka, kutani va tikovotlele makhele yo hlayisela mati, kambe makhele ya kona a ma pfunanga nchumu, hikuva a ma pandzekile.”

Hosiya 13:9

N'wina vanhu va tiko ra Israele, ndzi ta mi herisa mi ku bi! Mi ta lamuleriwa hi mani xana?

Pisalema 107:7

xi va fambisile hi ndlela leyo lulama ku kondza va ya fika emutini lowu va kumeke vutshamo eka wona.

Pisalema 77:20

U fambisile vanhu va wena kukota ntlhambi, u va risa hi Muxe na Aroni.

Esaya 1:4

Yo, tiko ra vadyohi, vanhu lava nga lo pyì, hi vubihi, rixaka ra mikhuva leyo biha, leri hanyaka hi manyala ntsena! Va tshikile HOSI Xikwembu, va sandza Muhlawuleki wa Israele, va tlhela va n'wi fularhela.

Pisalema 136:16

Ú fambisile vanhu va yena emananga, — Rirhandzu ra yena hi leri nga heriki —

Ntirho 4:8

Mina ndzi vone leswi: Lava byalaka leswo biha ni maxangu, va tshovela swona.

1 TIKRONIKA 28:9

“Na wena Solomoni n'wananga, amukela Xikwembu xa vatata wa wena, u xi tirhela hi mbilu ya wena hinkwayo, ni moya lowunene, hikuva HOSI Xikwembu xi kambela timbilu hinkwato, xi hatla xi vona makungu ni miehleketo ya munhu. Xi ta tsakela ku kumiwa hi wena loko u xi lava, kambe loko u xi fularhela, xi ta ku cukumetela makumu.

Duteronoma 32:19

“HOSI Xikwembu xi swi vonile, kutani xi tshika vana va xona va xinuna ni va xisati, hikuva a va xi hlundzukisile,

Duteronoma 32:10

“Xi va kumile emananga, etikweni leri omeke, laha ku rilaka swivandzana ntsena; xi va sirhelerile, xi tikarhatela vona, xi va hlayisa kukota ndzololo ya tihlo ra xona.

Tinhlayo 32:23

Kambe loko mi nga endlisi sweswo, mi ta va mi dyoherile HOSI Xikwembu; kutani mi swi tiva leswaku mi ta xanisekela swidyoho swa n'wina.

Yeremiya 5:25

Vubihi bya n'wina byi onhile swilo leswinene leswi, kutani a ma ha nyikiwi swona hikwalaho ka swidyoho swa n'wina.

Yeremiya 13:22

Loko u tivutisa u ku: “Xana makhombo lawa ndzi vangeriwa hi yini xana?” tiva leswaku valala va ku hluvula swiambalo va ku pfinya hikwalaho ka ku tala ka swidyoho swa wena!

Yeremiya 19:4

Mhaka ya kona hileswaku vanhu va mina va ndzi tshikile, va nyamisa xivandla lexi hi ku hisa mirhi ya risuna eka xona, va hisela swikwembu swimbe leswi vatata wa vona va nga swi tivangiki, hambi ti ri tihosi ta Yuda a ti swi tivanga. Naswona exivandleni lexi, va dlayile vanhu lavo tala lava a va nga ri na nandzu.

Yeremiya 44:3

hikuva va ndzi hlundzukisile hi ku hisa mirhi ya risuna, va tirhela swikwembu swimbe leswi va nga swi tiviki, leswi na n'wina ni vatata wa n'wina mi nga swi tivangiki.

Ezekiele 39:24

Ndzi va bile hi ndlela leyi ndzi va fularhela, hikuva a va tinyamisile va ndzi dyohela.

2 TIKRONIKA 15:2

kutani a huma emutini wa yena, a ya hlangana na Asa, a ku ka yena: “Wena Asa, na n'wina hinkwenu va ka Yuda ni va ka Benjamini, yingisani! HOSI Xikwembu xi ta tshama na n'wina, loko n'wina mi tshama na xona; loko mi xi lava hi mbilu, xona xi ta nkhensa ku tikomba eka n'wina. Kambe loko mi xi fularhela, na xona xi ta mi fularhela.

Ntirho 34:27

hikuva va xi fularhele, va hambuka etindleleni ta xona hinkwato.

Swivuriso 15:10

Loyi a tshikaka mikhuva leyinene, ú ta biwa swinene, ni loyi a alaka ku tshinyiwa, ú ta fa.

Esaya 59:13

Hi tlurile milawu ya wena HOSI, hi tlhela hi ku fularhela, hi tshike ku landza wena Xikwembu xa hina. Hi vulavula ntsena hi ta ku xanisa van'wana ni ku hundzukela wena, makungu ya hina ni leswi hi swi vulaka i mavunwa ntsena.

Mikiya 1:5

Hinkwaswo leswi swi vangiwa hi ku tiarisa ka va ka Yakobo, swi tisiwa hi ku dyoha ka Vaisraele. Xana la endlaka leswaku va ka Yakobo va tiarisa i mani? I muti wa Samariya! I mani la dyohisaka va le Yuda? I muti wa Yerusalema!