Yeremiya 2:15 - BIBELE Mahungu Lamanene

¹⁵ Va bonga kukota tinghala, va lwa na yena va ri karhi va ba huwa; tiko ra yena va ri onhetele ngopfu, miti ya yena yi hundzuke marhumbi, a ka ha tshami munhu eka yona.

Xitsonga (Bibele)

¹⁵ Tinghala ta n'wi mpfandzela, ti pfumisa marito ya tona, kutani ti handzula tiko ra yena, ku va ku onhaka ntsena; miti ya yena yi hisiwile, yi pfumarile vaaki.

Yeremiya 2:15 Referans Kwoze

Yeremiya 4:7

Nghala yi humile exihlahleni, muhlaseri wa matiko ú hlomile matlhari, a suka ekaya ka yena leswaku a ta hlasela tiko ra n'wina a ri hundzula mananga, miti ya n'wina ú ta yi endla marhumbi, ku nga ha tshami munhu eka yona.

Yeremiya 50:17

HOSI Xikwembu xi ri: “Vaisraele va fana ni swinyimpfana leswi hlotiwaka ni ku hangalasiwa hi tinghala. Ku rhange hosi ya Asiriya yi va dlaya yi dya nyama ya vona, Nebukadnetsara hosi ya Babilona yena a sala a phorha marhambu.

Yeremiya 9:11

HOSI Xikwembu xi ri: “Muti wa Yerusalema ndzi ta wu endla rhumbi, wu ta hundzuka bako ra timhungubye; miti ya tiko ra Yuda ndzi ta yi hundzula mananga, a ku nga ha tshami munhu eka yona.”

Esaya 5:29

Loko va bonga, wonge yo va nghala, va vomba ku fana ni n'wana wa nghala, va mpfhumpfha va bvanyangeta, va rhwala lexi va xi khomeke, ku ri hava na loyi a nga xi vutlaka.

Esaya 1:7

Tiko ra n'wina i marhumbi ntsena, miti yi hisiwile hi ndzilo; vanhu va le handle va mi tekele tiko, mi ri karhi mi swi vona; tiko i marhumbi ntsena, ri herisiwile hi vanhu vambe.

Sofoniya 3:6

HOSI Xikwembu xi vurisa sweswo, xi ri: “Ndzi herisile vamatiko, swihondzo swa vona swi hundzuke marhumbi; emagondzweni ya vona, ndzi mirisile nhova, leswaku ku nga ha famba-fambi munhu eka wona; miti ya vona yi hlaseriwile, a ka ha ri na munhu la tshamaka eka yona.

Sofoniya 2:5

Mi ni khombo n'wina mi akeke eribuweni ra lwandle, n'wina va rixaka ra Vakereti! Rito ra HOSI Xikwembu ri kanetana na n'wina, n'wina va tiko ra Vafilista; Xikwembu xi ta mi herisa, ku nga sali na un'we wa mhamba.

Sofoniya 1:18

Esikwini leri HOSI Xikwembu xi nga ta karihela vanhu, silivhere ya vona ni nsuku wa vona swi nge va ponisi; ndzilo wa rilondzo ra xona wu ta herisa misava hinkwayo; vaaki va yona hinkwavo va ta lovisiwa hi ku copeta ka tihlo.

Nahume 2:11

Xana ri kwihi bako ra tinghala xana, ni ndhawu ya swinghalana yi kwihi xana, laha nghala a yi tisa nhloto wa yona kona, ni laha swinghalana swa yona a swi tshama kona, swi nga karhatiwi hi nchumu, xana?

Amosi 3:12

HOSI yi vurisa sweswo yi ri: “Exikarhi ka Vaisraele lava akeke eSamariya, lava tiphinaka eswitshan'wini leswo vempfama, va etlela emasangwini lamanene, ku ta pona vanhu va nga ri vangani ntsena. Swi ta fana ni loko murisi a kota ntsena ku ponisa milenge mimbirhi ya nyimpfu kumbe xichupu xa ndleve enon'wini wa nghala!”

Amosi 3:8

I mani a nga rhurhumeliki, loko nghala yi bonga xana? Xana i mani la nga alaka ku va muprofeta, loko HOSI N'wini wa hinkwaswo a vulavurile, xana?

Amosi 3:4

Xana nghala yi nga bonga exihlahleni, yi nga kumanga lexi yi nga xi khomaka ke? Hambi n'wana wa nghala, xana wa vomba ebakweni, loko a nga vuyanga na nchumu xana?

Hosiya 11:10

Va ta landzelela HOSI Xikwembu, xi ri karhi xi bonga ku fana ni nghala; kutani loko vanhu va xona va twa ku bonga ka xona, va ta vuya hi ku rhurhumela va huma evupeladyambu;

Hosiya 5:14

hikuva ndzi ta fana ni nghala loko ndzi yela va ka Efrayimi, eka va ka Yuda ndzi ta fana ni xinghalana. Mina hi xiviri xa mina ndzi ta va phatlulela, ndzi va rhwala ndzi famba na vona, ku pfumaleka wo va lamulela.

Ezekiele 5:14

We Yerusalema, ndzi ta ku hundzula rhumbi ni xihlekiso eka vaakelani va wena ni ka vahundzi va ndlela hinkwavo.

Yeremiya 44:22

Namuntlha, tiko ra n'wina ri onhiwile, ri hundzukile mananga, ra soriwa, a ra ha ri na munhu! Xivangelo hileswaku HOSI Xikwembu xi karhele hi swiendlo swa n'wina leswo biha ni manyala lawa mi ma endleke.

Yeremiya 34:22

Mina HOSI ndzi ta lerisa leswaku va le Babilona va tlhela va vuya emutini lowu, kutani va ta wu hlasela va wu teka, kutani va wu hisa. Miti ya Yuda yi ta hundzuka marhumbi, ku nga ha tshami munhu eka yona.”

Yeremiya 33:10

HOSI Xikwembu xi ri: “Ndzi ni rito eka n'wina va ka Yuda, n'wina mi vulaka leswaku xivandla lexi xi hundzukile mananga, ni leswaku a xa ha ri na vanhu kumbe swifuwo, kwalaho ma vurisa, hikuva emitini ya n'wina ni le magondzweni ya Yerusalema a ka ha tshami munhu, a ka ha vonaki vanhu kumbe swifuwo.

Yeremiya 26:9

Hikwalaho ka yini u tiendla muprofeta la vulavulaka hi vito ra HOSI Xikwembu, kutani u vula leswaku yindlu leyi yi ta wa ku fana ni ya le Xilo, ni leswaku muti lowu wu ta hundzuka rhumbi, ku nga ha tshami munhu eka wona, xana?” Kutani ntshungu lowu a wu ri kona eTempeleni wu rhendzela Yeremiya.

Yeremiya 25:30

HOSI Xikwembu xi engeta xi vulavula na mina xi ku: “Famba u ya va byela marito hinkwawo lawa ya nge: “ ‘HOSI Xikwembu xi huwelela xi ri henhla ematilweni, xi twarisa rito ra xona xi ri evutshan'wini bya xona lebyo hlawuleka; xi tshinya vanhu va xona, xi ba huwa kukota loko va ri eku tshoveleni ensin'wini ya vhinya; huwa ya kona yi fika etindleveni ta vaaki hinkwavo va misava,

Yeremiya 5:6

Hikokwalaho ku ta huma nghala exihlahleni yi va dlaya, hlolwa ro ta hi le mananga ri ta va herisa; yingwe leyi tumbeleke kusuhi ni miti ya vona yi ta khoma hinkwavo lava humaka kona, yi va handzulela. Va tivangele sweswo hi ku dyohela HOSI Xikwembu, va xi fularhela minkarhi leyo tala.

Esaya 24:1

HOSI Xikwembu xi ni makungu ya ku hlasela misava, yi sala yi ri mananga, xi ta yi hlakahla, xi hangalasa lava akeke ka yona.

Esaya 6:11

Kutani ndzi vutisa ndzi ku: “We N'wini wanga, swi ta va tano ku fika rini xana?” A hlamula a ku: “Ku kondza miti yi va marhumbi, ku nga ha tshami munhu eka yona, ni tindlu ti sala ti nga ha ri na vanhu, ni tiko ri hundzuka mananga.

Esaya 5:9

HOSI ya matimba hinkwawo yi vurile ndzi ri karhi ndzi swi twa, yi ku: “Ndza hlambanya: Tindlu leto tala leti, ti ta hundzuka marhumbi, etindlwini letikulu leti to saseka, ku ta sala ku nga ha ri na munhu.

Pisalema 57:4

Ndzi etlela exikarhi ka tinghala, va nga vanhu lava mitetelaka van'wana; milomo ya vona i matlhari ni miseve, marito ya vona ma kariha onge i mikwana leyi lotiweke.

Ntirho 4:10

Tinghala leto leva ta miyetiwa, Xikwembu xi ti gula meno;

Vaavanyisi 14:5

Kutani Samsoni a rhelela ni tata wa yena ni mana wa yena, va ya emutini wa Timina. Kuteloko va fika emasin'wini ya vhinya ya le Timina, ku humelela nghala, yi mpfhumpfhela Samsoni yi ri karhi yi bonga.

Yeremiya 51:38

“Va le Babilona va bonga hinkwavo ku fana ni tinghala, va mpfhumpfha kukota swinghalana.

Ezekiele 36:3

Hikokwalaho wena muprofeta byela tintshava leti leswaku mina HOSI N'wini wa hinkwaswo ndzi ni rito eka tona; ndza swi tiva swinene leswaku ti hundzukile mananga, ti hlaseriwa hi valala lava humaka ematlhelweni hinkwawo; vaaki va matiko mambe va ti tekile ti va ta vona, va vulavula swo biha ha tona exikarhi ka va ka vona.

Zakariya 11:3

Yingisani swirilo swa varisi va kona, hikuva ku twala ka vona loku hlamarisaka ku onhakile. Twanani ku bonga ka tinghala leti, hikuva swihlahla swa tona leswo saseka swa le Yordani, swi herisiwile.

Yeremiya 6:8

Wena Yerusalema, amukela ku tshinyiwa; loko swi nga ri tano, ndzi ta ku tshika, ndzi ku hundzula rhumbi, ku nga ha tshami munhu eka wena.”

Yeremiya 9:10

Ndzi ta tlhava mukhosi ndzi rilela tintshava, ndzi rilela ni madyelo ya swifuwo hikuva ma tshwile, a ka ha hundzi munhu hi le ka wona, ni ku rila ka tihomu a ka ha twali eka wona; tinyanyana ni swiharhi swi tsutsumile hinkwaswo.

Yeremiya 10:22

Yingisani huwa! Ku ni vanhu lava taka, va huma en'walungwini, va tsekatsekisa misava; miti ya Yuda yi ta hundzuka marhumbi ni bako ra timhungubye.

Yeremiya 25:9

sweswi ndzi ta rhamba vanhu va tinxaka hinkwato ta le n'walungwini, ndzi rhamba ni nandza wa mina Nebukadnetsara hosi ya Babilona, ndzi va lerisa ku ta va ta hlasela tiko leri ni vaaki va rona, ni matiko hinkwawo lama vandzakaneke na vona. Hinkwavo ndzi ta va herisela makumu, ndzi va hundzula xikombiso lexi chavisaka; vanhu va ta hlakahla tinhloko, va nga tshiki ku va monya.