Yeremiya 2:14 - BIBELE Mahungu Lamanene

¹⁴ Xana Israele ú lo endliwa hlonga, kumbe ú velekiwile endyangwini wa mahlonga xana? E-e! Loko swi ri tano, hikwalaho ka yini valala va yena va phangha swilo swa yena ke?

Xitsonga (Bibele)

¹⁴ “Xana Israele i khumbi leri xaviweke, kumbe la velekiweke endlwini xana? U byisiwile hikwalaho ka yini?

Yeremiya 2:14 Referans Kwoze

Eksoda 4:22

U ta ku ka Faro: ‘HOSI Xikwembu xi vurisa sweswo xi ri: Israele i mativula ya mina,

Esaya 50:1

HOSI Xikwembu xi vurisa sweswo xi ri: “Mi ehleketa leswaku ndzi mi tshikile, n'wina Vaisraele, ku fana ni wanuna la hlongolaka nsati wa yena; loko swi ri tano, ri kwihi papila leri tiyisaka mhaka ya kona, xana? Mi anakanya leswaku ndzi mi yisile evuhlongeni, ku fana ni munhu la rihaka swikweleti hi vana va yena; xana ndzi mi nyikete eka mani? Swidyoho swa n'wina, hi swona swi nga mi yisa evuhlongeni, mi tshikiwile hi mhaka ya milandzu ya n'wina kukota wansati la hlongoriweke evukatini.

Eklesiasta 2:7

Ndzi xavile mahlonga ya xinuna ni ya xisati, ma tatisa lama velekiweke emutini wa mina. A ndzi ri ni mintlhambi leyikulu ya swifuwo leswikulu ni leswitsongo, swi tele ku tlula swifuwo swa lava nga fuma eYerusalema, mina ndzi nga si va kona.

Genesa 15:3

Abrama a engeta a ku: “A wu ndzi nyikanga n'wana, kutani hlonga leri ri nga laha mutini wa mina, hi rona ri nga ta va mudyandzhaka.”

Eksoda 12:49

“Eka munhu wa rixaka ra Israele, ni le ka munhu wa le handle loyi a luveleke erixakeni ra Israele, ku ta tirha nawu wun'we.”

Yeremiya 5:19

Loko va ku vutisa we Yeremiya va ku: ‘Hikwalaho ka yini HOSI Xikwembu xa hina xi hi vangela makhombo lawa hinkwawo ke?’ u ta va hlamula u ku: ‘Hi leswi mi xi tshikeke, mi tirhela swikwembu swimbe etikweni ra n'wina. Hikokwalaho mi ta tirhela vanhu vambe etikweni leri nga riki ra n'wina!’ ”

Yeremiya 17:4

Ndzhaka ya n'wina yi ta susiwa emavokweni ya n'wina, ri nga tiko leri a ndzi mi nyikile rona. Ndzi ta mi hundzula mahlonga ya valala va n'wina, mi yisiwa etikweni leri mi nga ri tiviki, hikuva mi tivangele ndzilo wa vukari bya mina; wu ta pfurha wu nga timeki.”