Yeremiya 2:10 - BIBELE Mahungu Lamanene

¹⁰ “Pelani lwandle mi ya xiyaxiya exihlaleni xa Kipra; rhumani vanhu va ya eka va ka Kedari, va ya languta, va vona loko mhaka yo tano yi tshama yi humelela:

Xitsonga (Bibele)

¹⁰ Pelelani eswihlaleni swa Kitimi, mi ta languta; rhumelani eKedari, mi tsundzuka swinene, mi languta loko mhaka leyo tano yi tshama yi va kona.

Yeremiya 2:10 Referans Kwoze

Pisalema 120:5

Ndzi ni khombo mina ndzi nga muluveri etikweni ra Mexeke, mina ndzi tshamaka exikarhi ka va ka Kedari.

1 Vakorinto 5:1

Mhaka leyi hi yi twaka, hileswaku ku ni vuoswi exikarhi ka n'wina, lebyi ni le xikarhi ka vamatiko byi nga riki kona, lebyi fikaka laha un'wana a hanyaka ni nsati wa tata wa yena.

Daniele 11:30

Vanhu vo huma evupeladyambu hi tingalava, va ta n'wi lerisa leswaku a tlhela, kutani ú ta sungula ku chava, a muka. Kambe endleleni ú ta hlundzukela nakambe vanhu va Ntwanano lowo hlawuleka, a ya va hlasela, a seketelana ni lava fularheleke Ntwanano wa kona.

Ezekiele 27:6

A va ku endlele timhandze to tluta ha tona hi mirhi ya minkuhlu ya le Baxani, va akile nhompfu ya wena hi mapulangi ya muphayini, wu nga murhi lowu milaka exihlaleni xa Kipra, va wu sasekisa hi matino ya tindlopfu.

Esaya 21:16

N'wini wa hinkwaswo ú ndzi byerile, a ku: “Loko ku nga si hundza lembe rin'we, wu nga nkarhi wo ringana ni lowu muthoriwa a tirhaka wona, hinkwaswo leswi vaaki va muti wa Kedari va tidzunisaka ha swona, swi ta nyamalala.

1 TIKRONIKA 23:12

Vana va Kohata i Amirama, na Yisihara, na Hebroni, na Uziele; hinkwavo i mune.

1 TIKRONIKA 23:1

Loko Davhida a dyuharile, ni loko masiku ya yena ma ri karhi ma hela, a veka Solomoni n'wana wa yena ku va hosi ya Israele.

1 TIKRONIKA 1:7

Lava humaka eYavhani i va le Elixa, ni va le Tarxixi, ni va le Kipra, ni va le Rhoda.

Vaavanyisi 19:30

A lerisa lava a va rhumaka leswaku va vutisa Muisraele un'wana ni un'wana, va ku: “Xana ku sukela siku Vaisraele va humeke etikweni ra Egipta ku fika namuntlha, mhaka yo tani yi tshama yi humelela, kumbe mi tshama mi yi vona xana? Mhaka leyi mi fanele ku yi kanela mi tsundzuxana ha yona, kutani mi boxa leswi mi swi boheke.” Kutani hinkwavo lava vonaneke ni varhumiwa va ku: “Mhaka leyi a yi si tshama yi humelela, naswona a hi si tshama hi vona yo fana na yona, hi mpfhuka Vaisraele va huma etikweni ra Egipta, ku fika namuntlha.”

Tinhlayo 24:24

I vahlaseri lava taka hi le Kitimi; va ta hlasela Asuru na Ebere, kambe na vona va ta herisiwa va nyamalala!”

Genesa 25:13

Mavito ya vona hi ku tlhandlamana ka vona hi lawa: Nebayoto, na Kedari, na Adibiele, na Mibisama,

1 TIHOSI 9:9

Kutani va ta nyikiwa nhlamulo leyi nge: ‘Hileswi va tshikeke HOSI Xikwembu xa vona, lexi humeseke vatata wa vona etikweni ra Egipta, kutani va ya namarhela swikwembu swimbe, va swi nkhinsamela ni ku swi tirhela. Hi swona leswi endleke leswaku HOSI Xikwembu xa vona xi va vangela makhombo lawa hinkwawo.’ ”

Esaya 23:12

Xi vurile xi ku: “N'wina vaaki va Sidoni, a mi nga ha bi minkulungwana, mi ta fana ni nhwanyana la pfinyiweke; sukani mi yima, mi balekela exihlaleni xa Kipra; na kwale, a mi nga kumi ku wisa.”

Yeremiya 49:28

Lawa i mahungu hi tlhelo ra va le Kedari ni tindhawu leti nga hansi ka muti wa Hasoro, laha Nebukadnetsara hosi ya le Babilona a nga hlasela kona. Hosi Xikwembu xi ri: “Sukani mi ya lwa ni va le Kedari, mi teka swilo swa vanhu va le vuxeni.

Ezekiele 5:7

Hikokwalaho mina HOSI N'wini wa hinkwaswo ndzi vulavula na n'wina va le Yerusalema, ndzi ri: Mi vanhu vo karhata ku tlula vamatiko lava akelaneke na n'wina. Mi arile ku yingisa milawu ni swiletelo swa mina; a mi swi hlayisanga, mi tsandzeka ni ku hlayisa milawu leyinene ya vamatiko.

Daniele 11:18

Hikokwalaho, ú ta kongoma matiko man'wana lama nga kusuhi ni lwandle, a teka layo tala exikarhi ka wona; kambe ku tikurisa ka yena ku ta herisiwa hi ndhuna ya tiko rimbe, leyi nga ta endla leswaku ku tikurisa loku ku tlhela ku n'wi vangela ni rifu.

Esaya 23:1

Lawa i mahungu hi tlhelo ra Tiri: Tlhavani mukhosi, n'we mi nga tingalaveni ta Tarxixi, hikuva le Tiri, ku lo sala marhumbi ntsena, a ka ha ri na yindlu; loko mi fika mi huma exihlaleni xa Kipra, mi ta swi kuma swi ri tano.

Ezekiele 16:16

U tekile swin'wana swa swiambalo swa wena, u ya sasekisa ha swona switsunga swa vukhongeri bya hava, u swi andlalela vunghwavava bya wena. Mhaka yo tano a yi nga fanelanga ku va kona, naswona yi nga tshuki yi va kona nakambe!

Ezekiele 27:21

Va le Arabiya ni varhangeri hinkwavo va le Kedari, a va tsakela ku endla mabindzu na wena, va xava tinhundzu eka wena hi swinyimpfana ni makhuna ni timbuti; a va bindzula hi swona sweswo.