Yeremiya 19:8 - BIBELE Mahungu Lamanene

⁸ Muti lowu, ndzi ta wu hundzula rhumbi leri chavisaka ngopfu, kutani vahundzi va ndlela hinkwavo va ta hlakahla tinhloko va hlamala, loko va vona khombo ra wona lerikulu.

Xitsonga (Bibele)

⁸ Kutani ndzi ta endla muti lowu xihlamariso ni xisandzu, leswaku un'wana ni un'wana la nga ta hundza kona a hlamala a ba noti hikwalaho ka makhombo hinkwawo ya kona.

Yeremiya 19:8 Referans Kwoze

Yeremiya 18:16

Hikokwalaho tiko ra vona ri hundzuke rhumbi, hinkwavo vahundzi va ndlela va ri hlamala, minkarhi hinkwayo va vaviseka ha rona, va hlakahla ni tinhloko.

Yeremiya 49:13

Mina HOSI ndzi tiyisa hi ku hlambanya ndzi ri, muti wa Bosira ntsindza wa n'wina wu ta hundzuka xilo xo chavisa; vanhu va ta wu sandza, va wu hundzula rhumbi ni ku wu rhuketela. Swimitana swa kona hinkwaswo, na swona swi ta va marhumbi, hilaha ku nga heriki!”

1 TIHOSI 9:8

Tempele leyi yi ta hundzuka rhumbi; vahundzi va ndlela hinkwavo va ta hlamala, va hlakahla tinhloko, kutani va ta vutisa va ku: ‘Xana HOSI Xikwembu xi cukumetele yini tiko leri ni Tempele leyi xana?’

Sofoniya 2:15

Lowu i muti lowu a wu tikurisa ngopfu, wu titwa wu hlayisekile; vaaki va wona a va hamba va ku: “Hina hi hina, a ku na van'wana!” Kambe sweswi wu hundzukile rhumbi ro chavisa, ni kaya ra swiharhi swa nhova; hinkwavo lava hundzaka hi ndlela, va wu hlekula, va hlakahla tinhloko.

Yeremiya 50:13

A ku nga tshami munhu emutini wa Babilona, hikuva HOSI Xikwembu xi ta va xi wu hlundzukerile, ematlhelweni hinkwawo wu ta va rhumbi ntsena. Vahundzi va ndlela hinkwavo va ta chava, va hlakahla tinhloko, loko va vona ku tala ka timbanga ta wona.

Yeremiya 25:18

Ndzi rhanga ndzi nwisa vaaki va Yerusalema ni va miti ya Yuda, ndzi nwisa tihosi ni tindhuna ta vona, leswaku miti ya kona yi hundzuka marhumbi layo chavisa, vahundzi va ndlela va hlakahla tinhloko, va yi monya; ni namuntlha swa ha ri tano.

Levhitika 26:32

Tiko ra n'wina ndzi ta ri onhetela; valala va n'wina lava va nga ta sala va tshama eka rona va ta hlamala swinene.

Duteronoma 28:37

Loko mi ri exikarhi ka lava HOSI Xikwembu xi nga ta mi yisa eka vona, mi ta nyenyiwa hi vanhu hinkwavo, mi hundzuka xihlambanyiso ni xihlekiso.

Duteronoma 29:22

“Eminkarhini leyi taka, vana va n'wina lava nga ta velekiwa, ni vanhu lava nga ta ta va huma ematikweni ya le kule, loko va vona makhombo ni mavabyi lawa HOSI Xikwembu xi nga ta ma vangela tiko ra n'wina, va ta vulavula hi swona.

Ezekiele 27:36

Van'wamabindzu ematikweni va hlakahla tinhloko, loko va vona khombo ra wena, hikuva u herisiwile hi ndlela yo chavisa, a wu nga ha vi kona ni siku ni rin'we!”

Mikiya 6:16

Mi landzile milawu ya Omri ni mahanyelo hinkwawo ya va ka Akabu, mi endla hinkwaswo leswi a va swi endla; hikokwalaho ndzi ta endla leswaku vanhu va mi nyenya; loko va vona va ka n'wina, va ta hlakahla tinhloko, mi ta va xihlekiso exikarhi ka vanhu va matiko.”