Yeremiya 19:5 - BIBELE Mahungu Lamanene

⁵ Va lulamiserile Baali eswitsunga leswo hlawuleka, kutani va dlayile kona vana va vona va xinuna, va humesa ha vona magandzelo lama hisiwaka, va humesela Baali. Mhaka leyi a hi mina ndzi va leriseke yona, kumbe ku vulavula ha yona, naswona a ndzi yi ehleketanga ni siku ni rin'we.

Xitsonga (Bibele)

⁵ kutani va akele Baali swivandla leswi tlakukeke ku hisa kona vana va vona endzilweni yi va holokosta ya Baali, swi nga leswi ndzi nga va lerisangiki, ndzi nga va byelangiki swona, leswi swi nga ka swi nga humi embilwini ya mina.

Yeremiya 19:5 Referans Kwoze

Yeremiya 32:35

Va lulamisile swivandla leswo hlawuleka swa Baali enkoveni wa va ka Hinomu, kutani va dlayile kona vana va vona va xinuna ni va xisati, va humesa ha vona magandzelo lama hisiwaka, va humesela Moloko xikwembu xa vona. Mhaka leyi, a va lerisiwanga hi mina, ni ku yi ehleketa a ndzi yi ehleketanga ni siku ni rin'we. Kutani manyala lawa va ma endleke, ma va dyohisile.

Duteronoma 12:31

HOSI Xikwembu xa n'wina, mi nga tshuki mi xi gandzela hi mukhuva lowu vanhu lava va gandzelaka ha wona; hikuva hinkwaswo leswi va swi endlelaka swikwembu swa vona, HOSI Xikwembu xa swi nyenya xi tlhela xi swi venga: Vanhu lava va hisa ni vana va vona va xinuna ni va xisati, va hisela swikwembu swa vona!

Levhitika 18:21

“U nga tshuki u nyiketa n'wana wa wena leswaku a hiseriwa Moloko xikwembu xa Vaamoni; sweswo ku ta va ku ri ku nyamisa vito ra mina HOSI, Xikwembu xa wena.

2 TIHOSI 17:17

Va hisile vana va vona va xinuna ni va xisati, va gandzela ha vona; va yile eka vangoma, va ya hlahluva, va tinyiketa ku endla leswi biheke emahlweni ka HOSI Xikwembu, va kondza va xi hlundzukisa.

Daniele 2:29

Kutani we hosi, loko u etlele, u terile hi miehleketo ya leswi nga ta humelela eminkarhini leyi taka, hikuva Loyi a paluxaka swihundla, ú ku tivisile swilo swa kona;

Ezekiele 38:10

“Mina HOSI N'wini wa hinkwaswo ndzi vurisa sweswo ndzi ri: Enkarhini wolowo u ta anakanya leswo tala, u endla makungu layo biha,

Ezekiele 20:26

Ndzi va tshikile va tinyamisa hi ku humesa magandzelo ya vona, va dlaya vana va vona va mativula va va hisela swikwembu swa hava; ndzi va khomisile tingana letikulu ha swona, ndzi endlela ku va komba leswaku HOSI Xikwembu, hi mina!

2 TIKRONIKA 28:3

A hisa mirhi ya risuna enkoveni wa Hinomu, a hisa ni vana va yena a gandzela ha vona, a endla manyala ya vamatiko lava hlongoriweke hi HOSI Xikwembu, loko Vaisraele va nghena etikweni.

Tinhlayo 22:41

Hi siku leri tlhandlamaka, Balaka a tlhandluka na Balaama, a n'wi yisa eBamoto-Baali (hileswaku “eSwitsungeni swa Baali”), kutani Balaama a vona Vaisraele lava a va govile kusuhani.

Ezekiele 16:36

Mina HOSI N'wini wa hinkwaswo ndzi ri, loko u ri karhi u rhandzana ni swigangu swa wena, u hluvurile swiambalo hinkwaswo, u sala u lo mbyínyà! U andzisile swikwembu swa wena swa manyala, kutani u halata ngati ya vana va wena emahlweni ka swona.

2 TIHOSI 21:6

Naswona a hisa n'wana wa yena a endla gandzelo ha yena; a vhumbha ni ku hlahluva, a tirhisana ni vangoma, ni lava fembaka. A endla leswo biha ngopfu emahlweni ka HOSI Xikwembu, a kondza a xi hlundzukisa swinene.