Yeremiya 19:13 - BIBELE Mahungu Lamanene

¹³ Tindlu ta Yerusalema ni ta tihosi ta Yuda ti ta nyamisiwa ku fana ni ndhawu leyi ya Tofete leyi nyamisiweke hi mintsumbu, hikuva Vaisraele va khandziyile emalwangwini ya tindlu ta kona, va ya gandzela dyambu ni n'weti ni tinyeleti hi ku swi hisela mirhi ya risuna; hambi swi ri swikwembu swimbe, va swi humesele kona emagandzelo ya swakunwa.’ ”

Xitsonga (Bibele)

¹³ Kutani tindlu ta Yerusalema, ni tindlu ta tihosi ta Yuda ti ta va thyaka kukotisa xivandla xa Tofete; ti nga tindlu leti hinkwato va khandziyaka ehenhla ka tona ku hisela vandla hinkwaro ra le tilweni mirhi ya risuna, ni ku chululela swikwembu swin'wana tinyiko.” ’ ”

Yeremiya 19:13 Referans Kwoze

Yeremiya 32:29

Vakalediya lava lwaka ni muti lowu, va ta ta va ta wu hisa wu tshwa hinkwawo, ku tshwa tindlu leti Vaisraele va khandziyaka emalwangwini ya tona, va ya hisela Baali emirhi ya risuna, va humesela ni swikwembu swimbe emagandzelo ya swakunwa, va endlela ntsena ku ndzi hlundzukisa.

2 TIHOSI 23:12

Yosiyasi a hindzimuxa tialitari ta le lwangwini ra yindlu ya xithezi ya Akazi, leti a ti akiwile hi tihosi ta Yuda, a hindzimuxa ni tialitari leti akiweke hi Manase eswivaveni swimbirhi swa yindlu ya HOSI Xikwembu, a ti fayetela kwalaho, a cukumeta maribye ya kona enkoveni wa Kidroni.

Sofoniya 1:5

Ndzi ta ba lava khandziyaka emalwangwini ya tindlu, va ya gandzela dyambu ni n'weti ni tinyeleti; ndzi ta ba lava khongelaka mina HOSI, kasi hi tlhelo va hlambanya hi vito ra xikwembu lexi va nge i Milikomo.

Yeremiya 7:18

Vana va rhotela tihunyi, vatata wa vona va tshivela ndzilo, vavasati vona va pfuva mbila, va sweka swimbhundzwa, va swi humesela xikwembu lexi va nge i ‘Nkosikazi-ya-le-Matilweni’, va humesela ni swikwembu swin'wana emagandzelo ya swakunwa, va endlela ntsena ku vavisa mina.

Duteronoma 4:19

Loko mi languta ehenhla, mi vona hinkwaswo leswi nga kona, ku nga dyambu, ni n'weti, ni tinyeleti, tivoneleni leswaku swi nga mi hambukisi, kutani mi swi nkhinsamela kumbe ku swi tirhela, hikuva swilo leswi, HOSI Xikwembu xa n'wina xi swi avele vanhu va matiko man'wana hinkwawo leswaku va swi gandzela.

Yeremiya 44:18

Kambe ku sukela loko hi tshikile ku humesela ‘Nkosikazi-ya-le-Matilweni’ emirhi ya risuna ni magandzelo ya swakunwa, a ha ha kumi nchumu, ho dlawa hi matlhari ni tindlala ntsena!”

Pisalema 79:1

We Xikwembu, vamatiko va nghenile etikweni ra wena, va nyamisile Tempele ya wena leyo hlawuleka, muti wa Yerusalema va wu hundzule rhumbi.

Pisalema 74:7

Xivandla xa wena lexo hlawuleka va xi hisile, va wisile ni ku fayetela yindlu leyi vito ra wena ri twarisiwaka eka yona.

2 TIHOSI 23:10

Yosiyasi a nyamisa ndhawu leyi vuriwaka Tofete, ya le nkoveni wa va ka Hinomu, leswaku ku nga ha vi na munhu na un'we loyi a nga ta gandzela Moloko xikwembu xa Vaamoni, hi ku hisela endhawini ya kona n'wana wa yena wa xinuna kumbe wa xisati.

Timhaka 7:42

Hikokwalaho Xikwembu xi va fularhela, xi va nyiketa ku gandzela mavandla ya tilo, hilaha ku tsariweke hakona ebukwini ya vaprofeta lava nga te: “ ‘Xana mi tlhavele mina swifuwo n'wina Vaisraele, mi humesele mina magandzelo emananga hi malembe yo ringana 40, ke?

Ezekiele 20:28

Ndzi lo na va fikisa etikweni leri ndzi hlambanyeke ku va nyika rona, vona vo sungula ku tsakela switsunga leswo tlakuka ni mirhi leyi tlhumeke, kutani va ya gandzela kona swikwembu swa hava, va ndzi hlundzukisa hi ku yisa kona magandzelo ya vona, ma nga lama hisiwaka ni layo nun'hwela ni ya swakunwa.

Yeremiya 52:13

A hisa yindlu ya HOSI Xikwembu ni tindlu ta le ntsindza, ni tindlu tin'wana ta Yerusalema, ngopfu-ngopfu tindlu hinkwato ta vanhu lavo chaviseka.

2 TIHOSI 23:14

A fayetela maribye ya vugandzeri bya hava, a tsemelela ni timhandze ta Axera xikwembukazi, kutani a tata ndhawu ya kona hi marhambu ya vanhu.

Timhaka 10:9

Siku leri tlhandlamaka, loko va ha ri ndleleni, va ri karhi va tshinelela muti wa Yopa, Petro a khandziya ehenhla ka lwangu hi nkarhi wa nhlekanhi, a ya khongela.

2 TIHOSI 17:16

Va tshikile swileriso hinkwaswo swa HOSI Xikwembu xa vona, kutani va n'okisa koporo, va tivumbela swifaniso swa marhole mambirhi. Naswona va vatlile mhandze ya Axera xikwembukazi, va nkhinsamela dyambu ni tinyeleti va tirhela na Baali.

Yeremiya 8:2

kutani ma ta hangalasiwa erivaleni, ehansi ka dyambu ni n'weti ni tinyeleti hinkwato, swi nga swilo leswi Vaisraele va swi rhandzaka ni ku swi tirhela, leswi va swi landzelelaka, va swi vutisa timhaka ni ku swi nkhinsamela. Marhambu lawa a ma nga ha hlengeletiwi kumbe ku lahliwa emasirheni, kambe ma ta fana ni vulongo loko byi cheriwile emasin'wini.

Yeremiya 19:12

Hi swona ndzi nga ta swi endla ndhawu leyi ni vaaki va yona; mina HOSI ndzi ri, muti lowu ndzi ta wu hundzula wu fana ni Tofete:

Esaya 22:1

Lawa i mahungu hi tlhelo ra Nkova wa Swivono: Xana swi lo yini ke, leswi mi khandziyeke eswihlungwanini swa tindlu hinkwenu ke?