Yeremiya 19:1 - BIBELE Mahungu Lamanene

¹ HOSI Xikwembu xi vulavurile na mina xi ku: “Yana u ya xava mbita eka muvumbi, u rhamba vakulukumba va nga ri vangani exikarhi ka vaaki va muti ni le xikarhi ka vaprista,

Xitsonga (Bibele)

¹ Yehovha u vurisile a ku: “Yana, u ya tixavela mbita ya vumba eka muvumbi, kambe u ya ni vakulukumba van'wana va tiko ni vakulukumba va vaprista;

Yeremiya 19:1 Referans Kwoze

Swirilo 4:2

Majaha yo rhandzeka ya Siyoni a ma ri ni nkoka ku fana ni nsuku lowo saseka, kambe sweswi ma fana ni swibya swa vumba, leswi nga vumbiwaka hi mani na mani.

Esaya 30:14

ri fayeka kukota ximbitana lexi fayekelaka, xi huma swirhengele leswitsongo, lero exikarhi ka swona ku pfumaleka ni xirhengele xo oka ndzilo, kumbe xo ka mati exihlobyeni.”

Tinhlayo 11:16

Kutani HOSI Xikwembu xi ku ka Muxe: “Ndzi hlawulele vavanuna va 70 exikarhi ka vakulukumba lava u va tivaka va ri vakulukumba ni varhangeri etikweni, u ya na vona eka Ntsonga lowo Hlawuleka, u fika u yima na vona kona.

2 Vakorinto 4:7

Kambe hina hi nyikiweke ku rhwala xuma lexi, hi fana ni timbita ta vumba; swi komba leswaku matimba lamakulu lawa, lama tlulaka hinkwaswo, ma huma eka Xikwembu, a ma humi eka hina.

2 TIHOSI 19:2

Kutani a rhuma Eliyakimi, mulanguteri wa swa le ntsindza, na Xebina matsalani, swin'we ni vaprista lavakulu, eka muprofeta Esaya n'wana Amotsi; na vona a va ambarile leswo khwaxa.

Matewu 27:1

Loko ri xile, vaprista hinkwavo ni vakulukumba va kanela makungu ya ku dlaya Yesu.

Matewu 26:3

Enkarhini wolowo vaprista lavakulu, ni vakulukumba, va hlengeletana ehubyeni ya Muprista lonkulu loyi a va ku i Kayafasi,

Ezekiele 9:6

dlayani vakulukumba swin'we ni majaha ni vanhwana ni vavasati ni swihlangi, mi va heta; kambe lava funghiweke emimombyeni, mi nga tshuki mi va khumba! Sungulani hi va le Tempeleni.” Hiloko va sungula hi ku dlaya vakulukumba lava a va yimile emahlweni ka Tempele.

Yeremiya 32:14

‘HOSI ya matimba hinkwawo, Xikwembu xa Israele, xi vurile leswaku u fanele ku teka mapapila lawa ya vun'wini, leri nga funghiwa ni leri nga funghiwangiki, u ma hoxa ekhuwaneni leswaku ma ta hlayiseka nkarhi wo leha.

Yeremiya 26:17

Ku tlhela ku yima van'wana exikarhi ka vakulukumba va tiko, va vulavula ni ntshungu lowu a wu ri kona, va ku:

Timhaka 21:11

A ta ka hina, a teka banti ra Pawulo, a tiboha mavoko ni milenge ha rona, a ku: “Moya lowo Kwetsima wu vula leswi: Wanuna loyi banti leri ri nga ra yena, Vayuda va ta n'wi bohisa xisweswo eYerusalema, va n'wi nyiketa emavokweni ya vamatiko.”

Ezekiele 4:1

HOSI Xikwembu xi engeta xi ku: “Wena munhu, teka xitina, u xi yimisa emahlweni ka wena, kutani u kovotla eka xona xifaniso xa muti wa Yerusalema.

Yeremiya 13:1

HOSI Xikwembu xi vulavurile na mina xi ku: “Famba u ya xava vamba ra ntsembyani, kutani u tiboha ha rona; u nga tshuki u ri peta ematini!”

Ezekiele 5:1

Xikwembu xi ku ka mina: “Wena munhu, tiendlele rikari hi banga ro kariha, u ri tirhisa ku byewula misisi ni malebvu, misisi ya kona u yi pima exikalwini, u yi avanyisa hi swiputsa swinharhu.