Yeremiya 18:9 - BIBELE Mahungu Lamanene

⁹ Kambe nkarhi wun'wana ndzi nga vulavula hi ku aka ni ku simeka vanhu vo karhi kumbe mfumo wo karhi.

Xitsonga (Bibele)

⁹ Kambe kungakuloko ndzi byele tiko kumbe vuhosi, leswaku ndzi ta va akisa, ndzi va ndzi va simeka.

Yeremiya 18:9 Referans Kwoze

Yeremiya 31:28

Eminkarhini leyi nga hundza, a ndzi tiyimiserile ku va tsuvula ni ku va handzulela, ndzi va mbundzumuxa ni ku va herisela makumu, ndzi va vangela makhombo; kambe sweswi ndzi tiyimisele ku va aka ni ku va simeka; ndzi vula sweswo mina HOSI.

Yeremiya 11:17

N'wina Vaisraele na n'wina va ka Yuda, mi simekiwile hi mina, kambe sweswi ndzi ta mi vangela khombo mina HOSI, hikuva mi ndzi karihisile hi ku hisela swikwembu swa Baali emirhi ya risuna.”

Yeremiya 1:10

Namuntlha ndzi ku nyika matimba ya ku fuma matiko ni tihosi ta wona: U ta tsuvula, u wisela hansi, u mbundzumuxa, u herisela makumu, u aka, u tlhela u byala.”

Eklesiasta 3:2

Ku ni nkarhi wo velekiwa, ni nkarhi wa ku fa; ku ni nkarhi wa ku byala, ni nkarhi wo tsuvula leswi byariweke.

Yeremiya 32:41

Ndzi ta tsaka ku va katekisa hi mbilu ya mina hinkwayo, ndzi va nyika vutshamo lebyi tiyeke etikweni rorero.

Yeremiya 31:38

HOSI Xikwembu xi ri: “Nkarhi wa ta lowu muti wa Yerusalema wu nga ta akiwa hi vuntshwa wu akeriwa mina, ku sukela eka ‘Xihondzo-xa-Hananele’ ku ya fika eka ‘Nyangwa-ya-Yinhla’.

Yeremiya 31:4

N'wina Vaisraele, ndzi ta tlhela ndzi mi simeka etikweni ra n'wina, kutani mi ta tshamiseka swinene. Mi ta tlhela mi rhwala swingomana, mi ya cina ni lava tsakeke.

Yeremiya 30:18

HOSI Xikwembu xi vurisa sweswo xi ri: “Ndzi ta tlhela ndzi katekisa mindyangu ya va ka Yakobo, miti ya vona ndzi ta yi twela vusiwana; muti wa Yerusalema wu ta tlhela wu akiwa exintshabyanini xa wona, na tona tindlu ta le ntsindza ti ta tlhela ti akiwa lomu a ti ri kona khale.