Yeremiya 18:8 - BIBELE Mahungu Lamanene

⁸ Loko vanhu va kona va tisola va tshika vubihi bya vona, na mina ndzi ta tshika makungu ya mina ya ku va vangela makhombo.

Xitsonga (Bibele)

⁸ loko tiko leri ndzi ri tshinyeke ri hundzuka eku biheni ka rona, na mina ndzi tlhela eku kariheni kuloku ingi ndzi anakanyile ku va endlela hakona.

Yeremiya 18:8 Referans Kwoze

Ezekiele 18:21

“Loko munhu wo homboloka o tshuka a hambene ni swidyoho hinkwaswo leswi a a tolovele ku swi endla, kutani a sungula ku hlayisa milawu ya mina, a endla leswi nga swona, swi nga leswo lulama, munhu yoloyi hakunene ú ta kuma ku hanya, a nga ka a nga fi.

Yeremiya 26:13

Hikokwalaho, hundzukani mi lulamisa mahanyelo ya n'wina ni swiendlo swa n'wina, mi yingisa leswi HOSI Xikwembu xa n'wina xi mi byelaka swona, kutani xona xi ta tshika makungu ya xona ya ku mi ba, lawa xi mi tiviseke wona.

Hosiya 11:8

Xana ndzi nga swi kotisa ku yini ku mi tshika n'wina va ka Efrayimi xana? Xana ndzi nga mi nyiketa eka van'wana n'wina Vaisraele xana? Xana ndzi nga mi tshika ku fana ni muti wa Adama, kumbe ku mi endla leswi ndzi swi endleke va le Seboyimi, xana? Sweswi mbilu ya mina yi wile, ndzi tele tintswalo ni rirhandzu.

Yeremiya 26:3

Kumbexana va ta yingisa va hundzuka, hinkwavo va tshika mintirho ya vona leyo homboloka, kutani na mina ndzi ta tshika makungu ya mina ya ku va herisa, lama vangiweke hi mintirho ya vona leyo biha.

Vaavanyisi 2:18

Minkarhi hinkwayo loko HOSI Xikwembu xi nyika Vaisraele vaavanyisi, a xi yima ni vaavanyisi lava xi va tirhisa ku ponisa Vaisraele emavokweni ya valala va vona, hikuva a xi twela Vaisraele vusiwana eku konyeni ka vona, loko va xanisiwa ni ku tshikeleriwa hi valala va vona.

Pisalema 106:45

Xi tsundzukile ntwanano wa xona na vona, xi va tsetselela hi mhaka ya rirhandzu ra xona lerikulu.

Pisalema 135:14

Hakunene HOSI Xikwembu xi lwela vanhu va xona, malandza ya xona xi ma twela vusiwana.

Pisalema 90:13

We HOSI, tana u ta hi pfuna, hina malandza ya wena; xana u ta yima kule na hina ku ya fika rini xana?

2 TIKRONIKA 12:6

Loko tindhuna ta Vaisraele ni hosi Rhobuwamu va twa sweswo, va tisola, va ku: “HOSI Xikwembu xi endla leswi lulameke.”

Duteronoma 32:36

“HOSI Xikwembu xi ta yima ni vanhu va xona loko xi vona leswaku a va ha ri na matimba, xi ta twela malandza ya xona vusiwana, loko xi vona leswaku wonge a ku nga ha sali munhu, hambi hlonga kumbe la ntshunxekeke.

Eksoda 32:12

Xana Vaegipta a va nga vuli va ku: ‘Xikwembu xi humesile Vaisraele xi ri ni makungu yo biha ya ku ya va lovisela etintshaveni, xi va herisela makumu emisaveni’ xana? Tshika vukari bya wena lebyo chavisa, u tlhela emakungwini ya wena yo endla swo biha eka vanhu va wena.

Yonasi 4:2

kutani a khongela HOSI Xikwembu a ku: “HOSI, xana a ndzi vulanga loko ndza ha ri ekaya xana? Ndzi ringete ku swi sivela, loko ndzi balekela eTarxixi, hikuva a ndzi swi tiva leswaku u Xikwembu lexi tsetselelaka vanhu ni ku va twela vusiwana, lexi hlwelaka ku kariha, lexi teleke tintswalo, lexi tlhelaka emakungwini ya xona yo twisa vanhu ku vava.

Ezekiele 33:13

Nkarhi wun'wana ndzi nga tshuka ndzi tshembisa munhu wo lulama leswaku ú ta kuma ku hanya; kambe loko munhu loyi a sungula ku tshemba ngopfu ku lulama ka yena, kutani a endla leswo biha, ku lulama ka yena a ku nga ha tsundzukiwi: Ú ta fa hikwalaho ka mintirho ya yena leyo biha.

Ezekiele 33:11

Va byele leswaku mina HOSI N'wini wa hinkwaswo ndzi tibohile hi ku hlambanya ndzi ri: A ndzi tsakeli rifu ra mudyohi, kambe ndzi lava leswaku a hundzuka etindleleni ta yena leto homboloka, kutani a kuma ku hanya. Hikokwalaho, n'wina Vaisraele, hundzukani! Ina, hundzukani, mi tshika tindlela ta n'wina leto biha. Hikwalaho ka yini mi lava ku tivangela rifu xana?

Yeremiya 42:10

‘Loko mi nga tshama etikweni leri, ndzi ta mi tiyisa ematshan'wini ya ku mi herisa, ndzi ta mi simeka ematshan'wini ya ku mi tsuvula, hikuva swa ndzi vavisa ku anakanya makhombo lawa ndzi mi beke ha wona.

Yeremiya 36:3

Kumbexana va ka Yuda va nga hundzuka loko va twa makhombo lawa ndzi lavaka ku va vangela wona, kutani mina ndzi ta va rivalela swidyoho swa vona ni ku homboloka ka vona.”

Yeremiya 26:19

“Xana Hezekiya hosi ya hina va ka Yuda, ni va ka hina hinkwavo, va dlayile muprofeta loyi xana? E-e! Va chavile ku dyohela HOSI Xikwembu; va komberile hi matimba leswaku xi va tsetselela, kutani xona xi tshikile makungu ya xona lawa xi ma vuleke, xi nga ha va bi; hikokwalaho hi nga tshuki hi tivangela khombo hi ku dlaya munhu loyi.”

Yeremiya 15:6

Mina HOSI ndzi ri: U ndzi tshikile, u lo ya u tlhelela endzhaku, hikokwalaho ndzi tshambulutile voko ra mina, ndzi ku ba ndzi ku herisa. A ndzi karhele ku ku rivalela.

Yeremiya 12:16

Vamatiko lava, khale va dyondzisile vanhu va mina ku hlambanya hi vito ra Baali. Kambe loko va nga dyondza ku khongela ku fana ni Vaisraele, ni loko va nga hlambanya hi vito ra mina va ku: ‘HOSI i Xikwembu lexi hanyaka!’ va ta kuma ku tshamiseka exikarhi ka vanhu va mina.

Ezekiele 33:14

Hi tlhelo rin'wana, ndzi nga tshuka ndzi byela munhu wo homboloka leswaku ú ta fa hakunene, kambe munhu loyi a hundzuka a tshika swidyoho swa yena, a endla leswi nga swona, swi nga leswo lulama;

Eksoda 32:14

Hiloko HOSI Xikwembu xi tlhela emakungwini lawa a xi ma vurile, ya ku endla leswo biha eka vanhu va xona.

Ezekiele 33:12

“Wena munhu, engeta u vulavula na varikwenu, u ku: ‘Loko munhu wo lulama a sungula ku tlula nawu, ku lulama ka yena a ku nga n'wi humesi ekhombyeni. Kasi loko munhu wo homboloka a hundzuka a tshika mintirho ya yena leyo biha, yona a yi nga ha n'wi vangeli rifu. Loyi a sungulaka ku dyoha kasi khale a a tiviwa a ri munhu wo lulama, a nga ka a nga ponisiwi hi ku lulama ka yena.

Amosi 5:15

Vengani leswo biha, mi rhandza leswinene, mi avanyisa hi ku lulama etihubyeni ta n'wina, kutani kumbexana HOSI, Xikwembu xa matimba hinkwawo, xi ta mi tsetselela n'wina masalela ya Yosefa.