Yeremiya 18:10 - BIBELE Mahungu Lamanene

¹⁰ Loko vanhu va kona va ala ku ndzi yingisa, va endla leswo biha emahlweni ka mina, ndzi ta tshika makungu ya mina ya ku va katekisa.

Xitsonga (Bibele)

¹⁰ Loko va endla leswo biha emahlweni ka mina, va ala ku yingisa rito ra mina, na mina, ndzi ta tlhela etintswalweni leti ngi ndzi va byerile leswaku ndzi ta va endlela tona.

Yeremiya 18:10 Referans Kwoze

Ezekiele 33:18

Loko munhu wo lulama a tshika mintirho ya yena leyo lulama, kutani a sungula ku endla leswo homboloka, ú tivangela rifu hikwalaho ka swona.

1 SAMIELE 2:30

Hikokwalaho, HOSI Xikwembu xa Israele xi vurisa sweswo xi ri: ‘A ndzi hlambanyile ndzi ku, va ndyangu wa wena ni va rixaka ra wena va ta va vaprista, va ndzi tirhela hilaha ku nga heriki; kambe ku sukela sweswi, mina HOSI ndzi ri: Swi nga ka swi nga ha endleki, hikuva lava va ndzi xiximaka, ndza va xixima, kambe lava va ndzi nyenyaka, a va nga ha vi nchumu eka mina.

Ezekiele 18:24

“Kambe hi tlhelo rin'wana, loko munhu wo lulama o tshuka a tshikile ku endla leswo lulama, kutani a sungula ku dyoha, a tinyiketa emintirhweni ya manyala ya lavo homboloka, xana munhu loyi ú ta kuma ku hanya xana? E-e! Mintirho ya yena ya khale leyo lulama yi ta rivariwa hinkwayo, kutani ú ta fela eku tiariseni ka yena ne ku dyoheni ka yena.

1 SAMIELE 13:13

Kavaloko Samiele a ku ka Sawulo: “Phuphula ndziwena! A wu hlayisanga leswi HOSI Xikwembu xa wena xi ku leriseke swona. Loko onge u swi hlayisile, HOSI Xikwembu a xi ta tiyisa vuhosi bya wena ehenhla ka Vaisraele hilaha ku nga heriki.

Pisalema 125:5

Kambe lava fambaka hi tindlela leto homboloka, va hlongole we HOSI swin'we ni lava endlaka leswo biha. Ku rhula a ku ve na Vaisraele!

1 SAMIELE 15:11

“Ndza tilaya loko ndzi vekile Sawulo a va hosi, hikuva ú tshikile ku ndzi landza, a nga endlanga ku lerisa ka mina.” Samiele a tlhaveka ngopfu, a rila emahlweni ka HOSI Xikwembu vusiku hinkwabyo.

Sofoniya 1:6

Ndzi ta ba lava va ndzi fularhelaka mina HOSI, vona lava va nga ndzi laviki, lava nga rhandziki ku vutisa nchumu eka mina.”

1 SAMIELE 15:35

Samiele ú kale a fa a nga ha vonananga na Sawulo, kambe xiviti xa yena xa ku rila Sawulo a xi helanga. HOSI Xikwembu xona a xi vaviseka hileswi xi vekeke Sawulo ku va hosi ya Israele.

Tinhlayo 14:22

Hambileswi vanhu lava hinkwavo va voneke ku vonakala loku ka mina ni mahlori lawa ndzi ma endleke etikweni ra Egipta ni kwala mananga, va ha ya emahlweni va ndzi ringa, va nga yingisi leswi ndzi swi vulaka;

Ezekiele 45:20

Mi ta endlisa sweswo nakambe hi siku ra vu-7 ra n'hweti, mi endlela Vaisraele lava dyoheke kambe va nga swi tivi, kumbe lava nga hoxa kunene. Hi mukhuva wolowo mi ta va mi basisile Tempele.

Tinhlayo 14:34

Mi ta xaniseka malembe ya 40 hikwalaho ka milandzu ya n'wina, hikuva masiku lawa mi nga valanga tiko ha wona a ma ri 40, hileswaku siku rin'wana ni rin'wana ri yimela lembe rin'we. Mi ta swi tiva leswaku mi ndzi khunguvanyisile ngopfu!

Tinhlayo 14:23

hikokwalaho, va nga ka va nga ri voni tiko leri ndzi ri tshembiseke vatata wa vona hi ku hlambanya; hinkwavo lava va ndzi sandzeke, a va nga ri voni tiko ra kona.

Ezekiele 33:12

“Wena munhu, engeta u vulavula na varikwenu, u ku: ‘Loko munhu wo lulama a sungula ku tlula nawu, ku lulama ka yena a ku nga n'wi humesi ekhombyeni. Kasi loko munhu wo homboloka a hundzuka a tshika mintirho ya yena leyo biha, yona a yi nga ha n'wi vangeli rifu. Loyi a sungulaka ku dyoha kasi khale a a tiviwa a ri munhu wo lulama, a nga ka a nga ponisiwi hi ku lulama ka yena.