Yeremiya 17:4 - BIBELE Mahungu Lamanene

⁴ Ndzhaka ya n'wina yi ta susiwa emavokweni ya n'wina, ri nga tiko leri a ndzi mi nyikile rona. Ndzi ta mi hundzula mahlonga ya valala va n'wina, mi yisiwa etikweni leri mi nga ri tiviki, hikuva mi tivangele ndzilo wa vukari bya mina; wu ta pfurha wu nga timeki.”

Xitsonga (Bibele)

⁴ Hikwalaho ka nandzu wa wena u ta lahlekeriwa hi ndzhaka leyi ngi ndzi ku nyikile yona, kambe ndzi ta ku endla nandza wa lava nga valala eka wena, etikweni leri u nga ri tiviki; hikuva mi pfurhisile ndzilo wa ku kariha ka mina, wa ha ta hisa hilaha ku nga heriki.”

Yeremiya 17:4 Referans Kwoze

Yeremiya 15:14

Ndzi ta mi hundzula mahlonga ya valala va n'wina etikweni leri mi nga ri tiviki, hikuva ndzilo wa vukari bya mina wu le ku pfurheni, wu ta pfurha wu nga heli!”

Swirilo 5:2

Ndzhaka ya hina yi nyikiwile vamatiko, miti ya hina yi tekiwile hi swi-ta-swi-famba.

Yeremiya 7:20

Hikokwalaho mina HOSI N'wini wa hinkwaswo ndzi vurisa sweswo ndzi ri: Ndzi ta chululela vukari bya mina lebyi pfurhaka ehenhla ka xivandla lexi, ni le henhla ka vanhu ni swifuwo, ni le henhla ka swihlahla ni masimu ni leswi milaka eka wona. Hinkwaswo swi ta tshwa, ndzilo wa kona wu nga timeki!”

Esaya 5:25

Vukari bya HOSI Xikwembu bya pfurha ehenhla ka vanhu va xona; xi tlakusile voko ra xona, xi ta va ba xi va dlaya; tintshava ti ta ninginika, mintsumbu ya vona yi ta ku, n'wálálálá, emagondzweni. Hambiswiritano vukari bya xona a byi nga tlheli, xa ha ta tlakusa voko ra xona, xi va ba.

Yeremiya 16:13

Hikokwalaho ndzi ta mi hlongola mi suka etikweni leri. Ndzi ta mi yisa etikweni leri n'wina ni vatata wa n'wina mi nga ri tivangiki; kutani kona mi ta tirhela swikwembu swimbe vusiku ni nhlekanhi, hikuva a ndzi nga mi tweli vusiwana.’ ”

Esaya 14:3

Loko HOSI Xikwembu xi ta va xi mi wisisile eka maxangu ni mpfilumpfilu ni mintirho leyo tika leyi a mi sindzisiwa ku yi endla,

Ezekiele 21:31

Ndzi ta chululela vukari bya mina ehenhla ka n'wina; kutani ku hlundzuka ka mina ku ta pfurha kukota ndzilo. Ndzi ta mi nyiketa emavokweni ya vanhu va tihanyi, lava nga ni vutivi bya ku herisa vanhu.

Swirilo 1:12

“N'wina hinkwenu vahundzi va ndlela, xana swilo leswi a swi vuli nchumu eka n'wina xana? Xiyaxiyani mi vona loko ku ri ni munhu la nga ni nhlomulo wo fana ni wa mina, lowu HOSI yi ndzi vangeleke wona siku leri yi ndzi hlundzukeleke ha rona.

Yeremiya 12:7

HOSI Xikwembu xi ri: “Ndzi tshikile vanhu va mina, vahlawuriwa va mina, ndzi va cukumetile; varhandziwa va mbilu yanga ndzi va nyiketile emavokweni ya valala va vona.

Yeremiya 5:29

Hikokwalaho mina HOSI ndzi ri: Vanhu lava ndzi ta va ba, rixaka lero tano, ndzi ta tirihisela eka rona.”

Esaya 66:24

“Va ta huma va ya vona mintsumbu ya vanhu lava va ndzi hundzukeleke. Swivungu leswi swi yi dyaka a swi nga fi, hambi wu ri ndzilo lowu wu nga ta yi hisa a wu nga timeki, kutani mintsumbu leyi yi ta hlambisa timbilu ta vanhu hinkwavo.”

Esaya 30:33

Ndhawu leyi yi nga ni ndzilo lowukulu lowu nga ta hisa hosi ya Asiriya, yi lulamisiwile khale. Ndhawu leyi yi ceriwile yi enta, yi tlhela yi anama, ku hoxeteriwa tihunyi to tala kona, kutani HOSI Xikwembu, hi xona xi nga ta pfurhisa tihunyi leti hi moya wa xona lowu fanaka ni xivavula.

Nehemiya 9:28

Kambe endzhaku ka loko u va wisisile ku xaniseka, va tlhele va ku dyohela, kutani u va nyiketa kambe emavokweni ya valala va vona leswaku va va fuma. Hambiswiritano loko va hundzukele eka wena va tisola, u yingisile swirilo swa vona u ri etilweni; eka minkarhi leyo tala u va ponisile hikwalaho ka tintswalo ta wena.

2 TIHOSI 25:21

Hosi Nebukadnetsara a lerisa leswaku va biwa, kutani va dlayiwa eRibila, etikweni ra Hamata. Hi wona mukhuva lowu vanhu va Yuda va yisiweke evukhumbini ha wona, kule ni tiko ra vona.

1 TIHOSI 9:7

ndzi ta susa vanhu va Israele etikweni leri ndzi va nyikeke rona. Na yona Tempele leyi ndzi yi hlawuleke ku twarisa vito ra mina eka yona, ndzi ta yi cukumeta kule na mina; kutani vanhu va Israele va ta hundzuka xihlambanyiso ni xihlekiso exikarhi ka vamatiko hinkwavo.

Duteronoma 28:25

“HOSI Xikwembu xi ta mi nyiketa emavokweni ya valala va n'wina va mi hlula. Mi ta va yela mi xaxamerile, kambe mi ta tlhela hi ku tsutsuma mi hangalaka mi ku bàmfée! Khombo leri ri nga ta mi wela ri ta chavisa vanhu va matiko hinkwawo emisaveni.

Yeremiya 2:14

Xana Israele ú lo endliwa hlonga, kumbe ú velekiwile endyangwini wa mahlonga xana? E-e! Loko swi ri tano, hikwalaho ka yini valala va yena va phangha swilo swa yena ke?

Yeremiya 18:23

We HOSI, makungu ya vona ya ku ndzi dlaya, u ma tiva hinkwawo. U nga tshuki u va rivalela ku dyoha ka vona, milandzu ya vona u nga yi veki kule na wena. A va wele hansi emahlweni ka wena, u va ba wa ha hlundzukile.”

Yeremiya 21:12

“N'wina va ka Davhida, ndzi yingiseni, hikuva mina HOSI ndzi ri: “Avanyisani timhaka hi ku lulama, siku rin'wana ni rin'wana. Lava tekeriweke swilo swa vona, va kutsuleni eka lava va va xanisaka. Loko swi nga ri tano, ndzi ta mi herisa hi vukari bya mina lebyi pfurhaka; ndzilo wa kona wu ta pfumala vatimi, hikuva leswi mi swi endlaka swi bihile ngopfu.”

Yeremiya 22:28

Wanuna loyi Yoyakini, a nga ha pfuni nchumu, ú hundzukile xirhengele xa mbita leyi fayekeke, kumbe xibya lexi pfumalaka muhlayisi! Hikwalaho ka yini a tsuvuriwa etikweni ra yena, a susiwa yena ni vana va yena, va yisiwa etikweni leri va nga ri tiviki xana?

Esaya 50:11

Kambe n'wina hinkwenu mi tshamaka van'wana xikungu mi lava ku va herisa, hi n'wina mi nga ta herisiwa. HOSI Xikwembu, hi xona xi nga ta endla swilo leswi, mi ta weriwa hi makhombo layo chavisa swinene.

Yeremiya 5:19

Loko va ku vutisa we Yeremiya va ku: ‘Hikwalaho ka yini HOSI Xikwembu xa hina xi hi vangela makhombo lawa hinkwawo ke?’ u ta va hlamula u ku: ‘Hi leswi mi xi tshikeke, mi tirhela swikwembu swimbe etikweni ra n'wina. Hikokwalaho mi ta tirhela vanhu vambe etikweni leri nga riki ra n'wina!’ ”

Ezekiele 7:24

Hikokwalaho ndzi ta tisa vamatiko lavo karhata ngopfu, va ta teka tindlu hinkwato ta muti. Ndzi ta pfala nomo wa lava tivulaka tinhenha, ndzi onhetela ni tindhawu leto hlawuleka ta muti.