Yeremiya 17:3 - BIBELE Mahungu Lamanene

³ N'wina mi khongelaka le handle etintshaveni, tivani leswaku ndzi ta nyiketa rifuwo ra n'wina ni xuma xa n'wina hinkwaxo eka valala, va swi phangha, hikwalaho ka swidyoho leswi mi swi endlaka, eswitsungeni leswo hlawuleka swa tiko ra n'wina hinkwaro.

Xitsonga (Bibele)

³ “Ntshava ya mina, ni masimu ya yona, ni rifuwo ra wena, ni vukosi bya wena hinkwabyo, ndzi ta swi nyiketa leswaku swi phangiwa, na swona swivandla leswi tlakukeke swa wena hikwalaho ka swidyoho swa wena leswi nga emindzilekaneni ya wena hinkwayo.

Yeremiya 17:3 Referans Kwoze

Yeremiya 15:13

HOSI Xikwembu xi engeta xi ku: “N'wina Vaisraele, ndzi ta nyiketa rifuwo ra n'wina ni xuma xa n'wina eka valala, va swi phangha, ndzi mi bela swidyoho swa n'wina hinkwaswo leswi tateke tiko ra n'wina.

Yeremiya 26:18

“Loko hosi Hezekiya a ha fuma etikweni leri ra Yuda, a ku ri ni muprofeta Mikiya wa le Morexeta; hina hinkwerhu va ka Yuda hi n'wi twile loko a hi tivisa marito ya HOSI ya matimba hinkwawo, lawa ya nge: “ ‘Muti wa Siyoni wu ta rimiwa kukota nsimu, Yerusalema ú ta hundzuka rhumbi; exintshabyanini xa Tempele, ku ta va swihlahla ntsena.’

2 TIHOSI 24:13

Hilaha HOSI Xikwembu xi vuleke hakona khale, Nebukadnetsara a phangha xuma hinkwaxo xa yindlu ya HOSI Xikwembu, ni xuma xa le ntsindza; a fayetela swigotso swa nsuku hinkwaswo swa le Tempeleni ya HOSI Xikwembu, leswi a swi endliwile hi Solomoni hosi ya Vaisraele.

Mikiya 3:12

Kasi, hikwalaho ka vona, muti wa Siyoni wu ta rimiwa kukota nsimu. Yerusalema ú ta hundzuka rhumbi, exintshabyanini xa Tempele, ku ta va swihlahla ntsena.

Ezekiele 16:39

Ndzi ta ku nyiketa emavokweni ya swigangu swa wena, kutani swona swi ta wisetela byetlelo bya wena, swi tshovelela ni mibedo ya wena leyo tlakuka. Swi ta ku hluvula swiambalo u sala u lo mbyínyà, swi ku tekela ni vuhlalu bya wena lebyo saseka.

Ezekiele 6:3

u byela tintshava leti ni swintshabyana swa kona, u lerisa ni minkova ni timbala leswaku swi yingisa rito na mina leri nge: ‘Vonani, ndzi ta mi vangela tinyimpi, mina hi xiviri, ndzi onhetela switsunga swa n'wina swa vukhongeri bya hava.

Swirilo 1:10

Valala va n'wi tekerile swilo swa yena hinkwaswo swa nkoka; ú vonile vamatiko va ya nghena exivandleni xa yena lexo hlawuleka, lexi we HOSI a wu nga va pfumeleli ku ya nghena eka xona.

Yeremiya 12:12

Vahlaseri va tile hi le switsungeni leswi omeke swa le mananga, va rhumiwa hi HOSI Xikwembu ku herisa vanhu va xona hi matlhari, ematlhelweni hinkwawo ya tiko, ku ri hava na un'we loyi a ponaka.

Esaya 27:9

Ku hela ka nandzu wa va ka Yakobo ni ku susiwa ka vudyoho bya vona, swi ta tikomba hi loko va mbundzumuxa tialitari hinkwato, va fayetela maribye ya tona ma va mapa, va wisetela timhandze ta Axera xikwembukazi, ni tialitari ta mirhi ya risuna.

Levhitika 26:30

Ndzi ta herisa switsunga swa n'wina leswo hlawuleka, ndzi fayetela ni tialitari leti mi hiselaka eka tona mirhi ya risuna, ndzi mi dlaya ndzi cukumeta mintsumbu ya n'wina ehenhla ka mintsumbu ya swifaniso swa swikwembu swa n'wina swa hava. Mi ta va mi ndzi nyangatsile ngopfu,

Pisalema 78:58

Va hlundzukisile Xikwembu hi switsunga swa vona swa vukhongeri bya hava; va xi tlhave mbilu hi ku tivatlela swikwembu swa vona swa swifaniso.

Yeremiya 20:5

Tlhandlakambirhi, rifuwo hinkwaro ra muti, ni nhundzu ya wona hinkwayo, ni swilo swa nkoka hinkwaswo leswi nga ka wona, ni xuma hinkwaxo xa tihosi ta Yuda, ndzi ta swi nyiketa valala va tona, kutani vona va ta swi phangha hinkwaswo, va famba na swona le Babilona.

Sofoniya 1:13

Kambe rifuwo ra vona ri ta phanghiwa, tindlu ta vona ti ta biwa ti wa; hambi va nga aka tindlu, va nge tshami ka tona, hambi va nga rima masimu ya vhinya, vhinyo ya kona va nge yi nwi.”

Yeremiya 21:13

HOSI Xikwembu xi ri: “N'wina tihosi mi akeke enkoveni, eribyeni leri anameke leri nga kusuhi ni Tempele, n'wina mi vulaka leswaku a mi nga hlaseriwi hi munhu, kumbe ku ngheneriwa hi valala,

Ezekiele 23:46

HOSI N'wini wa hinkwaswo ú vurisa sweswo ú ri: “Va rhambele mavuthu ma ta va hlasela ma va phanghela swa vona, va hundzuka swilo swo chavisa.