Yeremiya 17:2 - BIBELE Mahungu Lamanene

² Vanhu va ka vona a va tshiki ku anakanya tialitari ni timhandze ta vona ta vukhongeri bya hava, leti dzimiweke eswitsungeni leswo hlawuleka kusuhi ni mirhi leyi tlhumeke.

Xitsonga (Bibele)

² Kukotisa loko va anakanya vana va vona, va anakanyisa sweswo tialitari ta vona ni swifaniso swa vona swa Axera ekusuhi ni mirhi leyi nga ni matluka eswitsungeni leswi tlakukeke.

Yeremiya 17:2 Referans Kwoze

2 TIKRONIKA 24:18

Kambe va sungula ku fularhela yindlu ya HOSI, Xikwembu xa vatata wa vona, va tlhela va ya gandzela timhandze ta Axera, ni swikwembu swin'wana swa hava. Kutani va ka Yuda ni va le Yerusalema va tivangela ku hlundzukeriwa hi HOSI Xikwembu, hi swidyoho leswi swa vona.

Yeremiya 2:20

HOSI Xikwembu xi ri: “N'wina Vaisraele, i khale mi arile ku fumiwa hi mina, mi ndzi tshikile mi nga lavi ku ndzi tirhela. Mi yile mi ya khongela eswitsungeni hinkwaswo, ni le hansi ka mirhi hinkwayo leyi tlhumeke, mi etlela kukota tinghwavava.

Esaya 17:8

a va nga ha hundzulukeli eka tialitari leti va nga lo tiakela, naswona a va nga ha languti swilo leswi va swi endleke hi mavoko ya vona vinyi, swo fana ni timhandze ta Axera xikwembukazi, na tialitari ta mirhi ya risuna.

Esaya 1:29

Mi ta khomiwa hi tingana hikwalaho ka mirhi ya minkuhlu leyi a yi mi tsakisa, mintanga leyi mi nga lo tihlawulela yona yi ta mi nyumisa ngopfu.

2 TIKRONIKA 33:3

Ú tlherile a pfuxa vukhongeri bya le switsungeni leswo hlawuleka, lebyi tata wa yena Hezekiya a a byi herisile; a akela Baali tialitari, a vatla ni mhandze ya Axera xikwembukazi, a nkhinsamela dyambu ni n'weti ni tinyeleti, a swi tirhela.

Vaavanyisi 3:7

Kutani Vaisraele va sungula ku endla leswo biha emahlweni ka HOSI Xikwembu xa vona, va xi rivala, va ya tirhela swifaniso swa Baali ni timhandze ta Axera.

Ezekiele 20:28

Ndzi lo na va fikisa etikweni leri ndzi hlambanyeke ku va nyika rona, vona vo sungula ku tsakela switsunga leswo tlakuka ni mirhi leyi tlhumeke, kutani va ya gandzela kona swikwembu swa hava, va ndzi hlundzukisa hi ku yisa kona magandzelo ya vona, ma nga lama hisiwaka ni layo nun'hwela ni ya swakunwa.

Yeremiya 7:18

Vana va rhotela tihunyi, vatata wa vona va tshivela ndzilo, vavasati vona va pfuva mbila, va sweka swimbhundzwa, va swi humesela xikwembu lexi va nge i ‘Nkosikazi-ya-le-Matilweni’, va humesela ni swikwembu swin'wana emagandzelo ya swakunwa, va endlela ntsena ku vavisa mina.

Pisalema 78:58

Va hlundzukisile Xikwembu hi switsunga swa vona swa vukhongeri bya hava; va xi tlhave mbilu hi ku tivatlela swikwembu swa vona swa swifaniso.

2 TIKRONIKA 33:19

Naswona, ebukwini ya “Matimu ya Vaprofeta”, ku tsariwile timhaka leti: Ku khongela ka Manase, ni hilaha xikhongelo xa yena xi amukeriweke hi Xikwembu hakona; ku homboloka ka yena ni swidyoho swa yena, loko a nga si titsongahata a tisola; nongonoko wa switsunga leswo hlawuleka leswi a dzimeke eka swona timhandze ta Axera, ni tindhawu leti a nga yimisa eka tona swifaniso swa swikwembu swa hava.

Eksoda 34:13

Mi ta hindzimuxa tialitari ta vona, mi fayetela ni maribye ya vukhongeri bya vona bya hava, mi tsemelela ni timhandze ta Axera xikwembukazi xa vona.

Yeremiya 3:6

Enkarhini wa ku fuma ka hosi Yosiyasi, HOSI Xikwembu xi vulavurile na mina xi ku: “Xana u vonile hilaha Israele, munhu wo ka a nga tshembekanga, a hanyeke hakona xana? Ú tlhandlukele eswitsungeni hinkwaswo, a etlela ehansi ka nsinya wun'wana ni wun'wana lowu tlhumeke, a endla swa vunghwavava bya yena kona.

Yeremiya 3:23

Hakunene vukhongeri bya hava bya le switsungeni bya kanganyisa; leswi va swi endlaka etintshaveni i huwa ntsena. Ku ponisiwa ka hina Vaisraele ku huma ka wena hakunene, wena HOSI Xikwembu xa hina.

Duteronoma 12:2

Mi fanele ku herisa swivandla hinkwaswo leswi vanhu va tinxaka leti mi nga ta ti tekela tiko a va gandzela swikwembu swa vona eka swona; mi swi herisa swi nyamalala hambi swi ri ehenhla ka tintshava, kumbe eswitsungeni, kumbe ehansi ka murhi wun'wana ni wun'wana lowu tlhumeke; swi heriseni swi nyamalala!