Yeremiya 17:11 - BIBELE Mahungu Lamanene

¹¹ Munhu loyi a kumaka rifuwo hi ndlela yo homboloka, ú fana ni n'hwari leyi fukamelaka matandza lama nga riki ya yona; rifuwo ra kona a ri nga hlweli ku dzudzeka, eku heteleleni ú ta hundzuka xiphukuphuku.

Xitsonga (Bibele)

¹¹ Loyi a hlengeletaka rifuwo hi mukhuva lowu nga lulamangiki, i n'hwari leyi fukamelaka leswi nga tshikeriwangiki hi yona; exikarhi ka masiku ya yena u ta swi tshika, kutani eku heleni ka yena, u ta va xihunguki.

Yeremiya 17:11 Referans Kwoze

Swivuriso 28:20

Loyi a tshembekaka, ú ta kateka ngopfu, kambe loyi a lavaka ku fuma hi siku rin'we, a nge poni, ú ta biwa.

Swivuriso 21:6

Xuma lexi kumiweke hi ndlela ya vuxisi, xi dzudzeka ku fana ni mberha, i ntlhamu lowu vangelaka rifu.

Yeremiya 22:17

Kasi wena u langutela ni ku anakanya ntsena ku tikumela rifuwo; u fuma vanhu hi tihanyi, u va xanisa, u dlaya lava nga riki na nandzu.”

Yeremiya 22:13

Ú ni khombo munhu loyi a tiakelaka muti hi tindlela leto homboloka, loyi a wu kurisaka a ri karhi a tlula nawu: Ú sindzisa van'wana ku n'wi tirhela a nga va hakeli, a va tsona muholo wa vona!

Swivuriso 28:8

Munhu loyi a engetelelaka rifuwo ra yena hi ku lava ntswalo wa mali leyi a yi lombiseke, rifuwo rero, ú ri hlengeletela loyi a nga ni tintswalo eka swisiwana.

Swivuriso 15:27

Munhu loyi a nga ni makwanga, ú vangela muti wa yena ekhombo, kambe loyi a alaka ku xaviwa, ú ta hanya.

2 Petro 2:14

Va ni mahlo lama taleke hi vuoswi, lama nga ni torha ra swidyoho. Va rhiya mimoya leyi nga tiyangiki. Va ni timbilu leti toloveleke makolo. I vanhu lava rhukaniweke hi Xikwembu.

Tito 1:11

Swa fanela leswaku volavo va miyetiwa, hikuva va kokela kule vanhu hinkwavo va mindyangu yin'wana, va dyondzisa leswi va nga fanelangiki ku swi dyondzisa, hi ku navela rifuwo ro homboloka.

Sofoniya 1:9

Hi siku rero, ndzi ta ba hinkwavo lava chavaka ku khandziya xihukuva xa yindlu ya n'wini wa vona, kambe va nga chavi ku nghenisa endlwini leyi leswi va swi kumeke hi tihanyi ni vuxisi.”

Swivuriso 28:22

Munhu wo tsonana, ú tsutsumela rifuwo, kambe a nga swi tivi leswaku vusiwana byi n'wi kongomile.

Swivuriso 13:11

Rifuwo leri kumiwaka hi siku rin'we, a ri hlweli ku dzudzeka, kasi leri taka hi kutsongo-tsongo, ra khomelela.

Pisalema 55:23

We Xikwembu, u ta va hoxa ekheleni ra rifu; vanhu lava vo tsakela ku halata ngati ni ku kanganyisa, va ta hunguteriwa malembe ya vona ya ku hanya, kambe mina ndzi ta titshembela wena ntsena.

Luka 12:20

Kambe Xikwembu xi ku ka yena: ‘Wee xihunguki! Hi vusiku byebyi, u ta tekeriwa moya wa wena; kutani leswi u swi lunghiseke swi ta va swa mani xana?’ ”

2 Petro 2:3

Kutani, hikwalaho ka makwanga ya vona, va ta mi dyelela hi marito ya vona ya vuxisi. Ku sukela khale, ku avanyisiwa ka vona a ku yimanga, ni ku lova ka vona a ku etlelanga.

1 Timotiya 6:9

Kambe lava navelaka rifuwo, va wela endzingweni, emintlhan'wini ya ku navela leswo tala leswi nga pfuniki nchumu, ku nga ku navela loku ku dlayisaka vanhu, ni ku va peta ekhombyeni ni le ku loveni.

Matewu 23:13

“Mi ni khombo n'wina vatsari ni Vafarisi, hikuva mi vakanganyisi: Mi alela vanhu ku nghena eMfun'weni wa matilo. N'wina a mi ngheni eka wona, naswona lava ringetaka ku nghena ma va sivela. [

Malakiya 3:5

HOSI ya matimba hinkwawo yi ri: “Ndzi ta ta exikarhi ka n'wina ndzi ta mi avanyisa; ndzi ta hatla ndzi boxa nandzu wa vangoma ni wa lava endlaka vuoswi, ni wa lava hlambanyaka hi mavunwa; ndzi ta ba lava nga hakeriki vatirhi va vona hi fanelo, lava xanisaka tinoni ni swisiwana, ni lava hlongolaka valuveri. Ndzi ta avanyisa hinkwavo lava alaka ku ndzi komba xichavo.”

Zakariya 5:4

HOSI ya matimba hinkwawo yi vurisa sweswo yi ri: “Buku leyi, ndzi ta yi rhumela, yi ta ya nghena emutini wa munhu loyi a yivaka, yi tlhela yi nghena emutini wa loyi a hlambanyaka mavunwa hi vito ra mina, kutani yi ta tshama emutini wolowo, yi tlhela yi herisa hinkwaswo leswi nga ka wona, ku katsa ni timhandze ni maribye.”

Mikiya 7:3

Loko va endla leswo biha, va tikarhata swinene, vafumi va lerisa, vaavanyisi va lava ku xaviwa, lavo chaviseka va vula leswi va tsakelaka swona, kutani hinkwavo va pfunana ku luka mano.

Mikiya 2:9

Vavasati va tiko ra mina, ma va hlongola, va huma tindlwini ta vona to saseka, mi tekela vana va vona ndzhaka leyi ndzi va nyikeke yona, mi nga ha va tlheriseli.

Amosi 3:10

HOSI yi vula sweswo yi ri: “Vanhu va Samariya a va swi tivi ku endla leswo lulama, va tata tindlu ta vona ta vuhosi hi swilo leswi va swi kumeke hi tihanyi ni vuxisi.”

Swivuriso 28:16

Murhangeri wo pfumala ku twisisa, ú andzisa maxangu, kasi loyi a alaka ku xaviwa, ú andzisa masiku ya yena ya ku hanya.

Swivuriso 23:5

rifuwo a ri hlweli ku nyamalala, ri hatla ri mila timpapa, ri haha ku fana ni gama, ri ya henhla.

Pisalema 49:13

Leyi hi yona ndlela ya lavo titshemba ngopfu, lava tsakelaka rifuwo ra vona va ta herisa sweswo.

Yeremiya 6:13

Hinkwavo va lava ngopfu mali, ku sukela eka lavatsongo ku ya fika eka lavakulu. Vaprofeta ni vaprista hinkwavo va hanya hi vukanganyisi.

Yeremiya 8:10

“Ndzi ta nyiketa vasati va vona eka vanhu van'wana, masimu ya vona ma ta nyiketiwa eka lava va va hlaselaka. Hinkwavo va lava ngopfu mali, ku sukela eka lavatsongo ku ya fika eka lavakulu. Vaprofeta ni vaprista hinkwavo va hanya hi vukanganyisi.

Ntirho 20:21

Loko a dya, a nga siyeli mundzuku, rifuwo ra yena ri ta hatla ri dzudzeka.