Yeremiya 16:7 - BIBELE Mahungu Lamanene

⁷ Emutini wa nkosi a ku nga swekiwi swakudya, hambi swakunwa a va nga nwi. Lava rilaka, ngopfu ngopfu lava feriweke hi vatswari, a va nga tiyisiwi hi swakudya kumbe swakunwa.

Xitsonga (Bibele)

⁷ Kambe a ku na un'we wa vona la nga ta phemeriwa vuswa bya xirilo ku chaveleriwa hikwalaho ka mufi wa yena, kambe va nga ka va nga nwisiwi ndzheko wa ku chavelela hikwalaho ka tata wa vona, kumbe mana wa vona.

Yeremiya 16:7 Referans Kwoze

Hosiya 9:4

Kona kwale, a va nga ha koti ku humesela HOSI Xikwembu vhinyo ya magandzelo; ni ku xi tsakisa hi ku xi tlhavela swifuwo, a va nga ha swi koti. Xinkwa xa vona xi ta fana ni xa le nkosini, hinkwavo lava nga ta dya xona va ta nyamisiwa; xinkwa xa kona xi ta va xo dya ntsena, a va nga ha xi yisi endlwini ya HOSI Xikwembu.

Ezekiele 24:17

Hambi u twa ku vava, tikhome u miyela; u nga byewuli misisi kumbe ku hluvula tintanghu, u nga tifunengeti ni xikandza, naswona u nga dyi swa nkosi!”

Duteronoma 26:14

A hi dyanga swa vukhume hi ri karhi hi rila nkosi kumbe ku swi humesa emitini ya hina hi nga tenganga, naswona a hi phahlanga va le hansi ha swona. We HOSI Xikwembu xa hina, hi yingisile leswi u hi byeleke swona, hi tirhile hilaha u hi leriseke hakona, hi nga siyi nchumu.

Ntirho 42:11

Kutani vamakwavo hinkwavo va xinuna ni va xisati, ni hinkwavo lava va n'wi tiveke ku sukela khale, va ta emutini wa yena, va n'wi endlela nkhuvo, va ri karhi va n'wi puta vusiwana ni ku n'wi chavelela, hikwalaho ka makhombo lawa HOSI Xikwembu xi n'wi vangeleke wona. Un'wana ni un'wana a n'wi nyika malinyana ni xingwavila xa nsuku.

Eklesiasta 4:1

Kutani ndzi engeta ndzi vona hilaha vanhu va xanisanaka hakona emisaveni: Langutani mihloti ya vaxaniseki, ku hava loyi a va miyetaka; a va tweriwi vusiwana, hikuva vaxanisi va ni matimba.

Yeremiya 22:10

Loyi a feke, mi nga n'wi rileli, mi nga n'wi tlhaveli mukhosi; kambe rilelani loyi a fambaka, hikuva a nga ka a nga ha vuyi, a nge he voni tiko leri a velekiweke eka rona.

Swirilo 1:9

Thyaka ra yena a ri ri etingubyeni, kambe a nga anakanyanga leswaku ú ta avanyisiwa; hikokwalaho ku wa ka yena ka chavisa, ú pfumala ni loyi a n'wi tiyisaka. Yerusalema ú ri: “We HOSI, vona nhlomulo wa mina, hikuva nala wa khana, ú hlurile.”