Yeremiya 16:5 - BIBELE Mahungu Lamanene

⁵ “Mina HOSI ndzi ri: U nga ha yi laha ku nga ni nkosi, u nga tshuki u ya rila na vona kumbe ku va chavelela, hikuva vanhu lava a ndza ha ri na mhaka na vona, a ndza ha va rhandzi, a ndza ha lavi ku va twela vusiwana.

Xitsonga (Bibele)

⁵ Hikuva, Yehovha u vula a ku: “U nga tshuki u nghena endlwini ya nkosi, u nga tshuki u ya eka vona ku ya rila na vona, ni loko ku ri ku va twela vusiwana; hikuva ndzi susile ku rhula ka mina ehenhla ka tiko leri, ku vula Yehovha, ni tintswalo ni ku tsetselela ka mina.

Yeremiya 16:5 Referans Kwoze

Esaya 27:11

Loko marhavi ya kona ma ta va ma omile, ma ta tshoveka ma wa, kutani vavasati va ta tshivela ndzilo ha wona. Vanhu lava a va twisisi, hikokwalaho muendli wa vona a nge va tweli vusiwana, a nga ka a nga va tsetseleli, muvumbi wa vona.

Duteronoma 31:17

Loko vo endla sweswo, ndzi ta va hlundzukela swinene, ndzi va tshika, ndzi nga ha vi na mhaka na vona, kutani va ta herisiwa. Va ta humelela hi leswo biha ni makhombo layo tala, va kondza va ku: ‘Hi humeleriwa hi makhombo lawa hikuva HOSI Xikwembu a xa ha ri kona exikarhi ka hina.’

Nhlavutelo 6:4

Kutani hanci yin'wana yi huma; a yi ri yo tshwuka; mugadi wa yona a a nyikiwile matimba yo pfuxa tinyimpi emisaveni, leswaku vanhu va dlayana; a a nyikiwile ni tlhari lerikulu.

Zakariya 8:10

Eminkarhini ya khale, vanhu ni swifuwo swa vona a va tirha mahala va nga kumi hakelo; a va chava ku famba-famba hikwalaho ka valala, hikuva a ndzi endlile leswaku vanhu va vengana.

Pisalema 25:6

We HOSI, u nga rivali ku ndzi komba tintswalo ta wena ni rirhandzu ra wena, hikuva swi vile kona ku sukela ni khale.

Yeremiya 12:12

Vahlaseri va tile hi le switsungeni leswi omeke swa le mananga, va rhumiwa hi HOSI Xikwembu ku herisa vanhu va xona hi matlhari, ematlhelweni hinkwawo ya tiko, ku ri hava na un'we loyi a ponaka.

Yeremiya 13:14

Ndzi ta va fayetela ku fana ni majomela loko ma bananisiwa, tatana ni n'wana va ta fa enkarhini wun'we. A ndzi nga va tsetseleli; ndzi ta va herisa ndzi nga va tweli vusiwana. Ndzi vula sweswo mina HOSI!’ ”

Yeremiya 16:13

Hikokwalaho ndzi ta mi hlongola mi suka etikweni leri. Ndzi ta mi yisa etikweni leri n'wina ni vatata wa n'wina mi nga ri tivangiki; kutani kona mi ta tirhela swikwembu swimbe vusiku ni nhlekanhi, hikuva a ndzi nga mi tweli vusiwana.’ ”

Swirilo 3:17

ú ndzi pfumata ku rhula emoyeni, ndzi rivele ni leswaku ku tsaka swi vula yini!