Yeremiya 16:4 - BIBELE Mahungu Lamanene

⁴ Va ta dlawa hi mintungu, ku ri hava la rilaka nkosi wa vona. A va nga lahliwi esirheni, kambe va ta fana ni vulongo lebyi cheriweke emasin'wini. Va ta dlawa hi matlhari ni tindlala, mintsumbu ya vona yi dyiwa hi makoti ni swiharhi swa nhova.

Xitsonga (Bibele)

⁴ “Va ta fa hi rifu lero biha, va nga ka va nga rileriwi, ni ku yimberiwa va nga ka va nga yimberiwi; kutani va ta va vulongo ehenhla ka misava. Va ta dlawa hi fumu ni ndlala, kambe mitsumbu ya vona yi ta dyiwa hi tinyanyana ta le henhla, ni swivandzana swa misava.”

Yeremiya 16:4 Referans Kwoze

Yeremiya 25:33

“Enkarhini wolowo, mintsumbu ya lava ndzi nga ta va ndzi va dlele mina HOSI yi to n'wálálálá, hinkwako etikweni! A va nga riliwi, naswona a va nga hlengeletiwi va lahliwa emasirheni; va ta fana ni vulongo loko byi cheriwile emasin'wini.

Pisalema 83:10

va nga valala lava u va hlaseleke emutini wa Eni-Dori, lava mintsumbu ya vona yi boleleke kona.

Yeremiya 9:22

HOSI Xikwembu xi ndzi lerisile ku vula rito ra xona leri nge: “Mintsumbu yi to n'wálálálá ehansi, yi fana ni vulongo lebyi cheriweke emasin'wini, kumbe mavele lama nga tshikiwa hi vatshoveri, ma nga hlengeletiwi hi munhu.”

Sofoniya 1:17

HOSI Xikwembu xi ri: “Vanhu, ndzi ta va vangela maxangu, va ta famba, onge va lo fa mahlo, ngati ya vona yi ta halateriwa ehansi, ni mintsumbu ya vona yi ta cukumetiwa etaleni, hikuva va ndzi dyoherile mina HOSI.”

Yeremiya 34:20

Ndzi ta va nyiketa emavokweni ya valala va vona lava navelaka ku va dlaya. Mintsumbu ya vona yi ta dyiwa hi makoti ni swiharhi swa nhova.

Yeremiya 7:33

Mintsumbu ya kona yi ta dyiwa hi makoti ni swiharhi swa nhova, ku ri hava loyi a swi hlongolaka.

Esaya 18:6

Na yona mintsumbu hinkwayo ya Vaetiyopiya yi ta nyiketiwa eka makoti ya le tintshaveni ni ka swiharhi swa nhova; yi ta dyiwa hi makoti enkarhini wa ximumu, swiharhi swi ta yi dya enkarhini wa xixika.”

Ezekiele 5:12

Ndzi ta mi avanyisa hi mintlawa minharhu: Vanhu va ntlawa wo sungula va ta fa hi mintungu, va dlayiwa hi tindlala exikarhi ka n'wina. Va ntlawa wa vumbirhi va ta dlayiwa etinyimpini loko valala va hlasela muti wa n'wina. Kutani va ntlawa wo hetelela, ndzi ta va hangalasa va ya ematlhelweni hinkwawo ya misava, kutani ndzi ta hlomula fumu ra mina ndzi va hlongorisa.

Yeremiya 44:27

Vanhu lava, ndzi ta hatla ndzi va vangela makhombo, ematshan'wini ya ku va katekisa. Vavanuna hinkwavo va ka Yuda lava nga tikweni ra Egipta, va ta dlawa hi matlhari ni tindlala va kondza va hela.

Yeremiya 36:30

Mina HOSI ndzi vula leswi ehenhla ka Yoyakimi hosi ya Yuda, ndzi ri: A ku nga vi na un'we wa ka vona loyi a nga ta tshama exiluvelweni xa Davhida. Ntsumbu wa Yoyakimi wu ta cukumetiwa ehandle, wu tshwa hi dyambu ninhlekanhi, nivusiku wu wela hi xirhami.

Yeremiya 34:17

Hikokwalaho mina HOSI ndzi ri, a mi ndzi yingisanga, hikuva a mi ntshunxanga varikwenu, a mi humesanga vamakwenu evuhlongeni. Kutani yingisani, mina HOSI ndzi ta mi nyiketa ku dlawa hi matlhari ni mintungu ni tindlala. Vanhu va matiko hinkwawo va ta vona khombo ra n'wina lero chavisa.

Esaya 5:25

Vukari bya HOSI Xikwembu bya pfurha ehenhla ka vanhu va xona; xi tlakusile voko ra xona, xi ta va ba xi va dlaya; tintshava ti ta ninginika, mintsumbu ya vona yi ta ku, n'wálálálá, emagondzweni. Hambiswiritano vukari bya xona a byi nga tlheli, xa ha ta tlakusa voko ra xona, xi va ba.

Pisalema 78:64

Vaprista va ka vona va fe hi tlhari, kambe tinoni ta vona a ti va rilanga.

2 TIHOSI 9:10

Loko a ri yena Yezabele, timbyana ti ta n'wi dya emasin'wini ya le Yizriele. A nga ka a nga lahliwi hi munhu.’ ” Kavaloko jaha ri pfula rivanti ri tsutsuma.

Yeremiya 44:12

Masalela ya va ka Yuda lava hlawuleke ku ya tshama etikweni ra Egipta, va ta fela kona hinkwavo, va nyamalala. Va ta dlawa hi matlhari ni tindlala, ina va ta dlawa hinkwavo hi matlhari ni tindlala, lavakulu ni lavatsongo. Vanhu va ta va rhuketela va va nyenya; va ta va sandza va va hlekula.

Duteronoma 28:26

Mintsumbu ya n'wina yi ta hundzuka swakudya swa tinyanyana hinkwato ni swiharhi, ku ta pfumaleka ni munhu wo swi hlongola.

Yeremiya 19:7

Exivandleni xexo, ndzi ta herisa makungu ya vanhu va Yerusalema ni ya va ka Yuda, kutani ndzi va nyiketa eka valala va vona va nga vanhu va tihanyi, leswaku va va dlaya hi matlhari; mintsumbu ya kona ndzi ta yi endla swakudya swa makoti ni swiharhi swa nhova.

Swirilo 4:9

Lava dlayiweke hi tlhari, va katekile ku tlula lava dlayiweke hi ndlala, va nga lava sikeke va ondza hi ku pfumaleka ka swakudya.

Ezekiele 24:21

Hikokwalaho, yingisani n'wina Vaisraele! HOSI N'wini wa hinkwaswo ú ndzi byerile ku mi fikisela mahungu ya yena lawa ya nge: ‘Tempele ya mina, yona leyi mi tiyaka ni ku tidzunisa ha vona, yona leyi mi yi rhandzaka swinene ni ku yi anakanya minkarhi hinkwayo, ndzi ta yi onha. Vana va n'wina va xinuna ni va xisati lava saleke eYerusalema, va ta dlawa hi matlhari.

Duteronoma 28:22

HOSI Xikwembu xi ta mi rhumela vuvabyi bya xifuva, ni dari, ni ndzhumbelo, ni ku hisa ka miri; xi ta mi rhumela ni dyandza leri nga ta hisa swimilana, kumbe tshone leri ri nga ta swi borisa. Swilo leswi a swi nga mi tshiki, mi kondza mi hela.

Yeremiya 21:6

Lava akeke emutini lowu ndzi ta va dlaya hi ntungu lowukulu, ndzi dlaya ni swifuwo swa vona.