Yeremiya 16:21 - BIBELE Mahungu Lamanene

²¹ HOSI Xikwembu xi ri: “Enkarhini lowu, ndzi ta tivisa vanhu va tinxaka timbe matimba ya mina lamakulu, ndzi va komba wona, kutani va ta tiva leswaku vito ra mina, hi mina HOSI!”

Xitsonga (Bibele)

²¹ “Hikwalaho-ke, langutani sweswi ndzi ta va tivisa voko ra mina ni matimba ya mina, kambe ndza ha ta va tivisa swona; kutani va ta tiva leswaku vito ra mina i Yehovha.”

Yeremiya 16:21 Referans Kwoze

Pisalema 9:16

HOSI yi titivisile, hi ku avanyisa ka yona loku lulameke: Lavo homboloka va phasiwile hi swiendlo swa vona vinyi.

Yeremiya 33:2

“HOSI Xikwembu lexi endlaka makungu, lexi vumbeke misava xi tlhela xi yi tiyisa, vito ra xona i HOSI, kutani xi vurisa sweswo xi ri:

Pisalema 83:18

Kutani vanhu va ta tiva leswaku hi wena ntsena u vuriwaka HOSI, wena Xikwembu lexi nga henhla-henhla, lexi fumaka misava hinkwayo.

Amosi 5:8

Loyi a vumbeke Xirimela na Mahlahle, a hundzula xinyami xi va ku vonakala ka mixo, a tlhela a hundzula nhlekanhi wu va vusiku, loyi a vitanaka mati ya lwandle a ma humesa, a cheleta misava ha wona, vito ra yena i HOSI.

Esaya 43:3

hikuva mina HOSI Xikwembu xa n'wina, Muhlawuleki wa Israele, ndzi muponisi wa n'wina; ndzi ta mi kutsula hi ku nyiketa Vaegipta, ni Vaetiyopiya ni va le Seba eka valala va n'wina.

Eksoda 15:3

HOSI i nhenha hakunene, vito ra yona i HOSI Xikwembu.

Ezekiele 25:14

Vaisraele vona vanhu va mina, va ta va voko ra mina loko ndzi tirihisela eka va le Edomu. Vaisraele va ta endla leswi ndzi va lerisaka swona eku hlundzukeni ka mina lokukulu, kutani va le Edomu va ta tiva leswaku ndzi tirihisela hi mukhuva wihi! Ndzi vula sweswo mina HOSI N'wini wa hinkwaswo.”

Ezekiele 24:27

Kutani nomo wa wena wu ta pfuleka, u ta hlamulana ni munhu loyi u nga siveriwi hi nchumu. Hi mukhuva lowu, u ta va xitsundzuxo eka vanhu va mina, kutani vona va ta tiva leswaku HOSI Xikwembu, hi mina!”

Ezekiele 24:24

Kutani mina HOSI ndzi ri: Leswi humeleleke eka Ezekiele i xitsundzuxo eka n'wina. Mi fanele ku landza maendlele ya yena hinkwawo. Loko swilo leswi swi mi wela, mi ta tiva leswaku HOSI N'wini wa hinkwaswo, hi mina!’ ”

Ezekiele 6:7

Loko mintsumbu yi ta ku n'walálálá, exikarhi ka n'wina, mi ta pfumela leswaku HOSI hi mina!’

Eksoda 14:4

Mina ndzi ta nonon'hwisa mbilu ya Faro, kutani ú ta landza Vaisraele; hi ndlela leyi, ndzi ta dzunisiwa swinene, hi mhaka ya leswi swi nga ta humelela eka Faro ni mavuthu ya yena; naswona Vaegipta va ta tiva leswaku hi mina ndzi nga HOSI.” Kutani Vaisraele va endla hilaha va lerisiweke hakona.

Eksoda 6:3

Loko ndzi tikombile eka Abrahama, ni le ka Isaka, ni le ka Yakobo, a ndzi tivula ‘Xikwembu-xa-matimba-hinkwawo’; kambe a ndzi titivisanga eka vona hi vito ra mina ra ‘HOSI’.