Yeremiya 16:16 - BIBELE Mahungu Lamanene

¹⁶ HOSI Xikwembu xi ri: “Yingisa, ndzi le ku rhumeni ka vaphasi va tinhlampfi, va ta kukuta Vaisraele. Lava nga ta pona, ndzi ta va rhumela vahloti va ya va hlota hinkwako, etintshaveni ni le swintshabyanini ni le mabakweni ya maribye.

Xitsonga (Bibele)

¹⁶ “Vonani, ndzi ta vitana vaphasi lavo tala, ku vula Yehovha, kutani va ta va phasa; kambe ndzhaku, ndzi ta rhuma vahloti lavo tala, va ta va hlota etintshaveni hinkwato ni le switsungeni hinkwaswo ni le mabakweni ya maribye.

Yeremiya 16:16 Referans Kwoze

Amosi 4:2

Leswi HOSI N'wini wa hinkwaswo a kwetsimeke, ú hlambanyile a ku: ‘Vonani siku ra n'wina ra ta, leri va nga ta mi koka hi swiove va famba na n'wina, va koka ni masalela ya n'wina hi swinjovo.

Mikiya 7:2

Emisaveni, a ka ha ri na munhu wa vukhongeri, ku pfumaleka na un'we wo lulama exikarhi ka vanhu; hinkwavo va tshama va tilulamisele ku halata ngati, un'wana na un'wana ú hlota munhu-kulobye, a n'wi khayimela entlhan'wini.

1 SAMIELE 26:20

Hikokwalaho, u nga ndzi tshiki ndzi ya dlawa etikweni ra vanhu vambe, kule ni mombo wa HOSI Xikwembu! Wena hosi ya Vaisraele, u hlomile matlhari ku ta dlaya dzedze ro fana na mina! Wa ndzi hlota, wonge hi loko ndzi ri n'hwari ya le tintshaveni!”

Genesa 10:9

Emahlweni ka HOSI Xikwembu, Nimrodo a a tiveka a ri muhloti lonkulu. Hikokwalaho ku hume xivuriso lexi nge: “Ú fana na Nimrodo, muhloti lonkulu emahlweni ka HOSI Xikwembu.”

Yeremiya 25:9

sweswi ndzi ta rhamba vanhu va tinxaka hinkwato ta le n'walungwini, ndzi rhamba ni nandza wa mina Nebukadnetsara hosi ya Babilona, ndzi va lerisa ku ta va ta hlasela tiko leri ni vaaki va rona, ni matiko hinkwawo lama vandzakaneke na vona. Hinkwavo ndzi ta va herisela makumu, ndzi va hundzula xikombiso lexi chavisaka; vanhu va ta hlakahla tinhloko, va nga tshiki ku va monya.

Amosi 5:19

Swi ta fana ni loko munhu a tsutsuma nghala, a ya hlangana ni xinkankanka, kutani loko a tsutsumela endlwini, a khegela khumbi hi voko, nyoka yi n'wi luma.

1 SAMIELE 24:11

Languta tatana, languta xichupu xa le makumu ka xiambalo xa wena, lexi ndzi xi tameleke. Leswi ndzi tsemeke xichupu lexi ndzi nga ku dlayi, u nga tiva ni ku vona leswaku mina a ndzi na makungu ya ku ku endla swo biha kumbe ku ku hundzukela; naswona a ndzi ku dyohelanga, kambe wena u le ku ndzi hloteni, u lava ku ndzi dlaya!

Esaya 2:21

Vanhu vona va ta nghena emabakweni ya maribye, ni le makocokocweni ya tintshava, va tumbela vukari bya HOSI Xikwembu, ni ku kwetsima ka xona lokukulu, loko xi humelela xi ta chavisa vanhu emisaveni.

Esaya 7:19

Kutani hinkwaswo swi ta ta, swi fika swi phatsametela eminkoveni ni le mabakweni ya maribye, swi phatsama ni le swihlahleni hinkwaswo ni le madyelweni hinkwawo ya swifuwo.

Yeremiya 4:29

Vaaki va muti wun'wana ni wun'wana va tsutsuma, va ya tumbela loko va twa huwa ya vagadi va tihanci ni ya vacopi va miseve. Va nghena emabakweni, va ya tumbela eswihlahleni, va khandziya tintshava va ya tshama emakocokocweni. Miti hinkwayo yi tshikiwile, a ka ha ri na munhu loyi a tshamaka eka yona.

Yeremiya 6:9

HOSI ya matimba hinkwawo yi vurisa sweswo yi ri: “Khwajani masalela ya Vaisraele mi va hlengeleta, mi fana ni vatshoveri loko va phendla-phendla marhavi, va nga siyi nchumu emirhini ya vhinya.”

Yeremiya 49:5

Kambe yingisani, ndzi ta mi vangela makhombo layo chavisa, ma tisiwa hi matiko lawa ya mi rhendzeleke. Ndzi vurisa sweswo mina HOSI ya matimba hinkwawo, N'wini wa n'wina. Va ta mi hangalasa, mi ku bàmféé! Mi ta tsutsuma, mi nga ha hlengeletiwi.

Swirilo 4:18

Valala va hi hlota, kutani hi tsandzeka ni ku famba-famba emagondzweni; ku hela ka hina ku tshinele, masiku ya hina ma hela, nkarhi wa ku herisiwa ka hina wu fikile.

Hosiya 10:10

Ndzi ta ta ndzi ta tshinya vanhu lava vo kala tindleve, matiko ma ta hlengeletana ma lwa na vona enkarhini lowu va nga ta tshinyeriwa milandzu ya vona mimbirhi.

Sofoniya 1:12

Enkarhini lowu, ndzi ta teka rivoni ndzi lavisisa hinkwako emutini wa Yerusalema, ndzi ko ndzi kuma lava titshembaka, lava tshamaka va xurhile vhinyo, lava vulavulaka va ku: ‘HOSI Xikwembu xi nge endli nchumu, xo biha kumbe xo saseka!’

Swirilo 4:19

Lava va hi hlongorisaka va ni rivilo, va siya ni magama; va hi hlongorisa etintshaveni, va hi tumbelela emananga.