Yeremiya 16:12 - BIBELE Mahungu Lamanene

¹² N'wina mi lo ya emahlweni mi dyoha, mi tlula ni vatata wa n'wina. Un'wana ni un'wana exikarhi ka n'wina ú endla leswi humaka enhlokweni ya yena, a ala ku ndzi yingisa.

Xitsonga (Bibele)

¹² Kambe n'wina mi endla mitirho leyo biha ku tlula vatata wa n'wina; kutani mi famba un'wana ni un'wana eku tinonon'hwiseni ka mbilu leyo biha ya yena, leswaku mi nga ti ndzi yingisa.

Yeremiya 16:12 Referans Kwoze

Yeremiya 13:10

Vanhu lava vo homboloka va ala ku yingisa marito ya mina; va tiomisa tinhloko, kutani va endla leswi timbilu ta vona ti va byelaka swona: Va tinyiketa eka swikwembu swin'wana, va swi khongela ni ku swi tirhela. Hikokwalaho, va ta fana ni vamba leri, leri ri nga ha pfuniki nchumu.

Yeremiya 7:26

Hambiswiritano n'wina a mi rhiyanga ndleve mi yingisa, mi lo nyanya ku tinonon'hwisa, mi endla leswo biha ku tlula ni vatata wa n'wina.

Yeremiya 9:14

Va tiomisile tinhloko, va endla leswi va swi rhandzaka, va tirhela swikwembu swa Baali hilaha vatata wa vona va va dyondziseke hakona.

Eklesiasta 9:3

Hinkwavo va wela hi swo fana, kutani exikarhi ka hinkwaswo leswi humelelaka laha misaveni, mhaka leyi yi bihile; naswona timbilu ta vanhu ti tele leswo biha, hinkwavo va hanya onge va ni rihuhe. Eku heteleleni, va ya exivandleni xa vafi.

Marka 7:21

hikuva endzeni, etimbilwini ta vanhu, hi kona ku humaka miehleketo leyo biha, ni vuphukuphuku, ni ku yiva, ni ku dlayana,

Yeremiya 7:24

Kambe vona a va rhiyanga ndleve va ndzi yingisa. Va endlile leswi timbilu ta vona leto nonon'hwa ti va byelaka swona, kutani va tlhelela endzhaku ematshan'wini ya ku ya emahlweni.

1 SAMIELE 15:23

hikuva ku tiarisa i xidyoho lexi fanaka ni ku hlahluva, kutani ku ala ku yingisa swi bihile ku fana ni vungoma ni vukhongeri bya hava. Leswi u tshikeke rito ra HOSI Xikwembu, na xona xi ta ku tshika, xi ku tekela vuhosi.”

Vaavanyisi 2:19

Kambe loko muavanyisi wa vona a fa, Vaisraele a va tlhelela endzhaku, va hanya hi ndlela yo biha ku tlula ni ya vatata wa vona, va landzelela swikwembu swin'wana, va swi tirhela ni ku swi nkhinsamela. A va tshikanga mahanyelo ya vona ni ku tinonon'hwisa ka vona.

Vaheveru 3:12

Vamakwerhu, tivoneleni leswaku ku nga vi na un'we exikarhi ka n'wina la nga ni mbilu yo biha, leyi nga riki na ku pfumela, kutani a hambukela kule ni Xikwembu lexi hanyaka.

2 Timotiya 3:13

naswona vanhu lavo biha ni vakanganyisi va ta ya emahlweni va nyanya ku biha, va ri karhi va xisa, na vona va xisiwa.

Yeremiya 17:9

“Miehleketo ya munhu ya kanganyisa, yi tshama yi borile! Yi nga tiva hi mani,

Eklesiasta 8:12

Munhu wo homboloka a nga ha hanya malembe layo tala, hambileswi a dyoheke ka dzana; kambe mina ndza swi tiva leswaku lava chavaka Xikwembu, va ta kateka hikwalaho ka vukhongeri bya vona.

Duteronoma 29:19

a nga munhu loyi, loko a twa marito ya ntwanano lowu wu tiyisiweke hi ku hlambanya, a tidzunisaka a ku: ‘Hambileswi ndzi tiarisaka, vutomi bya mina byi hlayisekile.’ Mhaka yo tano yi ta endla leswaku mi herisiwa hinkwenu, lavanene ni lavo biha.

Duteronoma 9:27

Vanhu lava, va rivalele ku tinonon'hwisa ka vona ni ku homboloka ka vona, ni ku dyoha ka vona. Tsundzuka malandza ya wena Abrahama na Isaka na Yakobo,

Genesa 8:21

Loko HOSI Xikwembu xi twa ku nun'hwela ka gandzelo ra kona, yi vulavula hi mbilu yi ku: “A ndzi nga ha tlheli ndzi rhuketela misava hikwalaho ka ku dyoha ka munhu, hambileswi munhu a ehleketaka swo biha ku sukela evuhlangini bya yena. Naswona a ndzi nga ha engeti ndzi herisa swivumbiwa leswi hanyaka, tani hilaha ndzi endleke hakona.

Genesa 6:5

Loko HOSI Xikwembu xi vona leswaku ku dyoha ka munhu i kukulu laha misaveni, ni leswaku makungu hinkwawo ya mbilu ya yena ma bihile minkarhi hinkwayo,

Yeremiya 18:12

Kambe vanhu lava va ri: ‘Sweswo a hi na mhaka na swona! Hi ta ya emahlweni ni makungu ya hina, hi tirha hi ri karhi hi tiomisa tinhloko, hi nonon'hwisa ni timbilu ta hina!’ ”

Swirilo 5:7

Vatata wa hina va dyohile, kambe sweswi a va ha ri kona, kutani hina hi rhwexiwa nandzu wa swidyoho swa vona.

Ezekiele 20:30

“Hikokwalaho u fanela ku byela Vaisraele leswaku mina HOSI N'wini wa hinkwaswo ndzi ri: Xana mi lava ku tinyamisa ku fana ni vatata wa n'wina, mi hambuka endleleni mi ya gandzela swilo leswi swa manyala xana?

Amosi 2:4

HOSI yi vurisa sweswo, yi ri: “Ndzi nga ka ndzi tshiki ku ba vanhu va le Yuda, hikuva va dyoha va vuyelela-vuyelela: Va tshikile nawu wa mina HOSI, ni swileriso swa mina a va swi hlayisanga; va hambukile va ya tirhela swikwembu swa hava, leswi vatata wa vona va swi tirheleke.

Malakiya 3:7

Ku sukela eminkarhini ya vatata wa n'wina, mi hambukile endleleni, mi tshika swiletelo swa mina, ni ku swi hlayisa a mi swi hlayisanga. Vuyelani eka mina, kutani na mina ndzi ta vuyela eka n'wina. Ndzi vula sweswo mina HOSI ya matimba hinkwawo. Kambe n'wina mi ndzi vutisa mi ku: ‘Xana hi nga vuyerisa ku yini?’

Yeremiya 22:28

Wanuna loyi Yoyakini, a nga ha pfuni nchumu, ú hundzukile xirhengele xa mbita leyi fayekeke, kumbe xibya lexi pfumalaka muhlayisi! Hikwalaho ka yini a tsuvuriwa etikweni ra yena, a susiwa yena ni vana va yena, va yisiwa etikweni leri va nga ri tiviki xana?