Yeremiya 15:4 - BIBELE Mahungu Lamanene

⁴ Vanhu lava, ndzi ta va hundzula xihlambanyiso lexo chavisa emahlweni ka vanhu va matiko hinkwawo, hikwalaho ka leswi Manase n'wana Hezekiya hosi ya Yuda a swi endleke eYerusalema.”

Xitsonga (Bibele)

⁴ Ndzi ta va nyiketa eku xanisekeni eku fumeni hinkwako ka misava, hikwalaho ka Manase, n'wana Hezekiya hosi ya Yuda, ni hikwalaho ka lexi a xi endleke eYerusalema.

Yeremiya 15:4 Referans Kwoze

Yeremiya 24:9

Ematikweni hinkwawo ndzi ta va hundzula xikombiso xo biha lexi chavisaka; hinkwako lomu ndzi nga ta va hangalasa va ya kona, ndzi ta va hlekurisa hi vanhu, ndzi va endla xihlambanyiso ni xihlekiso ni ndzhukano.

Yeremiya 29:18

Ndzi ta va xanisa hi tinyimpi ni tindlala ni mintungu. Ematikweni hinkwawo ya misava, ndzi ta va hundzula xikombiso lexi chavisaka, ndzi va endla ndzhukano ni xihlambanyiso, vahundzi va ndlela va ta hlakahla tinhloko va va monya, hinkwako laha ndzi nga ta va ndzi va hangalasele kona.

Ezekiele 23:46

HOSI N'wini wa hinkwaswo ú vurisa sweswo ú ri: “Va rhambele mavuthu ma ta va hlasela ma va phanghela swa vona, va hundzuka swilo swo chavisa.

Duteronoma 28:25

“HOSI Xikwembu xi ta mi nyiketa emavokweni ya valala va n'wina va mi hlula. Mi ta va yela mi xaxamerile, kambe mi ta tlhela hi ku tsutsuma mi hangalaka mi ku bàmfée! Khombo leri ri nga ta mi wela ri ta chavisa vanhu va matiko hinkwawo emisaveni.

Yeremiya 34:17

Hikokwalaho mina HOSI ndzi ri, a mi ndzi yingisanga, hikuva a mi ntshunxanga varikwenu, a mi humesanga vamakwenu evuhlongeni. Kutani yingisani, mina HOSI ndzi ta mi nyiketa ku dlawa hi matlhari ni mintungu ni tindlala. Vanhu va matiko hinkwawo va ta vona khombo ra n'wina lero chavisa.

2 TIHOSI 21:2

Manase a endla leswo biha emahlweni ka HOSI Xikwembu, hi ku landza swa manyala ya vamatiko lava hlongoriweke hi HOSI Xikwembu, loko Vaisraele va nghena etikweni.

Levhitika 26:33

Ndzi ta mi vangela tinyimpi, ndzi mi hangalasa mi ya tshama exikarhi ka vamatiko. Etikweni ra n'wina ku ta sala ku nga ha ri na munhu, miti ya n'wina yi ta hundzuka marhumbi.

Swirilo 1:8

Yerusalema ú dyohile ngopfu, hikokwalaho ú tole thyaka; hinkwavo lava khale a va n'wi xixima, namuntlha va n'wi sandza, hikuva va n'wi vona a nga ambalanga nchumu. Hambi yena hi yexe wa konya, a tlhela a languta hansi.

Yeremiya 9:16

Ndzi ta va hangalasa exikarhi ka vanhu lava va nga va tiviki, lava ni vatata wa vona va nga va tivangiki. Ndzi ta va heta hi tlhari va ku bì!”

Duteronoma 28:64

HOSI Xikwembu xi ta mi hangalasa ni matiko lama nga matlhelo hinkwawo ya misava. Loko mi ri kwale, mi ta tirhela swikwembu swin'wana leswi endliweke hi timhandze ni maribye, leswi mi nga swi tiviki, hambi vatata wa n'wina va nga swi tivangiki.

2 TIHOSI 21:1

Manase a a ri ni malembe ya 12 loko a sungula ku fuma, kutani a fuma malembe ya 55 a ri eYerusalema. Mana wa yena a a ri Hefesiba.

2 TIKRONIKA 33:1

Manase a a ri ni malembe ya 12 loko a sungula ku fuma, kutani a fuma malembe ya 55 a ri eYerusalema.

2 TIKRONIKA 33:2

A endla leswo biha emahlweni ka HOSI Xikwembu, hi ku landza swa manyala ya vamatiko lava hlongoriweke hi HOSI Xikwembu, loko Vaisraele va nghena etikweni.

Ezekiele 18:19

“N'wina vanhu mi ri: ‘Hikwalaho ka yini n'wana loyi a nga beriwi mintirho leyo homboloka ya tata wa yena xana?’ Nhlamulo hileswaku n'wana loyi ú endlile leswi nga swona, swi nga leswi lulameke; ú hlayisile milawu ya mina hinkwayo, a hanya ha yona; hikokwalaho ú ta kuma ku hanya hakunene.

2 TIHOSI 21:15

Hikuva va endlile leswo biha emahlweni ka mina; va ndzi hlundzukisile ngopfu, ku sukela loko vatata wa vona va humile etikweni ra Egipta, ku fikela namuntlha.’ ”