Yeremiya 15:3 - BIBELE Mahungu Lamanene

³ “Mina HOSI ndzi lerisile leswaku va herisiwa hi swilo swa mune: Va ta dlawa hi tlhari, timbyana ti kokakoka mintsumbu ya vona, tinyanyana ti yi dya, swiharhi swi hetisa!

Xitsonga (Bibele)

³ Ndzi ta veka eka vona makhombo ya tinxaka ta mune, ku vula Yehovha: ri ta va tlhari leri dlayaka, ni timbyana leti handzulaka ni makoti ya tilo, ni swivandzana swa matiko ku dya ni ku onha.

Yeremiya 15:3 Referans Kwoze

Duteronoma 28:26

Mintsumbu ya n'wina yi ta hundzuka swakudya swa tinyanyana hinkwato ni swiharhi, ku ta pfumaleka ni munhu wo swi hlongola.

Levhitika 26:22

Ndzi ta rhumela swiharhi swa nhova exikarhi ka n'wina, kutani swi ta mi hetela vana, swi mi dlayela ni swifuwo swa n'wina; ku ta sala vanhu va nga ri vangani, kutani mabudula ya n'wina a ma nga ha pfhumbi.

Levhitika 26:16

ndzi ta mi endla leswi: Ndzi ta mi rhumela swilo swo chavisa ngopfu; mi ta va ni vuvabyi bya xifuva ni dari, byi mi dlaya mahlo byi mi heta ni matimba. Mi ta rima swilo leswi n'wina mi nga ta ka mi nga swi dyi, swi ta dyiwa hi valala va n'wina.

Nhlavutelo 6:8

Ndzi languta, kutani ndzi vona hanci yo kwalala. Mugadi wa yona a a vuriwa “Rifu”, ni loyi va nge i “Tihele” a a n'wi landzelela. A va nyikiwile matimba ehenhla ka swa xiphemu xin'we xa mune xa misava, ku swi dlaya hi tlhari ni dyandza ni ntungu ni swiharhi swa nhova.

Ezekiele 14:21

HOSI N'wini wa hinkwaswo ú vurisa sweswo ú ri: “Hakunene ndzi ta ba muti wa Yerusalema hi swilo swa mune, ku nga matlhari ni tindlala ni swiharhi ni mintungu; swilo leswi swi ta dlaya vanhu ni swifuwo.

Levhitika 26:25

Leswi mi nga ta va mi tshovile ntwanano, ndzi ta rihisela hi ku mi rhumela tinyimpi. Loko mo ya mi ya hlengeletana emitini ya n'wina, ndzi ta mi vangela mintungu, mi tlhela mi nyiketiwa emavokweni ya valala va n'wina.

Yeremiya 7:33

Mintsumbu ya kona yi ta dyiwa hi makoti ni swiharhi swa nhova, ku ri hava loyi a swi hlongolaka.

Esaya 18:6

Na yona mintsumbu hinkwayo ya Vaetiyopiya yi ta nyiketiwa eka makoti ya le tintshaveni ni ka swiharhi swa nhova; yi ta dyiwa hi makoti enkarhini wa ximumu, swiharhi swi ta yi dya enkarhini wa xixika.”

Pisalema 68:23

N'wina mi ta hlamba milenge mi susa ngati ya vona leyi yi nga mi tlhambukela; timbyana ti ta dya mintsumbu ya vona!”

Yeremiya 12:9

Xana vahlawuriwa va mina va nga va va hundzukile bako ra timhisi, leri makoti ma hahaka kusuhi na rona xana? Fambani mi ya hlengeleta swiharhi hinkwaswo, mi ta na swona, swi ta dya!

Yeremiya 14:16

Hambi vona lava dyondzisiweke hi vaprofeta lava, va ta dlawa hi matlhari ni tindlala, va cukumetiwa emagondzweni ya Yerusalema, vona ni vasati va vona ni vana va vona va xinuna ni va xisati, va nga lahliwi hi munhu. Mintirho ya vona leyo homboloka, ndzi ta endla leswaku yi vuya hi vona.”

Yeremiya 16:4

Va ta dlawa hi mintungu, ku ri hava la rilaka nkosi wa vona. A va nga lahliwi esirheni, kambe va ta fana ni vulongo lebyi cheriweke emasin'wini. Va ta dlawa hi matlhari ni tindlala, mintsumbu ya vona yi dyiwa hi makoti ni swiharhi swa nhova.

Swirilo 3:11

Ú ndzi pfalerile tindlela, a ndzi handzulela, a ndzi siya ndzi nga ha pfuni nchumu.

Ezekiele 33:27

Naswona va byele leswaku mina HOSI N'wini wa hinkwaswo ndzi tiyisa hi ku hlambanya ndzi ri: Lava seleke emarhumbini va ta dlawa hi matlhari; lava nga nhoveni ndzi ta va tshika va dyiwa hi swiharhi; lava nga makocokocweni ni le mabakweni ya tintshava va ta dlawa hi mintungu.

Amosi 5:19

Swi ta fana ni loko munhu a tsutsuma nghala, a ya hlangana ni xinkankanka, kutani loko a tsutsumela endlwini, a khegela khumbi hi voko, nyoka yi n'wi luma.

Duteronoma 32:24

Ndlala yi ta va heta matimba, ku hisa ka miri ni mintungu leyi dlayaka swi ta va herisa; ndzi ta va rhumela swivandzana swi va kavatlulela, ni swikokovi leswa vuxungu swi ta va lumetela.

Yeremiya 14:12

Hambi va nga titsona swakudya, a ndzi nga yingisi swikhongelo swa vona. Loko va ndzi hisela magandzelo ya nyama kumbe ya mapa, a ndzi nga va amukeli, ndzi ta va herisa hi matlhari, ni tindlala, ni mintungu.”