Yeremiya 15:16 - BIBELE Mahungu Lamanene

¹⁶ Siku ndzi kumeke marito ya wena, ma hundzukile swakudya swa mina ma ndzi tsakisa; ndzi ma tsakerile hi mbilu hinkwayo, hikuva ndzi vuriwa munhu wa wena. We HOSI, Xikwembu xa matimba hinkwawo,

Xitsonga (Bibele)

¹⁶ Hikuva marito ya wena, loko ma ndzi kuma, ndzi tidyela wona, hikuva marito ya wena i ku rhula ni ku tsaka ka mbilu ya mina; hikuva ku khongeriwile vito ra wena ehenhla ka mina, wee Yehovha Xikwembu xa tinyimpi!

Yeremiya 15:16 Referans Kwoze

Ntirho 23:12

A ndzi tshikanga swileriso swa xona, ndzi hlayisile milawu ya xona leyi xi ndzi letelaka ha yona.

Pisalema 19:10

swi navetisa ku tlula ni nsuku, hambi wu ri lowo tala, lowu tengeke; swi tsokombela ku tlula ni vulombe, hambi byi ri lebyi tshonaka exihlengeni.

Pisalema 119:111

Switsundzuxo swa wena, ndza swi amukela minkarhi hinkwayo, hi swona swi ndzi tsakisaka.

Pisalema 119:97

Nawu wa wena ndzi wu rhandza ngopfu, siku hinkwaro ndzi le ku wu anakanyeni.

Pisalema 119:72

Eka mina, nawu lowu humaka enon'weni wa wena wu ni nkoka ku tlula mali yo tala ya nsuku ni silivhere.

Yeremiya 14:9

Hikwalaho ka yini u tiendla munhu wo tsemeka mavoko, kumbe nhenha leyi heleke matimba xana? Hakunene we HOSI, u kona exikarhi ka hina; hi vuriwa vanhu va wena; u nga hi tshiki!”

Ezekiele 2:8

Kambe wena u nga ali ku ndzi yingisa, u nga tshuki u fana ni vatiarisi lava, kambe u amukela leswi ndzi lavaka ku ku byela swona. Pfula nomo wa wena, u dya leswi ndzi ku nyikaka swona!”

Mikiya 2:7

Xana va ka Yakobo va rhuketeriwile hi Xikwembu xana? HOSI Xikwembu xa hela mbilu ke? Xi tirhisa sweswo ke? Xana marito ya xona a hi lawa ya pfunaka, loko munhu a hanya hi ndlela yo lulama xana?”

Nehemiya 8:12

Vanhu hinkwavo va twisisile marito lawa va byeriweke wona, kutani va muka va ya dya ni ku nwa, va tsaka swinene, va nyika ni lava va pfumalaka swakudya.

Pisalema 119:16

Ku yingisa milawu ya wena, eka mina i ntsako lowukulu, a ndzi nga rivali marito ya wena.