Yeremiya 15:11 - BIBELE Mahungu Lamanene

¹¹ HOSI Xikwembu xi hlamula xi ku: “Hakunene ndzi ta ku kutsula ndzi ku katekisa, kutani enkarhini wa khombo ni maxangu, ndzi ta endla leswaku valala va titsongahata eka wena.

Xitsonga (Bibele)

¹¹ Yehovha a ku: “Hakunene ndzi ta ku tumbuluxela vunene, ndzi ta endla leswaku valala va ta ku khongela hi siku ra khombo ni siku ra ku xaniseka.

Yeremiya 15:11 Referans Kwoze

Swivuriso 16:7

Munhu loyi HOSI Xikwembu xi tsakelaka vutomi bya yena, xi endla leswaku hambi va ri valala va yena, va hanyisana na yena hi ku rhula.

Pisalema 106:46

Xi endlile leswaku hinkwavo lava yiseke Vaisraele evukhumbini, va sungula ku va twela vusiwana.

Yeremiya 37:3

Hosi Sedekiyasi a rhuma Yehukali n'wana Xelemiya, na Sofoniya n'wana Maaseya, va ya eka muprofeta Yeremiya va fika va ku: “Hi khongelele eka HOSI Xikwembu xa hina!”

Eklesiasta 8:12

Munhu wo homboloka a nga ha hanya malembe layo tala, hambileswi a dyoheke ka dzana; kambe mina ndza swi tiva leswaku lava chavaka Xikwembu, va ta kateka hikwalaho ka vukhongeri bya vona.

Yeremiya 42:2

va fika va ku ka yena: “Hina masalela ya Israele, hi kombela leswaku u amukela xirilo xa hina, u hi khongelela eka HOSI, Xikwembu xa wena; wa swi vona hi wexe, khale a hi tele, kambe sweswi hi lo sala hi ri vanhu va nga ri vangani ntsena.

Yeremiya 21:2

“Hi kombela leswaku u hi vutisela timhaka eka HOSI Xikwembu, hikuva Nebukadnetsara hosi ya Babilona ú lwa na hina. Kumbexana HOSI Xikwembu xi nga hi lamulela hi tindlela ta xona leto hlamarisa, xi hlongola Vababilona.”

Swivuriso 21:1

Mbilu ya hosi i xinambyana xa mati lexi fambisiwaka hi HOSI Xikwembu, xi yi jikisela hinkwako lomu xi ku rhandzaka.

Pisalema 138:3

Siku leri ndzi huweleleke eka wena, u ndzi hlamurile, u ndzi pfunile ndzi ko ndzi tiya swinene.

Esaya 41:10

Mi nga chavi, hikuva ndzi na n'wina, mi nga rhurhumeli, hikuva ndzi Xikwembu xa n'wina; ndzi ta mi tiyisa, ndzi mi pfuna, ndzi mi hlulela valala hi voko ra mina.

Yeremiya 37:17

Kambe siku rin'wana, hosi Sedekiyasi a rhuma vanhu va ya teka Yeremiya, va vuya na yena entsindza; kutani Sedekiyasi a vitanela muprofeta endlwini ya yena, a vulavula na yena exihundleni, a n'wi vutisa a ku: “Xana u na wona mahungu lama humaka eka HOSI Xikwembu xana?” Yeremiya a hlamula a ku: “Ina, ma kona. Mahungu ya kona hileswaku wena u ta nyiketiwa eka hosi ya le Babilona!”

Yeremiya 38:14

Siku rin'wana, hosi Sedekiyasi a tlhela a rhuma vanhu ku ya vitana muprofeta Yeremiya, kutani a hlangana na yena kusuhi ni nyangwa ya vunharhu ya Tempele, a ku ka yena: “Ndzi lava ku tiva leswi HOSI Xikwembu xi ku byeleke swona. U nga ndzi fihleli mhaka ya kona!”