Yeremiya 14:7 - BIBELE Mahungu Lamanene

⁷ Vanhu va huwelela va ku: “We HOSI, hi dyohile emahlweni ka wena, hi tlhelele ndzhaku minkarhi yo tala, mintirho ya hina leyo biha ya hi mangalela. Hambiswiritano hi pfune hikwalaho ka vito ra wena.

Xitsonga (Bibele)

⁷ “Loko milandzu ya hina yi va ni vumbhoni bya ku hi hehla, oho Yehovha tirha hikwalaho ka vito ra wena hikuva milandzu ya hina yi tele; hi ku dyoherile.

Yeremiya 14:7 Referans Kwoze

Hosiya 5:5

Ku tikurisa ka vanhu va tiko ra Israele ka va mangalela, milandzu ya va ka Efrayimi yi ta va khugula va wa, va tiko ra Yuda na vona va ta wa swin'we ni va ka Efrayimi.

Pisalema 25:11

We HOSI, swidyoho swa mina swi tele ngopfu, ndzi rivalele swona, leswaku vito ra wena ri ta dzunisiwa.

Yeremiya 5:6

Hikokwalaho ku ta huma nghala exihlahleni yi va dlaya, hlolwa ro ta hi le mananga ri ta va herisa; yingwe leyi tumbeleke kusuhi ni miti ya vona yi ta khoma hinkwavo lava humaka kona, yi va handzulela. Va tivangele sweswo hi ku dyohela HOSI Xikwembu, va xi fularhela minkarhi leyo tala.

Esaya 59:12

Milandzu ya hina yi tele ngopfu emahlweni ka wena, swidyoho swa hina, hi swona swi hi dlayisaka; mintirho ya hina leyo homboloka, ha yi tiva, hi tiva ni leswi hi dyoheke swona:

Yeremiya 2:19

Vubihi bya n'wina ni ku tiarisa ka n'wina, swi ta mi vangela ku biwa mi twa ku vava, kutani mi ta swi tiva ni ku swi vona leswaku ku tshika HOSI Xikwembu xa n'wina i mhaka leyo biha leyi dyisaka mbitsi. Ni ku ndzi chava, a ma ha ndzi chavi! Yi vula sweswo HOSI ya matimba hinkwawo, N'wini wa n'wina.

Vaefesa 1:12

ku endlela leswaku hina hi nga lavo sungula ku va ni ku tshemba eka Kriste, hi dzunisa ku twala ka xona Xikwembu.

Vaefesa 1:6

ku endlela leswaku hi xi dzunisa hi mhaka ya tintswalo ta xona leto saseka ngopfu, leti xi hi nyikeke tona eka N'wana wa xona la rhandzekaka.

Hosiya 7:10

Ku tikurisa ka vanhu va tiko ra Israele ka va mangalela; hambiswiritano, a va tlheleli eka HOSI Xikwembu xa vona, ni ku xi lava, a va fambi va xi lava.

Ezekiele 20:22

Kambe leswi a ndzi swi endlanga hikuva a ndzi lavanga ku sorisa vito ra mina exikarhi ka vamatiko, va nga vanhu lava va ndzi voneke loko ndzi humesa Vaisraele etikweni ra Egipta.

Ezekiele 20:14

kambe leswi a ndzi swi endlanga, hikuva a ndzi lavanga ku sorisa vito ra mina exikarhi ka vamatiko, va nga vanhu lava va ndzi voneke loko ndzi humesa Vaisraele etikweni ra Egipta.

Ezekiele 20:9

Kambe leswi a ndzi swi endlanga, hikuva a ndzi lavanga ku sorisa vito ra mina exikarhi ka vamatiko lava hanyeke na Vaisraele, va nga vanhu lava va nga ndzi vona loko ndzi humesa Vaisraele etikweni ra Egipta.

Yeremiya 3:6

Enkarhini wa ku fuma ka hosi Yosiyasi, HOSI Xikwembu xi vulavurile na mina xi ku: “Xana u vonile hilaha Israele, munhu wo ka a nga tshembekanga, a hanyeke hakona xana? Ú tlhandlukele eswitsungeni hinkwaswo, a etlela ehansi ka nsinya wun'wana ni wun'wana lowu tlhumeke, a endla swa vunghwavava bya yena kona.

Pisalema 115:1

We HOSI, ku dzunisiwa a hi swa hina, hakunene a hi swa hina, kambe i swa wena ntsena, hikuva u ni rirhandzu, wa tshembeka.

Ezra 9:15

We HOSI Xikwembu xa Israele, wena u lulamile, hikuva van'wana va hina va ponile, u va siyile va hanya ku fika namuntlha. Hi langute, hi tile eka wena ni milandzu ya hina; a swi hi fanelanga ku ta emahlweni ka wena, hikuva hi ku dyoherile.”

Yoxuwa 7:9

Vakanana ni vaaki hinkwavo va tiko va ta yi twa mhaka leyi, kutani va ta hi hlasela va hi herisela makumu; kutani xana wena u ta endla yini hi vito ra wena lerikulu xana?”

Duteronoma 32:27

kambe ndzi chavile leswaku valala va vona va nga swi teka hi ndlela leyi nga riki yona, kutani va ndzi hlekula, va ku: Hi hlurile hi matimba ya hina, a hi HOSI Xikwembu lexi xi endleke hinkwaswo leswi!’

Yeremiya 8:14

Vaisraele va ri: “Ha ha tshamela yini kwala xana? A hi yeni hinkwerhu hi ya tumbela emitini ya makhokholo; hi ta fela eka yona, hikuva HOSI Xikwembu xi hi avanyisele rifu, xi hi nwisile mati ya vuxungu, hi mhaka ya leswi hi xi dyoheleke.

Pisalema 79:9

We Xikwembu muponisi wa hina, hi pfune leswaku vito ra wena ri dzunisiwa; hi kutsule u hi rivalela swidyoho swa hina hikwalaho ka vito ra wena.

Esaya 48:11

Ndzi endlile sweswo hikwalaho ka vito ra mina ntsena, hikuva a ndzi nga lavi leswaku ri onhiwa. Ndzi nga ka ndzi nga pfumeli leswaku ku dzuneka ka mina ku nyikiwa un'wana.

Yeremiya 3:25

A hi korhameni ehansi, hikuva hi ni tingana letikulu, milandzu ya hina ya hi tshikelela. Ku sukela evuhlangini bya hina ku fikela siku ra namuntlha, hina ni vatata wa hina hi dyoherile HOSI Xikwembu xa hina. Leswi HOSI Xikwembu xa hina xi hi byeleke swona, a hi swi yingisanga.”

Yeremiya 8:5

Vanhu lava va Yerusalema va tiarisela yini, hikwalaho ka yini va tshamela ku tinonon'whisa ke? Va namarhela swikwembu swa hava, va ala ku hundzuka!

Amosi 7:2

Loko tinjiya ti lava ku heta byanyi etikweni, ndzi ku: “HOSI, N'wini wanga, ndzi kombela leswaku u va rivalela. Leswi rixaka ra Yakobo ri nga ritsongo ngopfu, xana ri ta hanyisa ku yini xana?”

Yeremiya 5:25

Vubihi bya n'wina byi onhile swilo leswinene leswi, kutani a ma ha nyikiwi swona hikwalaho ka swidyoho swa n'wina.

Yeremiya 10:19

Muti wa Yerusalema wu hlamula wu ku: “Yóò, ndzi file minoo! Mbanga ya mina i ntsandza-vatshunguri. A ndzi ku, i ndzhwalo wa mina, ndzi ta wu byarha.

Mikiya 7:9

Hi ta tiyisela hi byarha vukari bya HOSI Xikwembu, hikuva hi xi dyoherile; xi ta rhanga xi boxa nandzu wa hina, xi hi avanyisa, kutani xi hi humesela eku vonakaleni, leswaku hi vona matimba ya xona ya ku ponisa.