Yeremiya 14:3 - BIBELE Mahungu Lamanene

³ Varhangeri va rhuma vatirhi ematini, vona va ya kuma leswaku swihlovo swi phyile; hiloko va tlhela ni swibya leswi nga riki na nchumu, va nyuma va tifihla swikandza, va hela matimba,

Xitsonga (Bibele)

³ Vakulukumba exikarhi ka vona va rhuma lavatsongo ematini, kutani va ya emakheleni, kambe a va kumi mati, va tlhela, timbita ti nga ri na nchumu, va khomisiwa tingana, kutani va kanakana, va tifunengeta tinhloko.

Yeremiya 14:3 Referans Kwoze

2 SAMIELE 15:30

Davhida yena a khandziya ntshava ya Mitlhwari, a ri karhi a rila, a tifunengetile nhloko, emilengeni a nga ambalanga nchumu; vanhu lava a a ri na vona, va khandziya va ri karhi va rila na vona, va tifunengetile tinhloko.

Pisalema 40:14

Lava ringetaka ku ndzi khoma va ndzi dlaya, va nyumise hinkwavo u va khomisa tingana; lava tsakaka loko ndzi ri ekhombyeni, va tlherise u va tsongahata.

2 TIHOSI 18:31

Rhabi-Xake a engeta a ku: “Hezekiya yoloye, mi nga n'wi yingisi, hikuva hosi ya Asiriya yi vurisa sweswo yi ri: ‘Vekani matlhari hansi, hi twanana! Humani, mi tinyiketa eka mina, kutani un'wana ni un'wana wa n'wina ú ta dya mihandzu ya murhi wa yena wa vhinya, ni mihandzu ya nkuwa wa yena; naswona ú ta nwa mati lama humaka exihlobyeni xa yena.

Amosi 4:8

Hikokwalaho, vanhu va miti leyo tala va famba va tsanile, va ya emutini wun'we ku ya nwa mati, kambe va nga kumi yo va korwisa; hambiswiritano, a mi tlhelelanga eka mina.” HOSI yi vula sweswo.

Yeremiya 2:13

hikuva vanhu va mina va ndzi dyoherile kambirhi: Va ndzi tshikile mina ndzi nga xihlovo xa mati lama khulukaka, kutani va tikovotlele makhele yo hlayisela mati, kambe makhele ya kona a ma pfunanga nchumu, hikuva a ma pandzekile.”

Yuwele 1:20

Hambi swi ri swiharhi swa nhova, swi rilela eka wena, hikuva milambu yi phyile, ni ndzilo wu herisile madyelo ya swona.

Yeremiya 20:11

Kambe HOSI Xikwembu xi na mina kukota nhenha ya matimba, hi xona xi nga ta wisa lava va ndzi xanisaka, va nga ka va nga ndzi hluri. Va ta tlhela ni tingana, va nge humeleli, ku nyumisiwa ka vona a ku nga ha rivariwi ni siku ni rin'we.

Yeremiya 14:4

hikuva misava yi omile, mpfula a yi nanga; hikokwalaho varimi na vona va hela matimba, va tisiva ni swikandza.

Pisalema 109:29

Lava va ndzi hehlaka a va khomiwe hi tingana, a va ambexiwe tona ku fana ni xiambalo.

Ntirho 6:20

kambe loko vanhu lava va fika eminkoveni ya kona, va yi kuma yi nga ri na nchumu.

Estere 6:12

Kutani Mordekayi a tlhelela ehubyeni ya hosi, Hamani yena a hatlisa a tiyela ekaya a khunguvanyekile swinene, a tisiva xikandza hi ku nyuma.

1 TIHOSI 17:7

Endzhaku ka masiku, xinambyana xi phya, hikuva mpfula a yi nga ha ni etikweni.

2 SAMIELE 19:4

Hosi a yi tifunengetile xikandza, yi rila swinene, yi ku: “Yo n'wananga Abixalomu! Abixalomu n'wananga, n'wana wa mina!”

Yeremiya 2:37

U ta vuya hi le tikweni ra Egipta u rhwele mavoko, hikuva vanhu lava u va tshembaka, mina HOSI ndza va nyenya; ku ya le ka vona a swi nga ku pfuni nchumu.”

Yeremiya 3:3

Hikokwalaho ndzi ku tsonile mpfula yo sungula, ni leyi ya xirimo a yi nanga; hambiswiritano wa ha vonaka leswaku u nghwavava, kambe sweswo a swi ku khomisi tingana.

Yeremiya 15:18

Xana ku vaviseka ka mina ku tsandzeka ha yini ku hela, ni mbanga ya mina yi alela yini ku tshunguriwa yi hola, ke? Hakunene u ndzi xisile kukota xihlovo lexi phyaka, lexi tshikaka vanhu empfhukeni!

Swirilo 4:4

Minkolo ya tinsana yi omile ngopfu hikwalaho ka torha; vana va kongomela swakudya, kambe ku hava loyi a va nyikaka.

Hosiya 2:3

loko a nga swi tshiki, ndzi ta n'wi hluvula swiambalo, ndzi n'wi siya a fana ni siku leri a nga velekiwa ha rona; ú ta sala a fana ni mananga, a hundzuka misava leyi omeke, torha ri to tlanga hi yena.

Zakariya 14:17

Loko vanhu van'wana ematikweni lawa va tsandzeka ku ya khongela Mufumi, HOSI ya matimba hinkwawo, mpfula a yi nga ha va neli.

Amosi 4:7

“Ndzi tlhele ndzi mi tsona mpfula, loko mavele ma nga si vupfa emasin'wini, ndzi nisela muti wun'wana empfula, wun'wana ndzi nga wu niseli; masimu man'wana ma yi kuma, kambe masimu lawa ma nga yi kumangiki, ma tshwa.