Yeremiya 14:10 - BIBELE Mahungu Lamanene

¹⁰ HOSI Xikwembu xi vula sweswo ehenhla ka vanhu lava, xi ri: “Va tsakela ku ndzi fularhela; a va tshami ehansi. Hikokwalaho mina HOSI a ndza ha va amukeli; swidyoho swa vona a ndzi nga swi rivali, ndzi ta va bela swona.”

Xitsonga (Bibele)

¹⁰ Hi leti Yehovha a ti vulaka ehenhla ka tiko leri, a ku: “Va rhandza ku hambuka, a va tivi ku khoma milenge ya vona, kwalaho Yehovha a nga tsakisiwiki ha vona; kambe sweswi u ta anakanya ku homboloka ka vona, kutani u ta tshinya ku dyoha ka vona.”

Yeremiya 14:10 Referans Kwoze

Hosiya 9:9

Vanhu lava va tionhile hi voxe, ku fana ni leswi va swi endleke eGibeya: HOSI Xikwembu a xi nga yi rivali milandzu ya vona, xi ta va bela swidyoho swa vona.

Hosiya 8:13

Va rhandza ngopfu ku humesa magandzelo, va tlhava swifuwo, va dya nyama, kambe sweswo a swi ndzi tsakisi mina HOSI. Milandzu ya vona a ndzi yi rivali mina HOSI, ndzi ta va bela swidyoho swa vona. Va ta fanela ku tlhelela etikweni ra Egipta.

Pisalema 119:101

A ndzi pfumeli ku famba etindleleni leto homboloka, hikuva ndzi rhandza ku hlayisa rito ra wena.

Amosi 5:22

Hambiloko mi ndzi humesela magandzelo lama hisiwaka, mi humesa ni tinyiko hi swa le masin'wini, ndzi nga ka ndzi nga swi amukeli; ni magandzelo ya xinakulobye lawa mi ma humesaka hi swifuwo swa n'wina leswi nonisiweke, a ndzi nga vi na mhaka na wona.

Yeremiya 6:20

A swi va pfuni nchumu ku ndzi humesela mirhi ya risuna ya le Xeba, kumbe swinun'hweriso swo huma ematikweni ya le kule. A ndzi amukeli swifuwo leswi va ndzi hiselaka swona, magandzelo ya vona a ndzi na mhaka na wona.

Vaheveru 8:12

Ndzi ta va rivalela ku homboloka ka vona, swidyoho swa vona a ndzi nga ha swi tsundzuki.”

Yeremiya 31:34

A ku nga ha vi na loyi a dyondzisaka muakelani kumbe makwavo, a ku: ‘Tiva HOSI Xikwembu!’ hikuva vanhu hinkwavo va ta ndzi tiva, ku sukela eka lontsongo ku ya fika eka lonkulu. Ndzi ta va rivalela ku homboloka ka vona, swidyoho swa vona a ndzi nga ha swi tsundzuki; ndzi vula sweswo mina HOSI.”

Hosiya 11:9

Ndzi ta hambana ni ku hlundzuka ka mina lokukulu, a ndzi nga ha engeti ndzi herisa va ka Efrayimi, hikuva mina ndzi Xikwembu, a ndzi munhu; mina la kwetsimeke, ndzi le xikarhi ka n'wina, a ndzi nga ti ndzi ta mi herisa.

Hosiya 11:7

Vanhu va mina va ni ntolovelo wa ku ndzi fularhela, hikokwalaho va rhwexiwile mpingu, ku hava loyi a nga ta va rhula wona.

Yeremiya 8:5

Vanhu lava va Yerusalema va tiarisela yini, hikwalaho ka yini va tshamela ku tinonon'whisa ke? Va namarhela swikwembu swa hava, va ala ku hundzuka!

Yeremiya 2:36

U hatlisa ngopfu ku hundzuluxa mikhuva ya wena. Tiva leswaku Vaegipta va ta ku khomisa tingana, ku fana ni leswi Vaasiriya va ku endleke swona.

1 TIHOSI 17:18

Kavaloko wansati a ku ka Eliya: “Xana ndzi ku hoxele hi yini, we munhu wa Xikwembu? A wo ta ntsena laha ka mina ku ta paluxa ku dyoha ka mina ni ku ta dlaya n'wana wa mina!”

1 SAMIELE 15:2

HOSI ya matimba hinkwawo yi vurisa sweswo yi ri: ‘Ndzi ta ba Vaamaleke, hikuva va xanisile Vaisraele hi ku va sivela ndlela, loko va huma etikweni ra Egipta.’

Yeremiya 3:13

Amukela ntsena nandzu wa wena, u pfumela leswaku u tiarisile emahlweni ka mina HOSI Xikwembu xa wena; u fambile u ya tinyiketa eka swikwembu swimbe ehansi ka nsinya wun'wana ni wun'wana lowu tlhumeke, kutani u tlurile ku lerisa ka mina. Ndzi vula sweswo mina HOSI.’ ”

Ezekiele 29:16

Vaisraele a va nga ha tshembi tiko ra Egipta; va ta vona leswaku va hoxile loko va yile va ya kombela ku pfuniwa hi Vaegipta, kutani hinkwavo va ta tiva leswaku HOSI N'wini wa hinkwaswo, hi mina!”

Hosiya 7:2

Kambe vona a va swi ehleketi leswaku mintirho ya vona leyo biha, ndza yi tsundzuka hinkwayo. Sweswi mintirho leyi ya vona yi va rhendzerile, yi lo tlàngàndlà, emahlweni ka mina.

Hosiya 7:13

Va ta weriwa hi khombo, hikuva va sukile eka mina! Va ta xanisiwa, hikuva va ndzi tshikile! Ku va lamulela, a ndzi ta va lamulela, kambe va vulavula mavunwa hi mina.

Amosi 3:2

“Exikarhi ka tinxaka hinkwato ta misava, ndzi hlawurile n'wina ntsena ndzi mi hlayisa. Leswi a nga n'wina mi tlhelaka mi ndzi dyohela hi ndlela leyi, ndza boheka ku mi ba.”

Eksoda 32:34

Sweswi tlhela, u ya yisa Vaisraele lomu ndzi ku byeleke ku va yisa kona; ntsumi ya mina yi ta mi rhangela emahlweni, kambe siku mina ndzi nga ta va tela, ndzi ta va ba hikwalaho ka xidyoho lexi va nga na xona.”

Pisalema 95:10

Vanhu lava va ndzi phirhile malembe ya 40, ndzi kondza ndzi ku: ‘I vanhu lava lahlekeke, vo oma tinhloko, a va na mhaka ni leswi ndzi swi lavaka!’