Yeremiya 13:9 - BIBELE Mahungu Lamanene

⁹ “Mina HOSI ndzi vurisa sweswo ndzi ri: Manyunyu ya va ka Yuda ni ku tikurisa lokukulu ka va le Yerusalema, ndzi ta swi onha hi mukhuva wolowo.

Xitsonga (Bibele)

⁹ “Ku vula Yehovha, a ku: ‘Ndzi ta borisisa sweswo vumbhurhi bya Yuda, ni vumbhurhi lebyikulu bya Yerusalema.

Yeremiya 13:9 Referans Kwoze

Levhitika 26:19

Nkanu leyi endlaka leswaku mi tikurisa, ndzi ta yi herisa; ndzi ta pfala tilo ri tiya wonge i nsimbhi, ndzi nonon'hwisa misava yi tiya kukota koporo.

Sofoniya 3:11

“Esikwini rero, ndzi ta susa tingana ta mintirho hinkwayo leyi mi yi endleke, loko mi ndzi hundzukela; hinkwavo lava tikurisaka ni lava titshembaka, ndzi ta va susa exikarhi ka n'wina; mi ta tshika ku tikukumuxa entshaveni ya mina leyo hlawuleka.

Esaya 23:9

Makungu ya kona ma endliwe hi HOSI ya matimba hinkwawo leswaku hinkwavo lava titshembaka, va lahlekeriwa hi ku saseka ka vona, ni leswaku lava xiximiwaka ematikweni hinkwawo va yisiwa ehansi.

Swivuriso 16:18

Ku tikurisa, swi vitana khombo, manyunyu ma vangela munhu ku wa.

1 Petro 5:5

Swi tano na n'wina lavantshwa: Titsongahateni eka lavakulu. Hinkwenu ambalani ku titsongahata, mi tiveka ehansi, van'wana eka van'wana, hikuva va khale va te: “Xikwembu xi alela lava tikurisaka, kambe xi tsetselela lava titsongahataka.”

Yakobo 4:6

Hambiswiritano, xi hi komba tintswalo leti nga tikulu ku tlula sweswo, hikuva Tsalwa ri ri: “Xikwembu xi alela vatikurisi, kambe xi tsetselela lava titsongahataka.”

Luka 18:14

“Ndzi ri eka n'wina: Muluvisi loyi ú tlhelele ekaya ka yena a hlayiwile la lulameke ku tlula Mufarisi; hikuva un'wana ni un'wana la tikurisaka, ú ta tsongahatiwa, ni la titsongahataka ú ta kurisiwa.”

Nahume 2:2

HOSI Xikwembu xi pfuxeta ku dzuneka ka Yakobo, xi pfuxeta ni ku dzuneka ka Israele, hikuva vaonhi va onhile swa vona, va phatlulerile marhavi ya vona.

Ezekiele 16:56

Loko ku homboloka ka wena ku nga si paluxiwa, xana a hi wena loyi a wu hamba u hleka makwenu Sodoma xana? A wu tikurisa ngopfu, kambe sweswi u hundzukile xihlekiso emitini ya Edomu ni ka hinkwavo lava vandzakaneke na yona; hambi yi ri miti ya Vafilista leyi yi ku rhendzeleke, yi le ku ku hlekuleni.

Ezekiele 16:50

Va tikurisile va endla swa manyala emahlweni ka mina, kutani ndzi va hlongorile va ya kule na mina, loko ndzi vonile swilo sweswo.

Yeremiya 48:29

Hi ti twile ta manyunyu ya Vamowabu: I vanhu vo tikurisa ngopfu, lava tikukumuxaka, va sandza van'wana ni ku va langutela hansi.

Esaya 16:6

Hi ti twile ta manyunyu ya Vamowabu, ni ku tikurisa ka vona; i vanhu vo titshemba ngopfu, lava tikukumuxaka, va nga vuli nchumu hi vanhu van'wana; kambe vo tibumabumela mahala!

Yeremiya 13:8

Kutani HOSI Xikwembu xi vulavula na mina xi ku:

Yeremiya 25:18

Ndzi rhanga ndzi nwisa vaaki va Yerusalema ni va miti ya Yuda, ndzi nwisa tihosi ni tindhuna ta vona, leswaku miti ya kona yi hundzuka marhumbi layo chavisa, vahundzi va ndlela va hlakahla tinhloko, va yi monya; ni namuntlha swa ha ri tano.