Yeremiya 13:19 - BIBELE Mahungu Lamanene

¹⁹ Miti ya le dzongeni yi rhendzeriwile hi valala, a ka ha ngheni munhu eka yona; va ka Yuda va yisiwa evukhumbini, va famba hinkwavo, ku nga sali na un'we.”

Xitsonga (Bibele)

¹⁹ Miti ya tlhelo ra dzonga yi pfariwile, kutani a ku na la nga yi pfulaka; va Yuda hinkwavo va yisiwile evukhumbini, va yisiwile hinkwavo eku bohiweni.

Yeremiya 13:19 Referans Kwoze

Yeremiya 52:27

Hosi Nebukadnetsara a lerisa leswaku va biwa, kutani va dlayiwa eRibila, etikweni ra Hamata. Hi wona mukhuva lowu vanhu va ka Yuda va yisiweke evukhumbini ha wona, kule ni tiko ra vona.

Yeremiya 52:30

Hi lembe ra vu-23 ra ku fuma ka Nebukadnetsara, Nebuzaradani ndhuna ya vasirheleri ú khomile vanhu va ka Yuda va 745 a va yisa evukhumbini. Hinkwavo lava yisiweke eBabilona a va ri 4 600.

Yeremiya 39:9

Vanhu lava a va sele emutini, ni lava a va tinyiketile eka Nebukadnetsara, ni masalela ya vavatli ni vaaki va yisiwa eBabilona evukhumbini hi Nebuzaradani ndhuna ya vasirheleri va hosi.

2 TIHOSI 25:21

Hosi Nebukadnetsara a lerisa leswaku va biwa, kutani va dlayiwa eRibila, etikweni ra Hamata. Hi wona mukhuva lowu vanhu va Yuda va yisiweke evukhumbini ha wona, kule ni tiko ra vona.

Duteronoma 28:52

“Va ta mi rhendzela emitini ya n'wina hinkwayo; makhokholo layo leha lama tiyeke lawa mi tshembeke wona, va ta ma mbundzumuxa ma wela ehansi, etikweni hinkwaro leri HOSI Xikwembu xa n'wina xi mi nyikaka rona.

Yeremiya 33:13

Emitini leyi nga magangeni, ni leyi nga timbaleni, ni leyi nga dzongeni, ni leyi nga tikweni ra Benjamini, ni leyi nga kusuhi ni muti wa Yerusalema, ni leyi nga tikweni ra Yuda, ka ha ta hlayiwa swifuwo loko swi vuya etshangeni. Ndzi vula sweswo mina HOSI.

Yeremiya 20:4

HOSI Xikwembu xi ri: ‘Ndzi ta ku endla Muchavisi, u tichavisa wena n'wini, u chavisa ni vanghana va wena hinkwavo. Valala va ta va dlaya hi matlhari emahlweni ka wena. Vanhu hinkwavo va tiko ra Yuda, ndzi ta va nyiketa emavokweni ya hosi ya Babilona, kutani yona yi ta va yisa evukhumbini eBabilona, yi va herisa hi matlhari.

Yeremiya 17:26

Vanhu va ta ta va huma emitini ya Yuda ni le tindhawini leti rhendzeleke Yerusalema; van'wana va ta huma etikweni ra Benjamini, ni le timbaleni, ni le magangeni, ni le dzongeni. Vanhu lava va ta humesa magandzelo lama hisiwaka ya nyama ni ya mapa ni ya mirhi ya risuna, va humesa ni minkhenso endlwini ya mina HOSI.

Ntirho 12:14

“Leswi Xikwembu xi swi wiseke, swi nge pfuxiwi hi munhu; munhu loyi xi nga n'wi pfalela ekhotsweni, a nge pfuleriwi hi un'wana.

Yoxuwa 18:5

Va ta avanyisa tiko hi swiphemu swa 7; va ka Yuda va ta ya emahlweni va tshama endhawini ya vona ya le dzongeni, ni va ka Yosefa endhawini ya vona ya le n'walungwini.

Duteronoma 28:15

“Kasi loko mi nga yingisi leswi HOSI Xikwembu xi mi byelaka swona, ni loko mi nga tikarhateli ku hanya hi swileriso ni milawu hinkwayo leyi ndzi mi lerisaka yona namuntlha, makhombo lama nga ta mi tela hi xitalo hi lawa:

Yeremiya 32:44

Etikweni ra ka Benjamini, ni le mitini leyi rhendzelaka Yerusalema, ni le mitini ya le magangeni ni ya le timbaleni ni ya le dzongeni, vanhu va ha ta humesa mali va xava masimu; va ha ta tsala mavito ya vona epapileni ra vun'wini, va ri fungha emahlweni ka timbhoni, hikuva mina HOSI ndzi tiboha ku tlhela ndzi va katekisa.”

Swirilo 1:3

Yuda ú yisiwile evukhumbini, emaxangwini ni le ku vavisekeni lokukulu; sweswi ú hanya exikarhi ka vamatiko, a nga kumi laha a nga tshamisekaka kona; lava va n'wi hlongorisaka, va n'wi kumile, a nga ha koti ku phonyoka.

Zakariya 7:7

Marito lawa ma ha fana ni lawa HOSI Xikwembu xi ma twariseke hi milomo ya vaprofeta lavo rhanga; eminkarhini ya kona, vaaki va muti wa Yerusalema ni va swimitana leswi nga kusuhi, a va ha tele va tshamisekile; hambi va ri vanhu va le magangeni ni va le dzongeni a va ha tele.

1 TIKRONIKA 9:1

Hi mukhuva lowu, Vaisraele hinkwavo va tsariwa ebukwini ya “Matimu ya tihosi ta Israele”, hi ku ya hi tinyimba ta ka vona. Va ka Yuda a va yisiwile evukhumbini le Babilona, hikuva a va nga tshembekanga eka Xikwembu.

Yeremiya 24:1

Siku rin'wana, HOSI Xikwembu xi ndzi kombile xivono: A ku ri ni swirhundzu swimbirhi leswi vekiweke emahlweni ka Tempele. (Enkarhini wolowo, Nebukadnetsara hosi ya Babilona a a ha ku khoma Yoyakini hosi ya Yuda ni tindhuna ta yena ni vavatli ni vafuri va tinsimbhi, a va susa eYerusalema, a va yisa evukhumbini eBabilona.)

Yeremiya 28:4

Naswona Yoyakini n'wana Yoyakimi hosi ya Yuda, ni vanhu hinkwavo va tiko ra Yuda lava yisiweke evukhumbini eBabilona, ndzi ta va vuyisa endhawini leyi. Ndzi vula sweswo mina HOSI, hikuva ndzi ta tshova joko ra hosi ya Babilona.”

Yeremiya 52:28

Mintsengo ya vanhu va ka Yuda lava Nebukadnetsara a va yiseke evukhumbini, hi leyi: Hi lembe ra vu-7 ra ku fuma ka yena, ú fambile na vanhu va 3 023.