Yeremiya 13:18 - BIBELE Mahungu Lamanene

¹⁸ HOSI Xikwembu xi ku ka mina: “Byela hosi ya tiko ni mana wa yona leswaku va suka exiluvelweni va tshama ehansi, hikuva harhi ya vona yo saseka ya vuhosi yi susiwile etinhlokweni ta vona.

Xitsonga (Bibele)

¹⁸ Byela hosi ni nkosikazi, u ku: “Titsongahateni, mi tshamisa ehansi hikuva harhi ya vuhosi ya ku kwetsima ka n'wina yi wile etinhlokweni ta n'wina.”

Yeremiya 13:18 Referans Kwoze

Yeremiya 22:26

Wena ni mana wa wena la ku velekeke, ndzi ta mi hlongola etikweni leri, mi ya tshama etikweni leri mi nga ri tiviki, kutani mi ta fela eka rona.

2 TIHOSI 24:12

Kutani Yoyakini hosi ya Yuda a huma emutini, a ya tinyiketa eka hosi ya le Babilona, a ri ni mana wa yena, ni malandza ya yena, ni tindhuna ta yena, ni valanguteri va le ntsindza wa yena. Hosi ya le Babilona, loko yi khoma Yoyakini, a yi ri elembeni ra vu-8 ra ku fuma ka yona.

2 TIHOSI 24:15

A yisa Yoyakini evukhumbini eBabilona, swin'we ni nkosikazi mana wa yena, ni vasati va yena, ni valanguteri va muti wa yena, ni tinganakana ta tiko; a va susa eYerusalema, a va yisa eBabilona va ri mahlonga.

2 TIKRONIKA 33:19

Naswona, ebukwini ya “Matimu ya Vaprofeta”, ku tsariwile timhaka leti: Ku khongela ka Manase, ni hilaha xikhongelo xa yena xi amukeriweke hi Xikwembu hakona; ku homboloka ka yena ni swidyoho swa yena, loko a nga si titsongahata a tisola; nongonoko wa switsunga leswo hlawuleka leswi a dzimeke eka swona timhandze ta Axera, ni tindhawu leti a nga yimisa eka tona swifaniso swa swikwembu swa hava.

Esaya 47:1

HOSI Xikwembu xi ri: “We Babilona, muti wa Vakalediya, xika exiluvelweni xa wena, u tshama hansi eritshurini; wena la fanaka ni nhwanyana la nga si tivanaka ni wanuna, u nga ka u nga ha vuriwi ‘lowo tirhandza, wo tihlayisa’!

2 TIKRONIKA 33:12

Loko a ri emaxangwini, Manase a huwelela eka HOSI Xikwembu xa yena ni xa vatata wa yena, a titsongahata emahlweni ka xona,

1 Petro 5:6

Hikokwalaho, titsongahateni ehansi ka voko ra matimba ra Xikwembu, leswaku hi nkarhi wa kona xi ta mi tlakusa.

Yakobo 4:10

Titsongahateni emahlweni ka Hosi, kutani yona yi ta mi tlakusa.

Matewu 18:4

Hikokwalaho ke, loyi a titsongahataka kukotisa n'wana loyi, hi yena la nga lonkulu eMfun'weni wa matilo.

Yonasi 3:6

Loko mahungu lawa ma fika etindleveni ta hosi ya Ninivha, yi suka exitshan'wini xa yona, yi hluvula swiambalo swa yona swa vuhosi, yi ambala leswo khwaxa, yi tshama etaleni.

Esaya 3:26

Etinyangweni ta wena ku to twala swirilo ni minkosi ntsena; u ta tekeriwa hinkwaswo, u sala u lo gòò!

2 TIKRONIKA 33:23

Manase a a titsongahatile a tisola, kambe n'wana wa yena Amoni a nga titsongahatanga, swidyoho swa yena swi ya swi kula.

Eksoda 10:3

Kavaloko Muxe na Aroni va ya nghena emutini wa Faro, va fika va ku: “HOSI Xikwembu, xi nga Xikwembu xa Vaheveru, xi vurisa sweswo xi ku: ‘Xana u ta ala ku titsongahata emahlweni ka mina ku fikela rini ke? Tshika vanhu va mina va famba, va ya ndzi gandzela.

Swirilo 2:10

Varhangeri va le Siyoni va tshame hansi va ku dúú! Va tichele ntshuri etinhlokweni, va tlhela va ambala swiambalo leswo khwaxa; vanhwana va le Yerusalema va korhamise tinhamu, va languta ehansi.

Eksoda 39:28

va rhunga xihuku lexikulu ni swihuku leswitsongo hi ntsembyani lowo saseka, ni swiburukwana hi ntsembyani wo saseka lowu lukiweke;

Swivuriso 27:24

hikuva mali ya hela, na xona xuma, a xi tshami hilaha ku nga heriki;

Esaya 3:20

ni ya le tinhlokweni, ni vusenga bya le mavokweni, ni swo tikhama ha swona, ni swifukwana swa mafurha layo nun'hwela, ni timbamba,

Yeremiya 29:2

papila leri ri tsariwile endzhaku ka loko hosi Yoyakini, ni mana wa yena, ni valanguteri, ni tindhuna ta tiko ra Yuda ni ta Yerusalema, ni vavatli ni vafuri va tinsimbhi, va khomiwile va susiwa eYerusalema.

Yeremiya 36:16

Loko va twile timhaka ta kona hinkwato, va tshuka ngopfu, va langutana, kutani va ku ka Baruku: “Mahungu lawa hinkwawo, hi fanele ku ya ma vikela hosi!”

Swirilo 1:6

Vukosi hinkwabyo byi sukile eSiyoni, wona muti wo saseka. Tihosana ta wona sweswi ti fana ni timbavala leti pfumalaka madyelo: Ti tsutsuma lava va ti hlongorisaka, ti nga ri na matimba.

Swirilo 1:9

Thyaka ra yena a ri ri etingubyeni, kambe a nga anakanyanga leswaku ú ta avanyisiwa; hikokwalaho ku wa ka yena ka chavisa, ú pfumala ni loyi a n'wi tiyisaka. Yerusalema ú ri: “We HOSI, vona nhlomulo wa mina, hikuva nala wa khana, ú hlurile.”

Swirilo 5:16

Yóò! Hi le khombyeni, hikuva hi dyohile, kutani harhi ya ntsako yi sukile etinhlokweni ta hina.

Ezekiele 16:12

Ndzi ku hoxile xingwavila enhompfini ni swingwavila swin'wana etindleveni, kutani ndzi ku tlhandleka harhi yo saseka enhlokweni.

Ezekiele 21:26

Mina HOSI N'wini wa hinkwaswo ndzi ri, hluvula xiambalo xa vuhosi u susa ni xidlodlo xa kona. Swilo a swi suke evutshan'wini bya swona: Leswi nga hansi a swi ye henhla, leswi nga henhla swi ya hansi.

Ezekiele 24:17

Hambi u twa ku vava, tikhome u miyela; u nga byewuli misisi kumbe ku hluvula tintanghu, u nga tifunengeti ni xikandza, naswona u nga dyi swa nkosi!”

Ezekiele 24:23

Mi nga byewuli misisi, ambalani ni tintanghu ta n'wina, tikhomeni, mi nga rili. Hambiswiritano mintirho ya n'wina leyo homboloka yi ta mi ondzisa, mi ta tshamela ku vilela hikwalaho ka varikwenu.

Ezekiele 44:18

Va ta tifunengeta tinhloko hi swihuku swa ntsembyani, va ambala ni swiburukwana swa ntsembyani, kambe a va nga tikhami hi mavamba, ku endlela leswaku va nga twi ku hisa va dzuka nyuku.

Daniele 5:20

Kambe kuteloko a sungurile ku tikurisa ni ku tiomisa nhloko ni ku tivona ngopfu, ú tsongahatiwile, a susiwa exitulwini xa yena xa vuhosi, a tekeriwa ku dzuneka ka yena,

Yeremiya 22:24

HOSI Xikwembu xi ri: “We Yoyakini n'wana Yoyakimi, hosi ya Yuda, ndza hlambanya leswaku hambileswi a ndzi ku tsakela ku fana ni xingwavila xo fungha ha xona evokweni ra mina ra xinene, sweswi ndzi ta ku susa,