Yeremiya 13:16 - BIBELE Mahungu Lamanene

¹⁶ Kombani xichavo eka HOSI Xikwembu xa n'wina xi nga si vanga munyama, mi nga si khuguriwa mi wa etintshaveni loko dyambu ri ya eku peleni. A mi languterile ku vonakala, kambe HOSI Xikwembu xi tisile vusiku, ni xinyami xa byona xo chavisa.

Xitsonga (Bibele)

¹⁶ Dzunisani Yehovha, Xikwembu xa n'wina, a nga siki humesa munyama, ni milenge ya n'wina yi nga siki khunguvanyeka etintshaveni ta vusiku, ni loko a nga siki hundzula ku vonakala kuloku mi ku languteleke, ndzhuti wa rifu ni ku humesa ntima.

Yeremiya 13:16 Referans Kwoze

Esaya 59:9

Vaisraele va ku: “Ku lweriwa hi Xikwembu swa ha ri kule na hina, xi nge pfuki ni siku ni rin'we xi hi endlerile leswi lulameke. Hi lava ku vonakala, kambe ho vona xinyami ntsena, hi lava ku famba laha ku nga te nghéé, kambe hinkwako ku lo khwìxìì!

Esaya 8:22

va languta ni le hansi, kambe va to vona gome, ni munyama, ni nhlomulo lowukulu; va ta khubumetiwa hi munyama lowo chavisa.

Esaya 60:2

Vona, xinyami lexikulu xi ta funengeta misava ni vanhu, kambe HOSI Xikwembu xi ta suka xi yima, kutani ku dzuneka ka xona ku ta vonaka ehenhla ka wena.

Esaya 5:30

Hi siku ra kona, va ta mpfhumpfhela Vaisraele, va ba huwa ku fana ni lwandle; loko munhu a languta etikweni, ú to vona munyama ni ku xaniseka ka vanhu ntsena, munyama wu ta siva ku vonakala.

Swivuriso 4:19

Kambe mahanyelo ya lavo homboloka i xinyami lexikulu, ni leswi swi va khugulaka, a va swi tivi!

Yoxuwa 7:19

Kutani Yoxuwa a ku ka Akani: “N'wananga, dzunisa HOSI Xikwembu xa Israele, u twarisa vito ra xona: Sweswi, ndzi byele leswi u swi endleke; u nga tshuki u ndzi fihlela nchumu.”

Yeremiya 23:12

Hikokwalaho tindlela ta vona ti ta rheta; va ta susumetiwa exinyamini va wela hansi. Siku ndzi va tshinyaka, ndzi ta va vangela makhombo, ku vula mina HOSI.

Yeremiya 4:23

Ndzi langutile emisaveni kutani a yi onhakile yi nga ha ri na xivumbeko, ndzi languta ematilweni kambe ku vonakala a ku nga ha ri kona.

Pisalema 44:19

Hambiswiritano u hlaserile tiko ra hina ri hundzuka ndhawu ya timhungubye, u ri funengeta hi xinyami xo chavisa.

1 SAMIELE 6:5

Kutani mi fanela ku vumba swifaniso swa matshumba ya kona, ni swifaniso swa makondlo ya kona lama hlaselaka tiko, kutani mi dzunisa Xikwembu xa Israele. Kumbexana xi ta tshika ku mi ba hi nkhavi wa xona, n'wina ni swikwembu swa n'wina ni tiko ra ka n'wina.

Eksoda 10:21

Kutani HOSI Xikwembu xi ku ka Muxe: “Tlakusela voko ra wena ehenhla, u vanga xinyami etikweni ra Egipta, lexi nga ta endla leswaku vanhu va gugurhuteka kunene.”

1 Petro 2:8

Naswona, “I ribye leri nga ta khugula vanhu, i tambha leri nga ta va wisa.” Va khunguka va wa hikuva va ala ku yingisa Rito, hilaha swi nga bohiwa hakona khale, leswaku va ta endla swona.

Yohane 12:35

Yesu a ku ka vona: “Ku vonakala ka ha ta va kona nkarhinyana exikarhi ka n'wina; fambani loko ma ha ri ni ku vonakala, leswaku munyama wu ta ka wu nga mi kumi; kasi loyi a fambaka emunyameni a nga tivi laha a yaka kona.

Swirilo 4:17

Mahlo ya hina ma tshamela ku fehla hi ku langutela ku pfuniwa, kambe mupfuni ku hava! Hi tshamile eswihondzweni swa varindzi, hi ri karhi hi langutela ku ponisiwa hi tiko leri nga pfuniki nchumu.

Yeremiya 14:19

We HOSI, xana va ka Yuda u va tshikele makumo xana, xana a wa ha lavi ku twa nchumu hi va le Siyoni xana? Hikwalaho ka yini u hi boxile timbanga leti ti hi dlayaka ti nga holi xana? A hi languterile leswaku ku ta va ni ku rhula, kambe a hi voni nchumu xo saseka; a hi ku, hi ta kuma minkarhi ya ku horisiwa, kambe hi hlangana ni leswo chavisa ntsena.

Yeremiya 8:15

A hi languterile leswaku ku ta va ni ku rhula, kambe a hi voni nchumu xo saseka; a hi ku, hi ta kuma minkarhi ya ku horisiwa, kambe ho hlangana ni leswo chavisa ntsena.

Eklesiasta 11:8

Loko munhu a hanya malembe layo tala, a a ma tsakele hinkwawo, kambe a nga tshuki a rivala leswaku masiku ya khombo na wona ma ta andza! Eka hinkwaswo leswi humelelaka, ku hava lexi pfunaka.

Ntirho 3:5

Siku ra kona a ri funengetiwe hi xinyami xo khwìxìì, ri khubumetiwa hi papa ra ntima, vanhu va ri chava, va gugurhuteka.

Pisalema 107:10

Van'wana a va tshama ekhotsweni exinyamini xo chavisa. A va khomiwile va bohiwa hi tinketani, va xaniseka ngopfu,

Pisalema 107:14

Xi va humesile exinyamini xo chavisa xa le khotsweni, xi tsemile ni tinketani ta vona.

Yeremiya 2:6

A va vutisanga va ku: ‘Xana HOSI Xikwembu xi kwihi, xona lexi xi hi humeseke etikweni ra Egipta, xana?’ Kasi hi mina ndzi mi fambiseke emananga, etikweni ra sava ni magova, etikweni leri omeke ra xinyami xo chavisa; hi mina ndzi mi fambiseke laha ku nga hundziki munhu, laha ku nga tshamiki munhu na un'we!

Yeremiya 6:21

Hikokwalaho mina HOSI ndzi ri: Ndzi ta hingakanya mintsandza endleleni ya vona, yi ta va khugula va wa. Tatana ni n'wana, munhu ni vaakelani kumbe vanghana va yena, va ta herisiwa siku rin'we!”

Yeremiya 50:6

Vanhu va mina i tinyimpfu leti lahlekeke, varisi va tona va ti lahlile etintshaveni; ti le ku pepetsekeni emagangeni, tshanga ra tona a ta ha ri tivi.

Ezekiele 21:15

Hikokwalaho vanhu va ta tsemeka nhlana, ku wa lavo tala exikarhi ka vona; etinyangweni ta vona hinkwato ndzi vekile banga leri dlayaka. Yo! Ra hatima kukota rihati, ri vekeriwa ku herisa vanhu!

Ezekiele 34:12

Swi nga endleka leswaku tinyimpfu tin'wana ti hambana ni ntlhambi ti ya lahleka; loko swi ri tano, munhu loyi a nga ku riseni esikwini rero, ú ta famba a ti lava. Hi mukhuva wolowo na mina ndzi ta famba ndzi lava tinyimpfu ta mina, ndzi ti humesa ematikweni hinkwawo lawa ti nga hangalasiwa ti ya ka wona, siku ti nga wela hi khombo ni xinyami.

Ezekiele 36:15

A ndzi nga ha pfumeleli vamatiko ku mi khomisa tingana, a mi nga ha soriwi hi vanhu va tinxaka tin'wana, naswona a mi nga ha phiji varikwenu va wela hansi. Ndzi vula sweswo mina HOSI N'wini wa hinkwaswo.’ ”

Amosi 4:13

Tivani leswi: Loyi a vumbeke tintshava, a tumbuluxeke ni mheho, loyi a tivisaka makungu ya yena eka vanhu, loyi a hundzulaka nhlekanhi wu va vusiku, loyi a famba-fambaka eswivandleni leswi tlakukeke swa misava, vito ra yena i HOSI, Xikwembu xa matimba hinkwawo.

Amosi 5:18

Mi ni khombo, n'wina mi navelaka siku ra HOSI! Xana mi ri lavela yini siku leri xana? Eka n'wina, ri ta va siku ra munyama, ku nga ri ra ku vonakala.

Pisalema 29:2

dzunisani ku kwetsima ka vito ra xona, mi xi nkhinsamela mi ambarile swiambalo leswo hlawuleka.

Esaya 59:10

Loko hi lava khumbi, ho ambambela kunene, hi gugurhuteka ku fana ni munhu wo fe mahlo; hambi wu ri nhlekanhi, hi khuguka hi wa wonge hi loko ri perile; exikarhi ka vanhu va matimba ho va masirha ya le handle.

Yuwele 2:2

Siku ra kona ri to va ra munyama, ri to khwìxìì! ri ta va siku ra mapapa ni hunguva! Ku ni vanhu lavo tala va matimba, lava khubumeteke tintshava ku fana ni xinyami; vo fana na vona a va si tshama va voniwa, naswona endzhaku ka vona a ku nga ha voniwi vo tano, hilaha ku nga heriki.

Malakiya 2:2

Ndzi yingiseni, mi tikarhatela ku twarisa vito ra mina. Loko mi nga endli sweswo, ndzi ta mi vangela makhombo; ku katekisa ka n'wina, ndzi ta ku hundzula ndzhukano. Ni sweswi ndzi ku hundzule ndzhukano, hikuva a mi tikarhateli mina.