Yeremiya 13:14 - BIBELE Mahungu Lamanene

¹⁴ Ndzi ta va fayetela ku fana ni majomela loko ma bananisiwa, tatana ni n'wana va ta fa enkarhini wun'we. A ndzi nga va tsetseleli; ndzi ta va herisa ndzi nga va tweli vusiwana. Ndzi vula sweswo mina HOSI!’ ”

Xitsonga (Bibele)

¹⁴ Kambe ndzi ta va faya un'wana ni un'wana ni warikwavo, vatatana swin'we ni vana,’ ku vula Yehovha. ‘Ndzi nga ka ndzi nga vi na musa, ni loko ku ri ku tsetselela, hambi ku ri ku va twela vusiwana, leswaku ndzi nga va lovisi.’ ”

Yeremiya 13:14 Referans Kwoze

Duteronoma 29:20

Munhu wo tano, HOSI Xikwembu xi nga ka xi nga n'wi rivaleli; vukari bya xona byi ta pfurha ehenhla ka yena, hikuva xi na rilaveta; ú ta weriwa hi makhombo lama tsariweke ebukwini leyi, ku kondza HOSI Xikwembu xi n'wi herisa, a nyamalalela makumu.

Pisalema 2:9

U ta ma faya hi nhonga ya nsimbhi, u ma cakanyetela ku fana ni mbita ya vumba.”

Yeremiya 21:7

Mina HOSI ndzi ri, endzhaku ka sweswo ndzi ta tshika Sedekiyasi hosi ya Yuda, ni malandza ya yena, ni vaaki va muti, va nga hinkwavo lava poneke ku dlawa hi mintungu ni matlhari ni tindlala, kutani va ta wela emavokweni ya Nebukadnetsara hosi ya Babilona. Ndzi ta va nyiketa eka valala va vona, lava tiyimiseleke ku va vangela rifu. Kutani valala lava va ta herisa va le Yerusalema hi matlhari, va nga va tweli vusiwana kumbe ku va tsetselela; va ta va dlaya hinkwavo.’ ”

Yeremiya 6:21

Hikokwalaho mina HOSI ndzi ri: Ndzi ta hingakanya mintsandza endleleni ya vona, yi ta va khugula va wa. Tatana ni n'wana, munhu ni vaakelani kumbe vanghana va yena, va ta herisiwa siku rin'we!”

Esaya 27:11

Loko marhavi ya kona ma ta va ma omile, ma ta tshoveka ma wa, kutani vavasati va ta tshivela ndzilo ha wona. Vanhu lava a va twisisi, hikokwalaho muendli wa vona a nge va tweli vusiwana, a nga ka a nga va tsetseleli, muvumbi wa vona.

Marka 13:12

“Munhu ú ta nyiketa makwavo eku dlaweni, tatana ú ta endlisa sweswo eka n'wana wa yena; ni vana va ta pfukela vatswari va vona, va va dlaya.

Matewu 10:21

“Munhu ú ta nyiketa makwavo wa yena eku dlaweni, ni tatana ú ta endlisa sweswo eka n'wana wa yena; vana va ta pfukela vatswari va vona, va va dlaya.

Ezekiele 24:14

Mina HOSI N'wini wa hinkwaswo ndzi vulavurile, swilo leswi swi ta humelela, ndzi ta swi endla, a ndzi nga tlheleli endzhaku. A ndzi nga ku tsetseleli, naswona a ndzi nga hundzuluxi makungu ya mina. Ndzi ta ku avanyisa hikwalaho ka mintirho ya wena ni swiendlo swa wena. Ndzi vula sweswo, mina HOSI N'wini wa hinkwaswo.”

Ezekiele 9:10

Kambe mina ndzi ta va endla leswi va swi endleke eka van'wana; ndzi nga ka ndzi nga va rivaleli, a ndzi nga va tweli vusiwana.”

Ezekiele 9:5

Kutani ndzi twa Xikwembu loko xi ri karhi xi lerisa vavanuna lavan'wana, xi ku: “Landzani munhu loyi loko a rhendzeleka ni muti, mi herisa vaaki va wona; mi nga va tsetseleli kumbe ku va twela vusiwana;

Ezekiele 8:18

Hikokwalaho ndzi ta va ba; ndzi nga ka ndzi nga va rivaleli, a ndzi nga va tweli vusiwana. Va ta rila va ba huwa etindleveni ta mina, kambe a ndzi nga va hingisi.”

Ezekiele 7:9

Ndzi nga ka ndzi nga mi rivaleli, a ndzi nga mi tweli vusiwana; ndzi ta mi bela mikhuva ya n'wina leyo biha ni manyala lama nga kona eka n'wina, kutani mi ta tiva leswaku loyi a mi baka, hi mina HOSI!

Ezekiele 7:4

Ndzi nga ka ndzi nga mi rivaleli, a ndzi nga mi tweli vusiwana; ndzi ta mi ba hikwalaho ka mikhuva ya n'wina leyo biha, ndzi mi bela manyala lama nga kona ka n'wina, kutani mi ta tiva leswaku HOSI Xikwembu, hi mina!’ ”

Yeremiya 48:12

“Hikokwalaho, yingisani! Mina HOSI ndzi ri, ku nga ri khale ndzi ta rhuma vanhu va ya etikweni ra Mowabu, va ya chulula vhinyo ya rona va fayetela ni makhuwana ya kona.

Yeremiya 47:3

Loko va twa huwa ya tihanci leti paletelaka ritshuri, ni vugedle-gedle bya makalichi ya nyimpi, ni vuntswikiri-ntswikiri bya mavhilwa ya kona, vavanuna va ta tsemeka nhlana hi ku chava, va rivala ni ku sirhelela vana va vona.

Yeremiya 16:5

“Mina HOSI ndzi ri: U nga ha yi laha ku nga ni nkosi, u nga tshuki u ya rila na vona kumbe ku va chavelela, hikuva vanhu lava a ndza ha ri na mhaka na vona, a ndza ha va rhandzi, a ndza ha lavi ku va twela vusiwana.

2 TIKRONIKA 20:23

Kutani va sungula ku dlayana hi xivona, Vaamoni ni Vamowabu va hlengela Vaseyira va va herisa va ku bì. Kutani va sala va dlayana, va lovisa sweswo hinkwavo.

1 SAMIELE 14:16

Vavanuna va Sawulo lava a va rindza eGibeya wa Benjamini, va vona nkitsikitsi wa Vafilista lava tsutsumaka va ya hala ni hala.

Ntirho 27:22

Xihuhuri xi va ba xi nga tsetseleli, va balekela ntamu wa xona va tsutsuma;

Yeremiya 15:5

HOSI Xikwembu xi ri: “We Yerusalema, i mani loyi a nga ta ku twela vusiwana, a xaniseka na wena xana? Xana i mani loyi a nga ta hambuka a ta ku pfuxela xana?

Swirilo 2:21

Swihlangi ni vanhu lavakulu va lo n'wálálálá, entshurini wa magondzo; majaha ni vanhwana wa mina Yerusalema, va dlawe hi tlhari, siku leri a wu hlundzukile, u dlayetela u nga tsetseleli.

Hosiya 2:4

“Na vona vana va yena, a ndzi nga va tsetseleli, hikuva ú va kumile evunghwavaveni bya yena.

Zakariya 11:6

Hikokwalaho mina HOSI ndzi vurisa sweswo ndzi ri: Na mina a ndzi nga ha vi na mhaka ni vanhu va misava leyi. Ndzi ta nyiketa munhu un'wana ni un'wana emavokweni ya muakelani wa yena, kumbe emavokweni ya mufumi wa yena. Varhangeri lava va ta pyanyetela vaaki va misava, kambe mina ndzi nga ka ndzi nga kutsuli munhu ni un'we emavokweni ya vona.”

Yeremiya 15:6

Mina HOSI ndzi ri: U ndzi tshikile, u lo ya u tlhelela endzhaku, hikokwalaho ndzi tshambulutile voko ra mina, ndzi ku ba ndzi ku herisa. A ndzi karhele ku ku rivalela.

Yeremiya 25:16

Va ta nwa va dedeleka, va hlangana ni tinhloko, hikwalaho ka tinyimpi leti ndzi nga ta va pfuxela tona.”

Ezekiele 7:3

Na n'wina Vaisraele ma hela! Eku hlundzukeni ka mina, ndzi ta mi tela, ndzi mi avanyisa hikwalaho ka mikhuva ya n'wina leyo biha, ndzi mi bela manyala ya n'wina hinkwawo.