Yeremiya 13:13 - BIBELE Mahungu Lamanene

¹³ Kutani wena u ta va byela leswaku mina HOSI ndzi ri: ‘Yingisani, ndzi ta pyopyisa vanhu hinkwavo lava akeke etikweni leri, ti nga tihosi leti tshamaka exiluvelweni xa Davhida, ni vaprista, ni vaprofeta, ni vaaki hinkwavo va Yerusalema.

Xitsonga (Bibele)

¹³ Loko swi ri tano, u nge eka vona: ‘Yehovha u ri: Vonani, vaaki hinkwavo va tiko leri, ni tihosi leti tshameke exiluvelweni xa Davhida, ni vaprista ni vaprofeta, ni vaaki hinkwavo va Yerusalema, ndzi ta va tata hi leswi pyopyisaka.

Yeremiya 13:13 Referans Kwoze

Esaya 63:6

Eku hlundzukeni ka mina, ndzi kandziyerile vamatiko, ndzi va fayetela hi vukari bya mina, ngati ya vona, ndzi yi halatela hansi.”

Esaya 51:17

We Yerusalema, suka u yima! Yima, wena u nweke vukari bya HOSI Xikwembu exinwelweni lexi xi ku nyikeke xona; u nwile u heta, u pyopyiwa.

Pisalema 75:8

HOSI Xikwembu xi tamele xinwelo xa vukari bya xona, lexi teleke hi vhinyo leyo bava leyi xi yi hlanganiseleke swinene; xi ta yi nyika vanhu hinkwavo lavo homboloka, xi va sindzisa ku yi nwa va heta.

Pisalema 60:3

Vanhu va wena u va kombile maxangu. U hi sindzisile ku nwa vhinyo leyo bava leyi yi hi dedelekisaka.

Habakuku 2:16

Kasi hi wena la nga ta khomiwa hi tingana, ematshan'wini ya ku va la chavisekaka. Tinwele u ri wena, u dedeleka. Xinwelo xa vukari lexi nga vokweni ra xinene ra HOSI xi ta kondza xi fika eka wena, kutani ku chaviseka ka wena ku ta hundzuka tingana letikulu.

Yeremiya 51:7

Muti wa Babilona a wu fana ni xinwelo xa nsuku evokweni ra HOSI Xikwembu: Misava hinkwayo yi nwele kona yi kondza yi pyopyiwa; matiko ma nwile vhinyo ya kona, kutani yi ma hlanganisile tinhloko.

Yeremiya 25:27

HOSI Xikwembu xi engeta xi vulavula na mina xi ku: “Byela vanhu va matiko lawa leswaku mina HOSI ya matimba hinkwawo Xikwembu xa Israele, ndzi ri: ‘Nwanani, mi pyopyiwa mi tlhela mi hlanta, mi wa mi nga ha pfuki, hikuva ndzi ta vanga tinyimpi exikarhi ka n'wina!’

Esaya 49:26

Lava va mi xanisaka, ndzi ta endla leswaku va dlayana hi xivona, va dakwa hi ngati ya va ka vona wonge hi loko yi ri vhinyo, kutani vanhu hinkwavo va ta swi tiva leswaku mina HOSI, ndzi muponisi wa n'wina, ni leswaku ndzi mukutsuri wa n'wina, ndzi ntamu wa va ka Yakobo.”

Yeremiya 51:57

HOSI Xikwembu xi ri: “Ndzi ta pyopyisa tindhuna ni tintlhari, varhangeri ni vafambisi va mavuthu ni tinhenha! Ndzi ta va etlerisa vurhongo lebyikulu, kutani a va nga ha xalamuki, ku vula mina Mufumi, HOSI ya matimba hinkwawo.

Esaya 51:21

Rhiyani ndleve, n'wina mi xanisiwaka, n'wina mi pyopyiweke mi nga nwanga vhinyo:

Esaya 29:9

Dadavalani, mi tiendla madadada, pfalani mahlo, mi tiendla lavo-fe-mahlo! A mi nwanga vhinyo, kambe mi pyopyiwile, ma dedeleka, kambe a mi nwanga byalwa!

Yeremiya 13:12

HOSI Xikwembu xi ndzi lerisile ku ya byela Vaisraele marito ya xona lama nge: “Jomela rin'wana ni rin'wana ri cheriwa vhinyo ri tala!” Xi engeta xi ku ka mina: “Vona va ta ku hlamula va ku: ‘Hina ha swi tiva leswaku jomela rin'wana ni rin'wana ri endleriwe ku cheriwa vhinyo ri tala!’

Yeremiya 25:29

Yingisani: Ndzi ta sungula hi muti lowu nga wa mina hi xiviri, ndzi wu ba. Xana n'wina mi nga pona mi nga biwi xana? E-e, ku biwa mi ta biwa, hikuva ndzi le kusuhi ni ku vanga tinyimpi exikarhi ka vaaki hinkwavo va misava. Ndzi vula sweswo mina HOSI ya matimba hinkwawo.’ ”