Yeremiya 12:8 - BIBELE Mahungu Lamanene

⁸ Vahlawuriwa va mina va ndzi tela kukota tinghala, va ndzi mpfhumpfhela, hikokwalaho a ndza ha va rhandzi.

Xitsonga (Bibele)

⁸ Hikuva eka mina, ndzhaka ya mina yi kotisa nghala leyi nga exihlahleni, leyi ndzi dzumadzumelaka; ndzi yi vengile hakona.

Yeremiya 12:8 Referans Kwoze

Amosi 6:8

HOSI Xikwembu xa matimba hinkwawo xi vula sweswo. HOSI N'wini wa hinkwaswo ú tibohile hi ku hlambanya a ku: “Ndzi nyenya ku tikurisa ka va ka Yakobo, ni tindlu ta vona ta vuhosi ndza ti venga, kutani ndzi ta nyiketa muti wa vona eka valala, ni leswi nga ndzeni ka wona.”

Hosiya 9:15

Mintirho ya vona hinkwayo leyo biha yi kumeka eGiligala; hi laha ndzi sunguleke kona ku va venga. Kutani leswi va endleke swo homboloka, ndzi ta va hlongola va suka laha tikweni ra mina. A ndzi nga ha tlheri ndzi va rhandza; varhangeri va vona hinkwavo va tinonon'hwisa ngopfu.

Zakariya 11:8

Hi n'hweti yin'we, ndzi hlongola varisi van'wana vanharhu entirhweni, kambe ndzi sungula ku karhala hi tinyimpfu leti, na tona ti nga ha ndzi tsakeli.

Yeremiya 51:38

“Va le Babilona va bonga hinkwavo ku fana ni tinghala, va mpfhumpfha kukota swinghalana.

Yeremiya 2:15

Va bonga kukota tinghala, va lwa na yena va ri karhi va ba huwa; tiko ra yena va ri onhetele ngopfu, miti ya yena yi hundzuke marhumbi, a ka ha tshami munhu eka yona.

Esaya 59:13

Hi tlurile milawu ya wena HOSI, hi tlhela hi ku fularhela, hi tshike ku landza wena Xikwembu xa hina. Hi vulavula ntsena hi ta ku xanisa van'wana ni ku hundzukela wena, makungu ya hina ni leswi hi swi vulaka i mavunwa ntsena.

Ezekiele 23:18

Loko Oholiba a ya emahlweni ni swa vunghwavava bya yena, a etlela ni vavanuna erivaleni, a ndzi nyangatsa na mina hilaha makwavo wa yena a ndzi nyangatseke hakona.

Mikiya 2:8

HOSI Xikwembu xi ri: “N'wina mi lwa ni vanhu va mina, wonge vo va valala va n'wina. Loko mi vona munhu a funengele nkumba, ma n'wi tekela, kasi o va muhundzi wa ndlela ntsena, a nga lwi na munhu.