Yeremiya 12:5 - BIBELE Mahungu Lamanene

⁵ Xikwembu xi hlamula Yeremiya xi ku: “Leswi u hatlaka u karhala siku u phikisanaka ni vanhu eku tsutsumeni, xana u nga phikisana ni tihanci u ti tlula hi rivilo ke? Leswi u titwaka u hlayisekile ntsena laha ku nga na vanhu, xana u nga chochoverisa ku yini eswihlahleni swa le Yordani xana?

Xitsonga (Bibele)

⁵ “Swi tsandza ni loko u siyisanile ni va milenge, kutani va ku karhatile; xana u nga siyisananisa ku yini ni va tihanci? Ni loko u nga chavi nchumu etikweni ra ku rhula, Xana eswihlahleni swa Yordani u nga endla yini?

Yeremiya 12:5 Referans Kwoze

1 Petro 4:12

Varhandziwa, mi nga hlamaleni loko mi wela hi miringo leyi pfurhaka ku fana ni ndzilo ku ta ringa ku tiya ka n'wina, onge hi loko mi humeleriwa hi swin'wana leswi nga riki swona.

Swivuriso 24:10

Loko u hela mbilu hi siku ra khombo, swi komba leswaku a wu tiyanga.

Yeremiya 50:44

HOSI Xikwembu xi ri: “Hakunene ndzi ta hatla ndzi hangalasa va le Babilona, ku fana ni nghala leyi humaka exihlahleni xa Yordani, yi hangalasa tinyimpfu leti nga madyelweni ya rihlaza; kutani etikweni ra vona ndzi ta veka loyi ndzi n'wi rhandzaka. Xana i mani loyi a ringanaka na mina, ndzi lerisiwa hi mani xana? I murhangeri wihi la nga lwaka na mina ke?

Yeremiya 49:19

“Hakunene ndzi ta hatla ndzi hangalasa va le Edomu, ku fana ni nghala leyi humaka exihlahleni xa Yordani, yi hangalasa tinyimpfu leti nga madyelweni ya rihlaza; kutani etikweni ra vona ndzi ta veka loyi ndzi n'wi rhandzaka. Xana i mani loyi a ringanaka na mina, ndzi lerisiwa hi mani xana? I murhangeri wihi la nga lwaka na mina ke?

Pisalema 42:7

Maxangu ya mina ma landzelelana kukota magandlati, u ma pfumisa wonge i maboboma; magandlati ya wena ni maboboma ya wena hinkwawo ma hundzile hi le henhla ka mina.

Swivuriso 3:11

N'wananga, loko HOSI Xikwembu xi ku laya, u nga soli, ni loko xi ku tshinya, u nga vi ni ximbilwa-mbilwana,

Yoxuwa 3:15

Vaprista lava rhwaleke Areka va fika enambyeni wa Yordani va peta milenge ya vona ematini (nambu wa Yordani wu tala wu fika emagangeni nkarhi hinkwawo wa ntshovelo),

Yeremiya 36:26

Kutani hosi Yoyakimi a lerisa Yerahamiele n'wana wa yena, na Seraya n'wana Aziriele, na Xelemiya n'wana Abideli, leswaku va ya khoma matsalani Baruku, va khoma na yena muprofeta Yeremiya; kambe HOSI Xikwembu a xi va tumbetile.

Yeremiya 26:8

Kutani loko a hetile ku vula hinkwaswo leswi HOSI Xikwembu xi n'wi leriseke ku ya tivisa vanhu hinkwavo, vaprista ni vaprofeta ni ntshungu hinkwawo va n'wi khoma va ku: “U fanele ku fa!

1 TIKRONIKA 12:15

Vavanuna lava hi vona va nga pela nambu wa Yordani loko wu tele ngopfu enkarhini wa timpfula, va ya hlasela valala etimbaleni, va va hangalasela evuxeni ni le vupeladyambu.

Yeremiya 11:21

Kutani HOSI Xikwembu xi humesa rito ehenhla ka vanhu va muti wa Anatoto lava a va ndzi arisa ku vulavula hi vito ra xona, va ku va ta ndzi dlaya.