Yeremiya 12:2 - BIBELE Mahungu Lamanene

² U va simekile, va mila timitsu, va kula va veka mihandzu. Va vulavula ngopfu hi wena, kambe etimbilwini va le kule na wena.

Xitsonga (Bibele)

² U va simekile va va va engetela timitsu, va mirile, kutani va vekile mihandzu; u kusuhi ni milomu ya vona, kambe u kule ni timbilu ta vona.

Yeremiya 12:2 Referans Kwoze

Esaya 29:13

N'wini wa hinkwaswo ú ri: “Vanhu lava vo vula hi milomo leswaku va le ku ndzi gandzeleni, kambe marito ya vona yo ndzi dzunisa, a ma humi etimbilwini ta vona; xichavo lexi va ndzi kombaka xona, i ntolovelo lowu va nga lo dyondzisiwa hi van'wana.

Tito 1:16

Hi milomo ya vona, va vula leswaku va tiva Xikwembu, kambe hi mintirho ya vona va xi landzula. Va nyangatsa, va ala ku yingisa, a va koti ku endla ntirho ni wun'we lowunene.

Matewu 15:8

“ ‘Vanhu lava va ndzi xixima hi nomo, kambe timbilu ta vona ti le kule na mina.

Yeremiya 11:17

N'wina Vaisraele na n'wina va ka Yuda, mi simekiwile hi mina, kambe sweswi ndzi ta mi vangela khombo mina HOSI, hikuva mi ndzi karihisile hi ku hisela swikwembu swa Baali emirhi ya risuna.”

Ezekiele 33:31

Va khitikana va ta eka wena, va tshama emahlweni ka wena, vanhu lava va mina. Leswi u swi vulaka, va swi twa kambe a va endli. Hi milomo va ri, va ndzi rhandza ngopfu mina Xikwembu, kambe etimbilwini va anakanya ntsena ku tikumela swa vona.

Yeremiya 45:4

Kambe HOSI Xikwembu xi ndzi lerisile ku ku tivisa marito ya xona lama nge: ‘Yingisa! Ndzi faya leswi ndzi swi akeke; leswi ndzi swi byaleke, ndza swi tsuvula; ndzi endlisa sweswo emisaveni hinkwayo.

Marka 7:6

A va hlamula a ku: “Esaya a a vula n'wina hakunene, n'wina vakanganyisi, loko a tsarile a ku: “ ‘Vanhu lava va ndzi xixima hi nomo, kambe timbilu ta vona ti le kule na mina;

Yeremiya 3:10

Etimhakeni leti hinkwato, Yuda lowa mukanganyisi makwavo wa Israele a nga hundzukanga a vuyela eka mina hi mbilu ya yena hinkwayo; ú lo tisola hi nomo ntsena. Ndzi vula sweswo mina HOSI.”

Ntirho 5:3

Ndzi vonile xiphukuphuku xi dzima timitsu, kambe ku nga ri khale, ndzi rhuketele muti wa xona.

Pisalema 37:35

Ndzi vonile munhu wo homboloka, wo chavisa: A a navile ku fana ni murhi wa matluka ya rihlaza.

Habakuku 1:13

Mahlo ya wena a ma tsakeli ku hlalela leswo biha, hikuva ma tengile ngopfu; a wu languti leswo biha, u nga endli nchumu. Kutani ke, hikwalaho ka yini u languta ntsena vaxisi, u miyelela yini loko lavo biha va mita vanhu-kulobye lava lulameke ku tlula vona ke?

Ntirho 24:12

Emitini ya vona, lava dlawaka va cema, lava tlhaviwaka va kombela ku pfuniwa, kambe Xikwembu a xi na mhaka ni maxangu lawa.”

Hosiya 7:14

Loko va rila emasangwini ya vona, ni loko va tixekelela, va kombela mavele ni vhinyo, a va huweleli eka mina hi mbilu hinkwayo, va le ku ndzi fularheleni.