Yeremiya 12:10 - BIBELE Mahungu Lamanene

¹⁰ Varhangeri va matiko va onhile nsimu ya mina ya vhinya, va kandziyerile tiko ra mina; a ri sasekile swinene, kambe va ri hundzule mananga.

Xitsonga (Bibele)

¹⁰ Varisi lavo tala va onhile nsimu ya mina ya vhinya, va kandziyerile masimu ya mina; nsimu ya mina leyi rhandzekaka, va yi endlile mananga layo biha.

Yeremiya 12:10 Referans Kwoze

Yeremiya 23:1

HOSI Xikwembu xi ri: “Mi ni khombo n'wina varisi lava dlayaka ni ku hangalasa tinyimpfu ta mina.

Esaya 63:18

Tempele ya wena, yi vile ya hina vanhu va wena lavo hlawuleka, kambe a swi hetanga nkarhi, hikuva valala va hina va yi mbundzumuxile yi wa.

Yeremiya 6:3

Tihosi ti ta ni mavuthu ya tona, ti dzima mixaxa ti rhendzela muti leswaku ti ta wu hlasela; hosi yin'wana ni yin'wana yi lwa yi ri endhawini ya yona.

Yeremiya 3:19

HOSI Xikwembu xi ri: “A ndzi ri ni makungu ya ku ku tlakusa exikarhi ka vana va mina va xinuna, ndzi ku nyika tiko ro tsakisa ri va ra wena, tiko ro saseka ku tlula matiko man'wana hinkwawo. A ndzi anakanya leswaku u ta ndzi vula tata wa wena, u nga ha ndzi landzuli.

Nhlavutelo 11:2

Kambe u nga pimi xivava xa Tempele xa le handle, xi tshike, hikuva xi nyiketiwile eka vamatiko, kutani va ta kandziyela muti lowo hlawuleka ku ringana tin'hweti ta 42.

Luka 21:14

Hikokwalaho swi vekeni emiehleketweni ya n'wina leswaku a mi nga tikarhati ku pfa mi lulamisile leswi mi nga ta hlamurisa swona,

Yeremiya 39:3

kutani tindhuna hinkwato ta hosi ya le Babilona ti nghena, ti ya tshama kusuhi ni Nyangwa-ya-le-Xikarhi; a ku ri na Nergala-Sarezere, na Samigara-Nebo, na Sari-Sekimi ndhunankulu, na Nergala-Sarezere lowa xandla xa hosi, ni tindhuna tin'wana hinkwato ta hosi ya le Babilona.

Yeremiya 25:9

sweswi ndzi ta rhamba vanhu va tinxaka hinkwato ta le n'walungwini, ndzi rhamba ni nandza wa mina Nebukadnetsara hosi ya Babilona, ndzi va lerisa ku ta va ta hlasela tiko leri ni vaaki va rona, ni matiko hinkwawo lama vandzakaneke na vona. Hinkwavo ndzi ta va herisela makumu, ndzi va hundzula xikombiso lexi chavisaka; vanhu va ta hlakahla tinhloko, va nga tshiki ku va monya.

Esaya 43:28

Hikokwalaho, ndzi nyamisile varhangeri va le Tempeleni, ndzi nyiketa va ka Yakobo leswaku va heriseriwa makumu, ndzi tshika Vaisraele va rhuketeriwa.”

Yeremiya 9:10

Ndzi ta tlhava mukhosi ndzi rilela tintshava, ndzi rilela ni madyelo ya swifuwo hikuva ma tshwile, a ka ha hundzi munhu hi le ka wona, ni ku rila ka tihomu a ka ha twali eka wona; tinyanyana ni swiharhi swi tsutsumile hinkwaswo.

Ezekiele 34:2

“Wena munhu, yana u ya tshinya tihosi leti risaka tiko ra Israele; tshinya varisi lava, u va byela leswaku mina HOSI N'wini wa hinkwaswo ndzi ni rito eka vona leri nge: ‘Mi ni khombo n'wina varisi va Israele, hikuva mi le ku tihlayiseni n'wina ntsena! Xana ntirho wa varisi a hi ku hlayisa tinyimpfu xana?

Daniele 8:13

“Kutani ndzi twa un'wana la hlawulekeke a ri karhi a vulavula, ndzi twa ni muhlawuleki un'wana la vutisaka, a ku: ‘Xana timhaka leti ta xivono ti ta ya emahlweni ku fikela rini, ndzi vula ta magandzelo lama yimisiwaka, ni ta vudyoho lebyi onhaka, ni ta xivandla lexo hlawuleka loko xi nyiketiwa eka rimhondzo, ni ta swivumbiwa swa le tilweni loko swi kandziyeriwa hi rona xana?’

Zakariya 7:14

Kutani ndzi va hangalasele etinxakeni hinkwato leti a va nga ti tivi, kutani tiko leri ro saseka, leri va ri sukeleke, ri sala ri ri rhumbi, ku pfumaleka na munhu loyi a nga famba-fambaka eka rona.”

Esaya 3:14

HOSI Xikwembu xi boxa nandzu wa varhangeri ni vakulukumba va tiko ra xona, xi ri: “Hi n'wina mi onheke nsimu ya mina ya vhinya, mi tate tindlu ta n'wina hi leswi mi swi phangheke eka swisiwana.

Yeremiya 25:37

Madyelo lawa, khale a ma sasekile, kambe sweswi ma onhiwile hi vukari lebyi pfurhaka bya HOSI Xikwembu.

Yeremiya 25:38

Murisi ú ta suka a siya ntlhambi wa yena kukota nghala leyi siyaka xihlahla xa yona, hikuva tiko ra Vaisraele ri hundzuke mananga, hikwalaho ka tinyimpi leti ti ri hlaseleke, ni vukari lebyi chavisaka bya HOSI Xikwembu.”

Ezekiele 34:5

Kutani leswi tinyimpfu a ti pfumala varisi, ti hangalakile, ti ya dyiwa ha yin'we yin'we hi swiharhi swa le nhoveni.