Yeremiya 12:1 - BIBELE Mahungu Lamanene

¹ We HOSI, u Xikwembu xo lulama, ndzi nge kanetani na wena, hambiswiritano ndzi ni timhaka leti ndzi lavaka ku ku vutisa tona: Hikwalaho ka yini lavo homboloka va kateka emintirhweni ya vona, vakanganyisi va hanyela yini emafurheni xana?

Xitsonga (Bibele)

¹ Wena Yehovha, u lulamile, ndzi nga tsandzeka ku kanetana na wena; hambiswiritano, ndzi ta tengisana na wena: Xana lavo biha va kateka ha yini, ni vakanganyisi hinkwavo va ni ku rhula ha yini-ke?

Yeremiya 12:1 Referans Kwoze

Malakiya 3:15

Hina hi vona leswi: Lava tikurisaka, hi vona va katekaka, lavo biha va humelela; hambiloko va ringa Xikwembu, xona a xi va bi!’ ”

Pisalema 92:7

Lavo homboloka va nga rhumbuka kukota byanyi, hinkwavo lava endlaka leswo biha va nga humelela, kambe eku heteleleni va ta herisiwa va nyamalala.

Pisalema 37:1

U nga tshuki u tipandzisa nhloko hikwalaho ka vanhu lavo homboloka; vadyohi, u nga tshuki u va vondzoka!

Daniele 9:7

We N'wini wa hina, u Xikwembu xo lulama, kambe hina hi tivangele tingana letikulu namuntlha, ndzi vula hina hinkwerhu: Vanhu va le Yuda, ni lava akeke eYerusalema, ni Vaisraele hinkwavo, lava nga kusuhi ni lava nga kule, ematikweni hinkwawo lawa u va hangalaseleke eka wona, hikuva va lwile na wena, va nga ha tshembeki.

Ntirho 12:6

Emitini ya swigevenga, ku tsakiwile; lava rhuketelaka Xikwembu, va tshamisekile, va ri, xona xi le mavokweni ya vona.

Habakuku 1:4

Kutani nawu a wa ha tirhi, timhaka a ta ha avanyisiwi hi ku lulama, ni siku ni rin'we. Lavo biha va tlharihela lavo lulama, kutani timhaka ti avanyisiwa hi ndlela yo homboloka.

Pisalema 51:4

Ndzi dyoherile wena, wena ntsena, ndzi endlile leswo biha emahlweni ka wena; hikokwalaho loko u ndzi avanyisa u ndzi ba, a wu nga vi na nandzu, u ta va u nga hoxanga.

Pisalema 37:35

Ndzi vonile munhu wo homboloka, wo chavisa: A a navile ku fana ni murhi wa matluka ya rihlaza.

Sofoniya 3:5

Kambe HOSI Xikwembu lexi nga mutini lowu, xi lulamile, a xi endli nchumu xo biha; mixo wun'wana ni wun'wana xi komba ku lulama ka xona, tanihi vurhonga, a xi tluli siku; hambiswiritano, lavo homboloka a va khomi hi tingana!

Yeremiya 11:20

Kutani ndzi khongele ndzi ku: “We HOSI ya matimba hinkwawo, wena u avanyisaka timhaka hi ku lulama, wena u kambelaka ripfalo ra munhu ni mianakanyo ya yena, tikombe eka mina hi ku rihiseta vanhu lava, hikuva timhaka ta mina, ndzi ku byerile tona hinkwato.”

Yeremiya 12:6

Ndzi vula hikuva lava va ku kanganyisaka i vamakwenu, i vanhu va ka n'wina, hi vona va ku salaka endzhaku. Hambiloko va ku tsakisa hi marito, u nga tshuki u va tshemba!”

Yeremiya 5:11

Vanhu va tiko ra Israele ni ra Yuda a va vanga lavo tshembeka eka mina nikutsongo. Ndzi vula sweswo mina HOSI.”

Ntirho 13:3

Kambe mina ndzi lava ntsena ku ya vulavula na Xikwembu-xa-matimba-hinkwawo, ndzi navela ngopfu ku xi andlalela mhaka ya mina.

Ezra 9:15

We HOSI Xikwembu xa Israele, wena u lulamile, hikuva van'wana va hina va ponile, u va siyile va hanya ku fika namuntlha. Hi langute, hi tile eka wena ni milandzu ya hina; a swi hi fanelanga ku ta emahlweni ka wena, hikuva hi ku dyoherile.”

Hosiya 6:7

Kambe va tshovile ntwanano ku fana na Adamu, hi ku ka va nga ndzi tirhelanga hi ku tshembeka.

Esaya 48:8

Swilo leswi, a mi si tshama mi swi twa, ni ku swi tiva a mi swi tivi, ku sukela khale a swi fikanga etindleveni ta n'wina, hikuva a ndzi swi tiva leswaku a mi tshembekanga; ku sukela loko mi velekiwile, mi tiviwa mi ri lava tiarisaka.

Esaya 41:21

HOSI Xikwembu, xona mufumi wa va ka Yakobo, xi vurisa sweswo, xi ri: “Hlamuselani mhaka ya n'wina, n'wina swikwembu swa matiko, tanani ni vumbhoni bya n'wina!

Swivuriso 1:32

Lava pfumalaka vutivi va tivangela rifu loko va ala ku dyondzisiwa, swiphunta swi ticelela masirha hi ku ka swi nga tikarhateli nchumu.

Pisalema 145:17

Tindlela ta HOSI Xikwembu hi leto lulama hinkwato, rirhandzu ra xona ra vonaka emintirhweni ya xona hinkwayo.

Pisalema 119:137

We HOSI, u lulamile, ni swiboho swa wena a hi ku lulama ka swona!

Pisalema 119:75

We HOSI, ndza swi tiva leswaku u boha timhaka hi ku lulama, hikokwalaho a wu hoxanga loko u ndzi tshikile ndzi xaniseka.

Duteronoma 32:4

“Hi xona Ribye leri tiyeke; mintirho ya xona yi hetisekile, tindlela ta xona hinkwato ti lulamile, i Xikwembu xo tshembeka, a xi dyoheli munhu, xi lulamile, xi hava xisandzu.

Genesa 18:25

Mhaka ya ku herisiwa ka vanhu vo lulama swin'we ni lavo homboloka, u nga tshuki u yi endla. U nga tshuki u fanisa lavo lulama ni lavo homboloka. Xana Muavanyisi wa misava hinkwayo a nga tsandzeka ku endla leswo lulama xana?”

Nehemiya 9:33

Eka hinkwaswo leswi swi hi humeleleke, wena u tirhile hi ku lulama ni ku tshembeka, kambe hina hi endlile leswo homboloka.

Pisalema 116:5

HOSI Xikwembu xa hina xi ni vunene, xi tsetselela vanhu, xi va twela vusiwana,

Eklesiasta 8:14

Laha misaveni, ka ha ri ni swin'wana leswi nga pfuniki nchumu: Ku ni vanhu vo lulama lava welaka hi makhombo ya lavo homboloka; kambe ku ni lavo homboloka lava kumaka minkateko ya lavo lulama. Na swona sweswo, ndza ha vula leswaku a swi pfuni nchumu.

Yeremiya 3:7

Kutani ndzi ehleketile leswaku endzhaku ka leswi hinkwaswo, ú ta vuyela eka mina; kambe a nga vuyanga, kutani Yuda, makwavo wa yena lowa mukanganyisi, ú swi vonile.

Yeremiya 3:20

Khombo ra kona hi leswaku n'wina Vaisraele a mi vanga lavo tshembeka eka mina, mi ve mi fana ni wansati la nga tshembekiki eka nuna wakwe. Ndzi vula sweswo mina HOSI.”

Yeremiya 9:2

Loko a ndzo va ni ntsonga le mananga, a ndzi ta ya tshama ka wona kule ni varikwerhu, ndzi hambana na vona, hikuva a ku na loyi a tshembekaka exikarhi ka vona, hinkwavo i vakanganyisi.

Yeremiya 32:16

Yeremiya a engeta a ku: “Endzhaku ka loko ndzi nyikile Baruku n'wana Neriya emapapila ya vun'wini, ndzi khongela HOSI Xikwembu ndzi ku:

Swirilo 1:18

“HOSI yi lulamile, a yi hoxanga: Nandzu wu na mina ndzi nga tlula ku lerisa ka yona. N'wina vanhu hinkwenu, yingisani, mi languta ni maxangu ya mina. Vanhwana va mina ni majaha ya mina va yisiwile evukhumbini.

Ezekiele 18:25

“N'wina Vaisraele mi tala ku vula leswaku matirhele ya mina HOSI N'wini wa hinkwaswo a ma twali. Ndzi yingiseni! Xana i matirhele ya mani lama nga twaliki xana? I matirhele ya n'wina, ku nga ri ya mina!

Ntirho 8:17

timitsu ta wona ti nga tlhava erikhwarheni, ti nga pandza ni maribye lamakulu;

Ntirho 24:12

Emitini ya vona, lava dlawaka va cema, lava tlhaviwaka va kombela ku pfuniwa, kambe Xikwembu a xi na mhaka ni maxangu lawa.”

Ntirho 24:23

Xi nga va tshika va titwa va hlayisekile, kambe xi le ku xiyaxiyeni ka tindlela ta vona.

Pisalema 51:6

Wena u tsakelaka munhu la nga ni ntiyiso embilwini ya yena, ndzi dyondzise vutlhari exihundleni xa mina.

Daniele 9:14

Hikokwalaho, we HOSI, u tilulamisele ku hi vangela maxangu lawa, kutani ma hi fikele. Wena HOSI Xikwembu xa hina, minkarhi hinkwayo u endla leswi lulameke ntsena kambe hina a hi yingisi rito ra wena.

Malakiya 2:17

Mi karharisile HOSI Xikwembu hi ku vula-vula ka n'wina, kambe mi ri: “Xana hi xi karharisile hi ndlela yihi ke?” Nhlamulo hi leyi: Hi loko mi vula leswaku un'wana ni un'wana la endlaka leswo biha, ú lulamile emahlweni ka HOSI Xikwembu, ni leswaku Xikwembu xi tsakela munhu wo tano. Ma xi karharisa loko mi vutisa mi ku: “Xi kwihi Xikwembu lexi va nge xi lulamile ke?”