Yeremiya 11:8 - BIBELE Mahungu Lamanene

⁸ Vatata wa n'wina a va rhiyanga ndleve kumbe ku ndzi yingisa. Va tiomisile tinhloko, kutani un'wana ni un'wana a endla leswo biha hi ku rhandza ka mbilu ya yena; hikokwalaho ndzi va vangele makhombo layo tala, hikuva a va yingisanga marito ya ntwanano lowu ndzi wu endleke na vona.’ ”

Xitsonga (Bibele)

⁸ Kambe a va yingisanga a va rhiyanga tindleve, kambe a va ri karhi va famba un'wana ni un'wana eku tinonon'hwiseni ka mbilu ya yena, ku va laha ndzi va humeselaka marito hinkwawo ya ntwanano lowu ndzi nga va lerisa leswaku va wu hlayisa, kambe a va wu hlayisanga.’ ”

Yeremiya 11:8 Referans Kwoze

Yeremiya 7:24

Kambe vona a va rhiyanga ndleve va ndzi yingisa. Va endlile leswi timbilu ta vona leto nonon'hwa ti va byelaka swona, kutani va tlhelela endzhaku ematshan'wini ya ku ya emahlweni.

Yeremiya 7:26

Hambiswiritano n'wina a mi rhiyanga ndleve mi yingisa, mi lo nyanya ku tinonon'hwisa, mi endla leswo biha ku tlula ni vatata wa n'wina.

Ezekiele 20:8

Khombo hileswaku va tiarisile, va ala ku ndzi yingisa; a va hambananga ni swilo swa manyala leswi a va swi tshemba; hinkwavo va arile ku tshika swikwembu swa hava swa Vaegipta. “Ndzi ehleketile ku chululela vukari bya mina ehenhla ka vona, ndzi va ba ndzi hlundzukile loko va ha ri etikweni ra Egipta.

Yeremiya 35:15

Ndzi mi rhumerile vaprofeta malandza ya mina; minkarhi hinkwayo a ndzi va rhwexa mahungu lama nge: ‘Hinkwenu hundzukani mi tshika tindlela ta n'wina leto homboloka, mi lulamisa mahanyelo ya n'wina, mi nga ha landzeleli swikwembu swa hava, mi nga swi nkhinsameli. Loko mo endla tano, mi ta tshamiseka etikweni leri ndzi ri nyikeke n'wina ni vatata wa n'wina.’ Kambe mi arile ku ndzi yingisa.

Yeremiya 3:17

Eminkarhini yoleyo, muti wa Yerusalema wu ta vuriwa ‘Xiluvelo xa HOSI Xikwembu’, kutani vanhu va matiko hinkwawo va ta khitikana va ya eka wona, hikwalaho ka vito ra HOSI leri wu thyiweke rona. A va nga ha tiarisi, va ta va va hambanile ni mianakanyo ya vona ya khale leyo biha.

Zakariya 7:11

Kambe vanhu va arile ku yingisa switsundzuxo leswi: Va swi be hi makatla, va tisiva tindleve leswaku va nga swi twi,

Yeremiya 44:17

Hina hi ta endla hinkwaswo leswi hi tiboheke ku swi endla: Hi ta hisa mirhi ya risuna hi humesela xikwembu lexi va nge i ‘Nkosikazi-ya-le-Matilweni’, hi xi humesela ni magandzelo ya swakunwa. Khale a hi endla sweswo emitini ya Yuda ni le magondzweni ya Yerusalema, hi ri ni vatata wa hina ni tihosi ta hina ni tindhuna ta hina. Eminkarhini ya kona a hi kuma swakudya swo tala, hi kateka, hi nga voni nchumu xo biha.

Nehemiya 9:29

U va tsundzuxile leswaku va tlhelela eNawini wa wena, kambe vona va tikurisile, va ala ku yingisa milawu ya wena, va ku dyohela hi ku tlula swiletelo swa wena leswi loko munhu a swi hlayisa a kumaka vutomi; va ku fularherile, va tinonon'hwisa, va ala ku ku yingisa.

Nehemiya 9:26

“Hambiswiritano, va arile ku ku yingisa, va ku hundzukela, va fularhela ni Nawu wa wena, va dlaya ni vaprofeta va wena lava a va va tsundzuxa ku tlhelela eka wena; va tlhela va ku rhuketela swinene.

Yeremiya 13:10

Vanhu lava vo homboloka va ala ku yingisa marito ya mina; va tiomisa tinhloko, kutani va endla leswi timbilu ta vona ti va byelaka swona: Va tinyiketa eka swikwembu swin'wana, va swi khongela ni ku swi tirhela. Hikokwalaho, va ta fana ni vamba leri, leri ri nga ha pfuniki nchumu.

Yeremiya 31:32

Ntwanano wa kona wu ta hambana ni lowu ndzi wu endleke khale ni vatata wa vona, siku ndzi va humeseke etikweni ra Egipta. Ntwanano wa mina lowo rhanga, va wu tshovile, hambileswi a ndzi ri n'wini wa vona; ndzi vula sweswo mina HOSI.

Yeremiya 32:23

Va tekile tiko ra kona ri va ra vona, kambe va arile ku ku yingisa, va tlula ni milawu ya wena. Leswi u va leriseke ku swi endla, a va swi endlanga, hikokwalaho u va vangerile makhombo lawa hinkwawo.

Yeremiya 38:20

Yeremiya a ku: “Vanhu volavo, u nga ka u nga nyiketiwi emavokweni ya vona. Ndzi kombela leswaku u amukela leswi ndzi ku byelaka swona swi ri leswi humaka eka HOSI Xikwembu, kutani u ta kateka, u ponisa ni vutomi bya wena.

Yeremiya 44:5

Kambe va ka Yuda a va yingisanga leswi ndzi va byelaka swona: A va tshikanga ku endla leswo homboloka, ni ku humesela swikwembu leswi swa hava emirhi ya risuna.

Yeremiya 44:16

“Leswi u hi byelaka swona u ku swi huma eka HOSI Xikwembu, a hi swi amukeli.

Zakariya 1:4

Mi nga tiarisi ku fana ni vatata wa n'wina lava ndzi va khongoteleke hi milomo ya vaprofeta lavo rhanga, ndzi va byela ku tshika mikhuva ya vona leyo biha, ni swiendlo swa vona leswo homboloka. Kambe vona a va ndzi yingisanga, a va ndzi kombanga xichavo, mina HOSI ya matimba hinkwawo.

Yeremiya 7:13

Kutani mina HOSI ndzi ri: Swidyoho swa kona hinkwaswo na n'wina mi swi endlile. A ndzi karhalanga ku vulavula na n'wina, kambe a mi yingisanga; ndzi mi vitanile, kambe a mi hlamulanga.

Yeremiya 34:14

‘Un'wana ni un'wana exikarhi ka n'wina loyi a xaveke Muheveru-kulobye leswaku a va hlonga ra yena a n'wi tirhela malembe ya 6, ú fanele ku n'wi ntshunxa hi lembe ra vu-7.’ Kambe vatata wa n'wina va arile ku rhiya ndleve va ndzi yingisa.

Yeremiya 35:17

Hikokwalaho mina HOSI ya matimba hinkwawo, Xikwembu xa Israele, ndzi vurisa sweswo ndzi ri, tiko ra Yuda ni vaaki hinkwavo va muti wa Yerusalema, ndzi ta va vangela makhombo hinkwawo lawa ndzi ma vuleke, hikuva ndzi vulavurile na vona kambe a va yingisanga; ndzi va vitanile kambe a va ndzi hlamulanga.”